Families eis afsluiting oor vier vermistes
Polisielid laai hulle glo op vóór verdwyning
Die families meen die persoon wat daarvan beskuldig word dat hy vir die mans se verdwyning verantwoordelik is, het daarmee weggekom aangesien hy nooit by die landdroshof opgedaag het nie.
Lede van die gemeenskap op Grootfontein asook streekleiers van die Landless People’s Movement (LPM), waaronder Casius Namaseb, Jakob Gamseb en Julius Gomseb, het gisteroggend ’n klagskrif aan die dorp se polisie oorhandig in verband met vier mense wat in 2017 spoorloos verdwyn het.
Die LPM-lede het ’n klagskrif voorgelees waarvolgens Bernard Neibeb, Rodney Willemse, Gerson Willemse en Siefried Uirab die laaste keer in September 2017 gesien is toe ’n polisiebeampte hulle opgelaai het in ’n voertuig met ’n Tsumeb-registrasienommer.
Volgens die vermiste mans se families het die saak nog geensins gevorder nie, wat beteken daar is nie geregtigheid of afsluiting vir hulle nie.
Lede van die Namibiese polisie (Nampol) het die klagskrif in ontvangs geneem en beloof die dokument sal in die regte hande geplaas word vir verdere optrede.
OPGELAAI
Voor hulle verdwyning was hulle op borgtog van N$500 elk uit in verband met ’n veediefstalsaak, maar sou glo na die plaaseienaar gaan om oor die saak te onderhandel.
Die polisiebeampte het hulle waarskynlik opgelaai om hulle na die plaaseienaar te neem, maar die mans is sedert 8 September 2017 nie weer gewaar nie. Die vermiste mans was toe in hulle laat twintiger- of dertigerjare.
Die families meen daar word geen vordering in die saak gemaak nie en dat die persoon wat daarvan beskuldig word dat hy vir hulle verdwyning verantwoordelik is, daarmee weggekom het aangesien hy nooit by die landdroshof opgedaag het tydens twee datums wat in 2017 vir die saak geskeduleer is nie.
Die klagskrif is ingedien vir die aandag van die bevelvoerder van die Grootfonteinse polisiekantoor, die streekbevelvoerder van Otjozondjupa, die kantoor van die inspekteur-generaal van die Namibiese polisie en die minister van veiligheid en sekuriteit, het Namaseb gesê.
VERDWYN
Hy het verduidelik dat die vermiste plaaswerkers in die Otavi-Grootfontein-omgewing was.
Hulle is toe vir veediefstal aangekla en op borgtog vrygelaat, waarna hulle met die plaaseienaar begin onderhandel het om die saak terug te trek en terug te keer na hul werk toe. Dit is toe dat ’n plaaslike polisiebeampte hulle met ’n grys voertuig opgelaai het en hulle daarna spoorloos verdwyn het.
“Hulle fone was dood, sommige het nog op die namiddag van 8 September gelui tot dit onbereikbaar was. Familielede het bekommerd geraak en het die verdwyning glo op 11 September 2017 by die polisiekantoor op Grootfontein aangemeld.
“Daarna het hulle opgedaag vir twee verskillende hofdatums wat vir die saak uiteengesit is, maar die verdagte het nooit by die hof opgedaag nie,” het Namaseb gesê.
Hy het versoek dat die polisie ’n verslag uitreik oor die ondersoeke wat sedert 2017 in verband met die saak gedoen is. Namaseb is van mening dat hierdie moontlik ’n moordsaak kan wees. Hy wou ook weet wie die hoofondersoekbeampte is en sê daardie persoon behoort ontslaan te word weens sy of haar onbevoegdheid.
Hy het verder gevra of die saak amptelik by die landdroskantoor op Otavi onttrek is en hoekom daar dan steeds ’n hangende lasbrief in verband met die saak by dié kantoor is. Hy wou ook weet of die polisie ontken dat ’n polisiebeamtpte die vermiste mans laaste opgelaai het.
KOMMER
“Ons is bekommerd oor hoe ons medelandsburgers onder misterieuse omstandighede verdwyn het, met niemand wat enigiets daaroor sê nie. . .”
Hy het bygevoeg dat die ma’s van die kinders wie se pa’s vermis is, nie deur maatskaplike hulpfondse bygestaan kan word nie omdat daar onsekerheid is oor die status van die mans.
“Een vraag wat die LPM se streekleiers bekommer, is of Namibië ’n mafiastaat geraak het waar burgers onder verdagte omstandighede verdwyn en of Nampol besig is om die stryd teen misdaadvoorkoming teen ’n vinnige pas te verloor?”
Die klagskrif versoek dat die saak binne 30 dae afgesluit word of ’n nuwe ondersoek moontlik van stapel gestuur kan word.
