Meer inligting eersdaags bekend oor vliegongeluk
Die voorlopige ondersoekverslag oor die vliegongeluk in Windhoek wat drie lewens op 3 Mei vanjaar geëis het, sal na verwagting teen die einde van die maand voltooi wees.
So sê Ben Engelbrecht, ’n ondersoeker verbonde aan die direktoraat van vliegtuigondersoeke in die ministerie van werke en vervoer.
Hy sê die direktoraat vermoed dat een van die vliegtuig se enjins onklaar geraak het, maar dat hulle nog besig is om die oorsaak te bepaal. Hy sê verder dié vermoede spruit uit inligting wat deur ooggetuies gedeel is en kringtelevisiebeeldmateriaal (CCTV).
“Ons weet die vliegtuig het skerp na links gedraai – hoekom dit gebeur het, moet ons nog ondersoek om die oorsaak ten volle te kan vasstel,” het hy aan Republikein gesê.
Engelbrecht sê die direktoraat is tans in kontak met die Kanadese vervaardiger van die Cessna 406-vliegtuig se enjin om vas te stel wat tydens die noodlottig vlug skeef kon geloop het.
Die ongeluk het die lewens van die vlieënier, Rozanne de Beer-Olivier (33), haar medevlieënier Ruan van Schalkwyk (24) en vliegtuigingenieur Armand Lubbe (25) op 3 Mei net ná 17:00 geëis.
Rozanne was ’n ervare vlieënier wat volgens ’n bron meer as 1 000 vlugure aan boord ’n Cessna 406-vliegtuig aangeteken en het sedert 2017 by Westair gewerk.
Ruan was die jongste van die drie wat in die ongeluk omgekom het en het ’n jaar gelede by Westair aangesluit en Armand was sedert 2019 by die maatskappy werksaam.
– [email protected]
So sê Ben Engelbrecht, ’n ondersoeker verbonde aan die direktoraat van vliegtuigondersoeke in die ministerie van werke en vervoer.
Hy sê die direktoraat vermoed dat een van die vliegtuig se enjins onklaar geraak het, maar dat hulle nog besig is om die oorsaak te bepaal. Hy sê verder dié vermoede spruit uit inligting wat deur ooggetuies gedeel is en kringtelevisiebeeldmateriaal (CCTV).
“Ons weet die vliegtuig het skerp na links gedraai – hoekom dit gebeur het, moet ons nog ondersoek om die oorsaak ten volle te kan vasstel,” het hy aan Republikein gesê.
Engelbrecht sê die direktoraat is tans in kontak met die Kanadese vervaardiger van die Cessna 406-vliegtuig se enjin om vas te stel wat tydens die noodlottig vlug skeef kon geloop het.
Die ongeluk het die lewens van die vlieënier, Rozanne de Beer-Olivier (33), haar medevlieënier Ruan van Schalkwyk (24) en vliegtuigingenieur Armand Lubbe (25) op 3 Mei net ná 17:00 geëis.
Rozanne was ’n ervare vlieënier wat volgens ’n bron meer as 1 000 vlugure aan boord ’n Cessna 406-vliegtuig aangeteken en het sedert 2017 by Westair gewerk.
Ruan was die jongste van die drie wat in die ongeluk omgekom het en het ’n jaar gelede by Westair aangesluit en Armand was sedert 2019 by die maatskappy werksaam.
– [email protected]
Kommentaar
Republikein
Geen kommentaar is op hierdie artikel gelaat nie