Kindermoordenaar word swaar gestraf
10 jaar ná moord op tweejarige
Die man wat ’n tweejarige seun sowat 10 jaar gelede op Outjo vermoor en twee vroue verkrag het, is Vrydag tot 35 jaar tronkstraf gevonnis.
“Geweld teen kinders het ’n krisispunt in ons land bereik. Dit gaan onverpoosd voort ondanks streng vonnisse wat die hof oplê,” lui die uitspraak.
Regter Nate Ndauendapo het Johannes Hausiku in April vanjaar skuldig bevind op een klag van moord, twee klagte van verkragting, twee klagte van poging tot verkragting, asook klagte van ontvoering en regsverydeling.
Hausiku het in Julie 2012 en weer in September 2012 ’n bekentenis voor ’n landdros gemaak en gesê hy het ’n seun met ’n mes in sy nek doodgesteek.
Die seun se liggaam is by die toneel agtergelaat en is eers agt dae ná die moord gevind.
MISDRYWE
Die staat het aangevoer Hausiku het in Januarie 2012 ’n vrou op Outjo beroof, verkrag en ontvoer terwyl sy van ’n sjebien af huis toe gestap het.
Hy het dieselfde aand ’n ander vrou ook probeer verkrag.
Hausiku het ’n ander vrou in Mei 2012 ontvoer en verkrag toe sy dronk was. Hy het dié vrou se tweejarige seun vermoor.
Toe die vrou die volgende oggend wakker geword het, het Hausiku glo vir haar gesê hy het haar van ’n groep mans gered wat haar aangeval en haar seun vermoor het.
’n DNS-monster wat geneem is van die vrou wat in Januarie 2012 verkrag is en monsters van die vrou wie se seun in Mei vermoor is, het met Hausiku se DNS-profiel ooreengekom.
UITGEREKTE VERHOOR
Hausiku is in Junie 2012 in hegtenis geneem en sy verhoor het in Oktober 2014 begin.
Die verhoor is talle kere vertraag en Hausiku is twee keer na psigiatriese evaluering verwys om vas te stel of hy geskik is om verhoor te word.
Die hof het bevind hy het geen geestesversteurings gehad ten tyde van die moord en verkragtings nie.
Ndauendapo het Hausiku op die klag van moord tot 35 jaar tronkstraf gevonnis en 15 jaar vir elkeen van die drie verkragtingsklagte, 10 jaar vir elke klag van poging tot verkragting en vyf jaar elk vir die klagte van ontvoering en regverydeling.
Die vonnisse vir verkragting, poging tot verkragting, ontvoering en regsverydeling sal samelopend met die vonnis vir moord uitgedien word en Hausiku sal effektief 35 jaar agter tralies deurbring.
“Die samelewing vra howe om swaar vonnisse op te lê teen diegene wat misdade teen kinders en vroue pleeg,” het Ndauendapo in sy uitspraak gesê.
– [email protected]
“Geweld teen kinders het ’n krisispunt in ons land bereik. Dit gaan onverpoosd voort ondanks streng vonnisse wat die hof oplê,” lui die uitspraak.
Regter Nate Ndauendapo het Johannes Hausiku in April vanjaar skuldig bevind op een klag van moord, twee klagte van verkragting, twee klagte van poging tot verkragting, asook klagte van ontvoering en regsverydeling.
Hausiku het in Julie 2012 en weer in September 2012 ’n bekentenis voor ’n landdros gemaak en gesê hy het ’n seun met ’n mes in sy nek doodgesteek.
Die seun se liggaam is by die toneel agtergelaat en is eers agt dae ná die moord gevind.
MISDRYWE
Die staat het aangevoer Hausiku het in Januarie 2012 ’n vrou op Outjo beroof, verkrag en ontvoer terwyl sy van ’n sjebien af huis toe gestap het.
Hy het dieselfde aand ’n ander vrou ook probeer verkrag.
Hausiku het ’n ander vrou in Mei 2012 ontvoer en verkrag toe sy dronk was. Hy het dié vrou se tweejarige seun vermoor.
Toe die vrou die volgende oggend wakker geword het, het Hausiku glo vir haar gesê hy het haar van ’n groep mans gered wat haar aangeval en haar seun vermoor het.
’n DNS-monster wat geneem is van die vrou wat in Januarie 2012 verkrag is en monsters van die vrou wie se seun in Mei vermoor is, het met Hausiku se DNS-profiel ooreengekom.
UITGEREKTE VERHOOR
Hausiku is in Junie 2012 in hegtenis geneem en sy verhoor het in Oktober 2014 begin.
Die verhoor is talle kere vertraag en Hausiku is twee keer na psigiatriese evaluering verwys om vas te stel of hy geskik is om verhoor te word.
Die hof het bevind hy het geen geestesversteurings gehad ten tyde van die moord en verkragtings nie.
Ndauendapo het Hausiku op die klag van moord tot 35 jaar tronkstraf gevonnis en 15 jaar vir elkeen van die drie verkragtingsklagte, 10 jaar vir elke klag van poging tot verkragting en vyf jaar elk vir die klagte van ontvoering en regverydeling.
Die vonnisse vir verkragting, poging tot verkragting, ontvoering en regsverydeling sal samelopend met die vonnis vir moord uitgedien word en Hausiku sal effektief 35 jaar agter tralies deurbring.
“Die samelewing vra howe om swaar vonnisse op te lê teen diegene wat misdade teen kinders en vroue pleeg,” het Ndauendapo in sy uitspraak gesê.
– [email protected]
Kommentaar
Republikein
Geen kommentaar is op hierdie artikel gelaat nie