Hentiesbaai: Inligting oor ‘wangedrag’ uitgelek

Hentiesbaai se munisipaliteit is in die kollig ná ’n kennisgewing met aanklagte oor wangedrag deur sy geskorste uitvoerende hoof, Elizabeth Coetzee, uitgelek is.Volgens dié kennisgewing staan Coetzee tereg op verskeie formele aanklagte, insluitend diefstal, bedrog, nalatigheid en misbruik van gesag. Die datum op die kennisgewing is 30 Desember 2024.Coetzee is in Oktober 2023 vir ’n tydperk van ses maande met betaling geskors, maar die skorsing duur reeds vir 16 maande voort.Geen dissiplinêre verhoor het glo in dié verband plaasgevind nie en die kwessie het omstredenheid onder inwoners, munisipale amptenare en regskenners veroorsaak.Die gemeenskapsaktivis Willem Jansen het frustrasie uitgespreek en die skorsing “’n groot leuen” genoem.“Hoe is dit moontlik dat daar vir meer as ’n jaar geen klagte gelê is nie en nou verskyn dit skielik?” het hy bevraagteken.Hy het die munisipale leierskap verder van stamgebondenheid en doelbewuste wanbestuur van openbare hulpbronne beskuldig.“Hierdie raad faal ons. Hulle weier om eerlik te wees en ons doen ’n beroep op die minister om in te gryp en ondersoek in te stel.”AANKLAGTEVolgens die uitgelekte dokument word Coetzee daarvan beskuldig dat sy dubbele verblyf- en reiseise by die munisipaliteit van Gobabis sowel as die munisipaliteit van Hentiesbaai ingedien het. Die eise, van onderskeidelik N$5 335 en N$6 390, het na bewering finansiële wanbesteding en skade aan die munisipale se integriteit tot gevolg gehad.Die munisipaliteit voer verder aan dat Coetzee in Januarie 2022 ’n ooreenkoms vir konsultasies met RedForce Debt Management onderteken het wat glo in stryd was met standaard-bodvereistes.Sy word verder daarvan beskuldig dat sy die datum op ’n addendum tot die kontrak verander het om dit terugwerkend te maak, wat glo die finansiële druk op die munisipaliteit vererger het.“Die raad het ernstige finansiële druk en skade aan sy reputasie gely weens haar optrede,” lui die kennisgewing van aanklagte.Op 31 Januarie het die munisipaliteit sy ooreenkoms met RedForce amptelik beëindig en die skuldinvorderaar se toegang tot munisipale stelsels gestaak. RedForce betwis egter die beëindiging van die kontrak in die hoërhof in Windhoek en voer aan dat die kontrak ’n “oorgangsperiode”-klousule bevat wat voortgesette skuldinvordering vir 12 maande toelaat. Nog ’n aanklag teen Coetzee spruit uit die beweerde bekendmaking van vertroulike inligting. Sy het glo in 2021 inligting oor ’n dorpsraadslid aan ’n eksterne politieke figuur uitgelek en dit is daarna in ’n koerant en op sosiale media gepubliseer. Dit het ook tot bewerings van laster gelei.Die hoërhof het in die guns van die betrokke raadslid bevind en gelas ’n skriftelike terugtrekking en verskoning moet uitgereik word.REAKSIECoetzee het alle navrae na haar regsverteenwoordiger, Olsen Kahiriri, verwys.Kahiriri het die aanklagte bevestig, maar het die wyse waarop dit bekend gemaak is, gekritiseer. “Arbeidsaangeleenthede is privaat en vertroulik. Die feit dat hierdie dokument uitgelek is, wek ernstige kommer oor die raad se motiewe,” het hy gesê en bygevoeg dat hulle nie bereid is om kommentaar op die aanklagte te lewer nie.Kahiriri het ook die regverdigheid van Coetzee se lang skorsing bevraagteken. Hy meen dit is onwettig.“Hulle hou aan om dit sonder regverdiging te verleng. Dit is nie hoe arbeidsaangeleenthede hanteer moet word nie.”Hy het ook sy frustrasie uitgespreek oor die wyse waarop die munisipaliteit die kwessie hanteer.“In plaas daarvan om my kliënt by ’n regverdige en behoorlike proses te betrek, het hulle gekies om hierdie speletjie in die openbare ruimte te speel wat haar reputasie skade berokken het. “Ons sal alle wetlike opsies tot ons beskikking gebruik om my kliënt se regte te verdedig,” het hy gewaarsku.Op ’n vraag of Coetzee binne die spertyd van sewe dae op die aanklagte gereageer het, het Kahiriri gesê Coetzee het die volste reg om haar antwoord te weerhou en die prosedure uit te daag.“Die eintlike vraag hier is: hoekom is hierdie brief aan die media uitgelek voor die saak behoorlik hanteer is?” het hy gevra.Die waarnemende uitvoerende hoof, Ignasia Neis, het geweier om kommentaar oor die kwessie te lewer.“Ons het besluit om nie inligting aan Network Media Hub [nou Network Media Hub] te verskaf nie weens hul voortdurende slegte publisiteit teen ons,” het sy gesê. Neis het gesê NMH het nie die munisipaliteit genader vir kommentaar oor vorige beriggewing oor gemeenskapsgriewe wat teen die plaaslike owerheid gerig was nie.“Die aantygings van die publiek is ongegrond, en ons is nie verplig om op ’n uitgelekte dokument te reageer nie.”– republikein@republikein.com.na

Hentiesbaai: Inligting oor ‘wangedrag’ uitgelek

Kommentaar

Republikein 2025-04-02

Meld asseblief aan om kommentaar te lewer

Hentiesbaai: Inligting oor ‘wangedrag’ uitgelek

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie