PAS IN: Name van ongelukslagoffers bekend

Die name is bekendgemaak van die slagoffers wat op 30 Desember gesterf het in ‘n botsing met die polisie se inspekteur-generaal in die Noorde van die land. ‘n Saak van strafbare manslag word teen luitenant-generaal Joseph Shikongo ondersoek nadat hy omstreeks 01:00 op die Onganwa-Oshikango-pad naby die Indangungu-nedersetting in ‘n kop-teen-kopbotsing met sy dubbelkajuit teen ‘n sedan betrokke was.

Die drie insittendes van die sedan is op slag dood, terwyl Shikongo in Medipark in Ondangwa opgeneem is. Sy toestand is stabiel. Die oorledenes is Sofia Natangwe Ananias (22), Frans Pombili Ndengu (27) en Stefanus Hafeni Shahafifange Lukas.