Vragmotorbestuurder sterf in ongeluk

Catherine Cloete en haar suster was Dinsdagoggend saam met een van die gesin se kinders by die hospitaal toe hul pa gebel en gevra het om hulle te ontmoet.Hy was in Tsumeb waar sy dogters woon, en was besig om vrag te laai voor hy na Walvisbaai se hawe sou vertrek het. Hy wou hulle sien aangesien hulle gewoonlik bymekaarkom wanneer hy in die dorp vir besigheid was.Daardie dag kon hulle dit egter nie maak nie. Die aand het Arrie Beukes (59) gesterf.Beukes, ’n vragmotorbestuurder van Grootfontein, het sy lewe verloor in ’n ongeluk op die B2-pad tussen Usakos en Karibib. Sy Scania-vragmotor het sowat sewe kilometer buite Usakos omgeslaan.“Ons kon hom nie sien nie en later die aand het ons die nuus van die ongeluk gekry,” het Cloete gesê.Sy het haar pa beskryf as ’n “mensemens” wat nie bevooroordeeld was nie en lief was vir almal. Hy was ook ’n passievolle sokkerondersteuner en het sy lewe op die pad deurgebring as ’n vragmotorbestuurder nadat hy die weermag verlaat het.“Die pad tussen Karibib en Usakos is so gevaarlik, veral met die konstruksiewerk daar. Bestuurders moet baie versigtig wees,” het sy gewaarsku.Sy dood kom minder as ’n maand nadat ’n Zambiese vragmotorbestuurder, Mabvuto Mumba, op dieselfde pad gesterf het toe sy sleepwa, wat met sinksakke gelaai was, naby Usakos in Arandis se rigting omgeslaan het.Nou wag Cloete en haar gesin vir die nadoodse ondersoek voordat hulle hom ter ruste kan lê.– republikein@republikein.com.na

Vragmotorbestuurder sterf in ongeluk

Kommentaar

Republikein 2025-03-28

Meld asseblief aan om kommentaar te lewer

Vragmotorbestuurder sterf in ongeluk

Kommentaar

Republikein 2025-03-28

Meld asseblief aan om kommentaar te lewer

MELD AAN

Advertensie