Ministerie het hoop vir ICT-projek
Giga-inisiatief kan internetkopseer verlig
Die ministerie van onderwys, kuns en kultuur het Woensdag die inligting- en kommunikasie (ICT)-projek vir transformerende onderwys in Afrika in samewerking met die Unesco-Korean-Funds-in-Trust (KFIT)-vennootskap in Namibië bekend gestel.
Dié projek het ten doel om digitale tegnologie in skole te integreer, maar is die uitdagings wat met internetverbindings ondervind word iets van die verlede?
Navorsing wat in Julie verlede jaar deur die Nasionale Instituut vir Opvoedkundige Ontwikkeling (Nied) uitgevoer is en waarin die implementering van slimborde in klaskamers ondersoek is, het getoon dat hierdie tipe tegnologie nie in baie Namibiese skole gebruik word nie weens swak internetverbinding.
Een onderwyser het aan navorsers gesê; “Internetverbinding kan ook ’n probleem wees; jy het tussen 10 en 15 minute gewag vir die soekenjin, Google, om oop te maak.”
Dieselfde maand het die uitvoerende direkteur van die onderwysministerie, Sanet Steenkamp, egter tydens ’n beraad in Genève, Switserland, gesê Namibië het ’n komitee byeengeroep om toesig te hou oor die implementering van die Verenigde Nasies se Kinderfonds (Unicef) se Giga-projek, wat daarop gemik is om skole aan die internet te koppel.
Die Giga-projek is laat verlede jaar in onder meer Uganda, Tanzanië en Namibië uitgerol as deel van fase drie van dié projek, wat na verwagting tot 2027 sal voortduur.
Eunice Smith, Unesco se verteenwoordiger in Namibië, het haar dankbaarheid teenoor die Koreaanse regering uitgespreek by die bekendstelling van die ICT-projek.
“In ’n hoër-middelinkomsteland soos Namibië is die mobilisering van hulpbronne ’n uitdaging, en daarom is ons dankbaar vir die
die standvastige ondersteuning van die [Republiek van Korea] aan hierdie projek,” het Smith gesê.
Die minister van onderwys, kuns en kultuur, Anna Nghipondoka, het gesê die suksesvolle integrasie van tegnologie in skole sal alle leerlinge op ’n gelyke vlak bring.
“Hierdie projek gaan nie net oor tegnologie nie – dit gaan oor die skep van billike toegang tot gehalte-leergeleenthede vir alle Namibiese leerlinge.
“Dit gaan daaroor om ons onderwysers toe te rus met die nodige vaardighede om inligting en kommunikasietegnologie in hul onderrig te integreer om te verseker dat ons leerlinge die digitale vaardighede ontwikkel wat nodig is vir die toekoms,” het Nghipondoka gesê.
– [email protected]
Dié projek het ten doel om digitale tegnologie in skole te integreer, maar is die uitdagings wat met internetverbindings ondervind word iets van die verlede?
Navorsing wat in Julie verlede jaar deur die Nasionale Instituut vir Opvoedkundige Ontwikkeling (Nied) uitgevoer is en waarin die implementering van slimborde in klaskamers ondersoek is, het getoon dat hierdie tipe tegnologie nie in baie Namibiese skole gebruik word nie weens swak internetverbinding.
Een onderwyser het aan navorsers gesê; “Internetverbinding kan ook ’n probleem wees; jy het tussen 10 en 15 minute gewag vir die soekenjin, Google, om oop te maak.”
Dieselfde maand het die uitvoerende direkteur van die onderwysministerie, Sanet Steenkamp, egter tydens ’n beraad in Genève, Switserland, gesê Namibië het ’n komitee byeengeroep om toesig te hou oor die implementering van die Verenigde Nasies se Kinderfonds (Unicef) se Giga-projek, wat daarop gemik is om skole aan die internet te koppel.
Die Giga-projek is laat verlede jaar in onder meer Uganda, Tanzanië en Namibië uitgerol as deel van fase drie van dié projek, wat na verwagting tot 2027 sal voortduur.
Eunice Smith, Unesco se verteenwoordiger in Namibië, het haar dankbaarheid teenoor die Koreaanse regering uitgespreek by die bekendstelling van die ICT-projek.
“In ’n hoër-middelinkomsteland soos Namibië is die mobilisering van hulpbronne ’n uitdaging, en daarom is ons dankbaar vir die
die standvastige ondersteuning van die [Republiek van Korea] aan hierdie projek,” het Smith gesê.
Die minister van onderwys, kuns en kultuur, Anna Nghipondoka, het gesê die suksesvolle integrasie van tegnologie in skole sal alle leerlinge op ’n gelyke vlak bring.
“Hierdie projek gaan nie net oor tegnologie nie – dit gaan oor die skep van billike toegang tot gehalte-leergeleenthede vir alle Namibiese leerlinge.
“Dit gaan daaroor om ons onderwysers toe te rus met die nodige vaardighede om inligting en kommunikasietegnologie in hul onderrig te integreer om te verseker dat ons leerlinge die digitale vaardighede ontwikkel wat nodig is vir die toekoms,” het Nghipondoka gesê.
– [email protected]
Kommentaar
Republikein
Geen kommentaar is op hierdie artikel gelaat nie