Reho-burgemeester in veldbrand beseer

Die burgemeester van Rehoboth, mnr. Toes Junias, is vanmiddag in ’n veldbrand beseer en per ambulans na ’n hospitaal in Windhoek geneem. Die brand het 40 kilometer buite Rehoboth op die Tsumis-pad uitgebreek. Boere van die omgewing en inwoners van Rehoboth het na die toneel gehaas om met brandbestryding te help. Die brand het omstreeks 16:00 nog erg gewoed nadat dit oor die pad gespring en versprei het.