“Die pa van een van die vermiste mans het ’n versoek aan die staat gerig om hom te help om ten minste die beendere van sy kind te vind sodat hy ’n behoorlike begrafnis kan kry . . .” het Namaseb gesê.
– [email protected]
Die LPM-lede het ’n klagskrif voorgelees waarvolgens Bernard Neibeb, Rodney Willemse, Gerson Willemse en Siefried Uirab die laaste keer in September 2017 gesien is toe ’n polisiebeampte hulle opgelaai het in ’n voertuig met ’n Tsumeb-registrasienommer.
Volgens die vermiste mans se families het die saak nog geensins gevorder nie, wat beteken daar is nie geregtigheid of afsluiting vir hulle nie.
Lede van die Namibiese polisie (Nampol) het die klagskrif in ontvangs geneem en beloof die dokument sal in die regte hande geplaas word vir verdere optrede.
OPGELAAI
Voor hulle verdwyning was hulle op borgtog van N$500 elk uit in verband met ’n veediefstalsaak, maar sou glo na die plaaseienaar gaan om oor die saak te onderhandel.
Die polisiebeampte het hulle waarskynlik opgelaai om hulle na die plaaseienaar te neem, maar die mans is sedert 8 September 2017 nie weer gewaar nie. Die vermiste mans was toe in hulle laat twintiger- of dertigerjare.
Die families meen daar word geen vordering in die saak gemaak nie en dat die persoon wat daarvan beskuldig word dat hy vir hulle verdwyning verantwoordelik is, daarmee weggekom het aangesien hy nooit by die landdroshof opgedaag het tydens twee datums wat in 2017 vir die saak geskeduleer is nie.
Die klagskrif is ingedien vir die aandag van die bevelvoerder van die Grootfonteinse polisiekantoor, die streekbevelvoerder van Otjozondjupa, die kantoor van die inspekteur-generaal van die Namibiese polisie en die minister van veiligheid en sekuriteit, het Namaseb gesê.
VERDWYN
Hy het verduidelik dat die vermiste plaaswerkers in die Otavi-Grootfontein-omgewing was.
Hulle is toe vir veediefstal aangekla en op borgtog vrygelaat, waarna hulle met die plaaseienaar begin onderhandel het om die saak terug te trek en terug te keer na hul werk toe. Dit is toe dat ’n plaaslike polisiebeampte hulle met ’n grys voertuig opgelaai het en hulle daarna spoorloos verdwyn het.
“Hulle fone was dood, sommige het nog op die namiddag van 8 September gelui tot dit onbereikbaar was. Familielede het bekommerd geraak en het die verdwyning glo op 11 September 2017 by die polisiekantoor op Grootfontein aangemeld.
“Daarna het hulle opgedaag vir twee verskillende hofdatums wat vir die saak uiteengesit is, maar die verdagte het nooit by die hof opgedaag nie,” het Namaseb gesê.
Hy het versoek dat die polisie ’n verslag uitreik oor die ondersoeke wat sedert 2017 in verband met die saak gedoen is. Namaseb is van mening dat hierdie moontlik ’n moordsaak kan wees. Hy wou ook weet wie die hoofondersoekbeampte is en sê daardie persoon behoort ontslaan te word weens sy of haar onbevoegdheid.
Hy het verder gevra of die saak amptelik by die landdroskantoor op Otavi onttrek is en hoekom daar dan steeds ’n hangende lasbrief in verband met die saak by dié kantoor is. Hy wou ook weet of die polisie ontken dat ’n polisiebeamtpte die vermiste mans laaste opgelaai het.
KOMMER
“Ons is bekommerd oor hoe ons medelandsburgers onder misterieuse omstandighede verdwyn het, met niemand wat enigiets daaroor sê nie. . .”
Hy het bygevoeg dat die ma’s van die kinders wie se pa’s vermis is, nie deur maatskaplike hulpfondse bygestaan kan word nie omdat daar onsekerheid is oor die status van die mans.
“Een vraag wat die LPM se streekleiers bekommer, is of Namibië ’n mafiastaat geraak het waar burgers onder verdagte omstandighede verdwyn en of Nampol besig is om die stryd teen misdaadvoorkoming teen ’n vinnige pas te verloor?”
Die klagskrif versoek dat die saak binne 30 dae afgesluit word of ’n nuwe ondersoek moontlik van stapel gestuur kan word.
“Die pa van een van die vermiste mans het ’n versoek aan die staat gerig om hom te help om ten minste die beendere van sy kind te vind sodat hy ’n behoorlike begrafnis kan kry . . .” het Namaseb gesê.
– [email protected]
Kommentaar
Republikein
Geen kommentaar is op hierdie artikel gelaat nie