Blou skool groet skoolhoof
Planne om as motiveringspreker op te tree
Mnr. Hawie Engels sê hy is opgewonde om sy volle aandag aan mentorskap te wy.
Iréne-Mari van der Walt
Gedurende sy 12 jaar as Windhoek Hoërskool (WHS) se skoolhoof het mnr. Hawie Engels diep spore in leerlinge se lewens en in die Blou Skool getrap.
Engels tree in Desember as skoolhoof af, maar hy sal nog by skole en leerlinge betrokke wees.
Ná ’n lang Kersvakansie, beplan Engels om as mentor en motiveringspreker by skole landswyd op te tree.
Engels sê direk ná sy studies en diensplig het hy ses jaar lank as onderwyser en later departementshoof by WHS gewerk. Daarna het hy jong lewens by die buitelugskool op Aus aangeraak voor hy 16 jaar die private sektor betree het.
In 2010 is hy as WHS se skoolhoof aangestel.
“Ek sal baie graag volgende jaar net wil gaan boer en my kop skoon kry, maar het besluit om saam met ons huidige skoolraad ’n mentorskapprogram te implementeer.
“Ek gaan in die eerste deel van die jaar ’n lang verlof vat. Daarna gaan ek by Windhoek Hoërskool se mentorskapprogram betrokke wees,” het hy gesê.
Engels glo dié mentorskapprogram sal die geleentheid aan personeel bied om hul volle aandag aan akademie te wy.
“Ek dink nie mense besef die geweldige druk op onderwysers nie. Jy moet na alle aspekte kyk – vinnige en stadige leerlinge; jy moet ook na die emosionele aspek kyk, maar daar is nie altyd tyd nie. Dus moet jy druk om klaar te maak.”
Volgens hom is dit juis die persoonlike ontwikkeling van leerlinge wat suksesvolle volwassenes kweek.
LIGGAAM EN GEES
“Ek glo baie sterk aan ’n holistiese benadering tot onderwys. Ek dink jy moet gaan kyk na menswees; wat die liggaam, siel en gees is. Sosiale ontwikkeling is ook belangrik.
“’n Leerling kan akademies sterk wees en ’n plek op universiteit kry, maar dan sukkel om in die groot klasgroepe aan te pas.
“So, dit is alles fasette waarna daar in onderwys omgesien moet word,” het hy gesê.
Engels sê hy is opgewonde om sy volle aandag aan mentorskap te wy.
“’n Mens bestee baie tyd op gebiede soos akademie en sport, maar ek dink nie ons kyk altyd na die geestesgesondheid van ons kinders en lewensafrigting nie. Dit is iets wat ek vir baie jare gedoen het voordat ek skoolhoof geword het.
“Ek dink dit sal ’n goeie geleentheid wees om dit by die skool te begin en dalk later uit te brei.”
WHS se huidige onderhoof, me. Dinette de Beer, sal tydelik as skoolhoof waarneem totdat die ministerie van onderwys ’n permanente aanstelling maak.
– [email protected]
Gedurende sy 12 jaar as Windhoek Hoërskool (WHS) se skoolhoof het mnr. Hawie Engels diep spore in leerlinge se lewens en in die Blou Skool getrap.
Engels tree in Desember as skoolhoof af, maar hy sal nog by skole en leerlinge betrokke wees.
Ná ’n lang Kersvakansie, beplan Engels om as mentor en motiveringspreker by skole landswyd op te tree.
Engels sê direk ná sy studies en diensplig het hy ses jaar lank as onderwyser en later departementshoof by WHS gewerk. Daarna het hy jong lewens by die buitelugskool op Aus aangeraak voor hy 16 jaar die private sektor betree het.
In 2010 is hy as WHS se skoolhoof aangestel.
“Ek sal baie graag volgende jaar net wil gaan boer en my kop skoon kry, maar het besluit om saam met ons huidige skoolraad ’n mentorskapprogram te implementeer.
“Ek gaan in die eerste deel van die jaar ’n lang verlof vat. Daarna gaan ek by Windhoek Hoërskool se mentorskapprogram betrokke wees,” het hy gesê.
Engels glo dié mentorskapprogram sal die geleentheid aan personeel bied om hul volle aandag aan akademie te wy.
“Ek dink nie mense besef die geweldige druk op onderwysers nie. Jy moet na alle aspekte kyk – vinnige en stadige leerlinge; jy moet ook na die emosionele aspek kyk, maar daar is nie altyd tyd nie. Dus moet jy druk om klaar te maak.”
Volgens hom is dit juis die persoonlike ontwikkeling van leerlinge wat suksesvolle volwassenes kweek.
LIGGAAM EN GEES
“Ek glo baie sterk aan ’n holistiese benadering tot onderwys. Ek dink jy moet gaan kyk na menswees; wat die liggaam, siel en gees is. Sosiale ontwikkeling is ook belangrik.
“’n Leerling kan akademies sterk wees en ’n plek op universiteit kry, maar dan sukkel om in die groot klasgroepe aan te pas.
“So, dit is alles fasette waarna daar in onderwys omgesien moet word,” het hy gesê.
Engels sê hy is opgewonde om sy volle aandag aan mentorskap te wy.
“’n Mens bestee baie tyd op gebiede soos akademie en sport, maar ek dink nie ons kyk altyd na die geestesgesondheid van ons kinders en lewensafrigting nie. Dit is iets wat ek vir baie jare gedoen het voordat ek skoolhoof geword het.
“Ek dink dit sal ’n goeie geleentheid wees om dit by die skool te begin en dalk later uit te brei.”
WHS se huidige onderhoof, me. Dinette de Beer, sal tydelik as skoolhoof waarneem totdat die ministerie van onderwys ’n permanente aanstelling maak.
– [email protected]
Kommentaar
Republikein
Geen kommentaar is op hierdie artikel gelaat nie