Skoolvoedingsprogram onder druk

Die verhoogde prys van mielies belemmer die aankoop vir genoeg voorraad vir die uiters belangrikke skoolvoedingsprogram, volgens die ministerie van onderwys, kuns en kultuur. In antwoord op vrae oor onderwys vir gemarginaliseerde gemeenskappe, het die ministerie gesê dat tenders vir die skoolvoedingsprogram deur die Sentrale Verkrygingsraad van Namibië (CPBN) toegeken word. “Daar is baie ingewikkeldhede betrokke by die verkryging en aflewering van die skoolvoeding. Tans is die groot uitdaging wat skoolvoeding in die gesig staar die onvermoë van diensverskaffers om die mielies te bekom. Ten tyde van die tender was die markprys vir mielies wesenlik anders en daar was 'n massiewe prysstyging in die prys van mielies,” het die kantoor van die uitvoerende direkteur in die ministerie verlede week bevestig. Volgens die uitvoerende direkteur se kantoor werk die ministerie tans saam met die CPBN om 'n oplossing tot die probleem te kry.GEEN WEGWYSINGSVerder dring die ministerie aan dat leerlinge nie vanaf skole weggewys moet word as gevolg van ouers wat nie skoolfondse, handboeke, skryfbehoeftes of skooluniforms kan bekostig nie. Hierdie praktyk was onlangs vervat in ’n verslag deur die parlementêre staande komitee oor grondwetlike en regsake oor regeringsingrypings om toestande vir gemarginaliseerde gemeenskappe te verbeter. Die komitee wat die verslag in die parlement ter tafel gelê het, het in 2023 die streke van Omusati, Kunene, Ohangwena, Oshana, Oshikoto, Otjozondjupa, Omaheke, Zambezi, Kavango-Oos en -Wes besoek. Die fokus was op die lewensomstandighede van die San, Ovatue, Ovatjimba en Ovazemba.Volgens die ministerie het ‘n toelaag vir universiele primêre onderwys sedert 2013 skoolfondse vir primêre skole afgeskaf en in 2016 is daar soortgelyk met skoolfondse vir sekondêre skole ook mee weggedoen. “Dit beteken dat geen leerling geweier kan word om skool by te woon nie, weens onvermoë om skoolgeld te betaal. Skole versoek ouers om bydraes te maak vir die instandhouding van skole, maar [leerlinge wie se] ouers nie hierdie bydrae kan maak nie, kan nie van die skool weggewys word nie. Ouers kan vrywillige bydraes tot die skole maak. "Die onderwystoelae maak voorsiening vir die verkryging van skryfbehoeftes en streke kry die jaarlikse begroting vir die verkryging van handboeke en skryfbehoeftes,” dring die ministerie aan. Verder is daar 'n onderwysontwikkelingsfonds wat onder meer vir skooluniforms vir gemarginaliseerde leerders kan betaal, wanneer skole daarvoor aansoek doen. “As daar voorvalle is waar leerlinge weggewys word weens onvermoë om te betaal, moet dit onmiddellik aan die streekskantoor aangemeld word wat die situasie sal regstel,” sê die uitvoerende direkteur se kantoor. Die onderwysministerie moedig ook ouers aan om die ministerie van geslagsgelykheid, armoede-uitwissing en maatskaplike welsyn te nader vir bystand met finansies, vervoer en toegang to onderwys vir lede van gemarginaliseerde gemeenskappe. Leerlinge wat nie koshuisfooie kan bekostig nie, word aangemoeding om aansoek vir vrystelling by die betrokke skoolraad te doen. Die onderwysministerie verskaf ook N$22 per kind per dag vir die huisvesting van leerlinge in gemeenskapskoshuise.Oor die afgelope jaar het die ministerie twee koshuise gebou, met verdere uitbreidings van koshuisakkomodasie beplan vir die komende vyf jaar. Bouwerk vir koshuise by die Pendukeni I Ithana Sekondêre Skool gaan voort, soos ook by die Onkumbula Gekombineerde Skool, Schuckmansburg fase twee en Ndoro. Skole op Drimiopsis, Otjivanda, Aussenkehr, Bravel, Onamutayi en Nkurenkuru is ook ingesluit in die beplanning vir die uitbreiding van koshuisgeriewe. In agt van vroeëkinderontwikkelingsentrums is betaling van onderwysers steeds die verantwoordelikheid van die ministerie van geslagsgelykheid, armoede-uitwissing en maatskaplike welsyn, volgens die onderwysministerie. Die ministeries werk egter saam om kinderontwikkeling na die ministerie van onderwys, kuns en kultuur oor te dra. Verder moet skole nie leerlinge sonder identiteitsdokumente wegwys nie, maar kan beëdigde verklarings van hoofmanne of kerkleiers gebruik word om ouderdom vas te stel. Daarna moet die skool help dat leerlinge teen die einde van primêre skool identiteidsdokumente bekom.- augetto@nmh-hub.com.na

Skoolvoedingsprogram onder druk

Kommentaar

Republikein 2025-04-15

Meld asseblief aan om kommentaar te lewer

Skoolvoedingsprogram onder druk

Kommentaar

Republikein 2025-04-15

Meld asseblief aan om kommentaar te lewer

MELD AAN

Advertensie