Namibië onder skoot oor olifante-ondersoek
Het private eiendom glo onregmatig betree
Die polisie het twee joernaliste aangehou nadat hulle glo beeldmateriaal op private eiendom verfilm het as deel van hul ondersoek na Namibië se omstrede olifantverkope en -veiling.
’n Diereregtegroep met bande wêreldwyd het Namibië veroordeel omdat twee Namibiese joernaliste deur die polisie aangehou is ná hulle glo ’n plaas in die Gobabis-distrik onregmatig betree het terwyl hulle die omstrede olifantveiling ondersoek het.
Mnr. John Grobler (58), ’n ondersoekende joernalis, en die 39-jarige mnr. Nrupesh Soni het die afgelope Saterdagmiddag ’n hommeltuig gebruik om oor die plaas te vlieg wat deur GoHunt Namibia Safaris besit word. Dit is egter onwettig as jy nie die eienaar van die eiendom se toestemming het nie.
Hulle was besig om beeldmateriaal te verfilm op die plaas waar 23 olifante met twee pasgebore kalwers na bewering aangehou word nadat hulle gevang is.
Volgens Grobler wys dít die koeie was dragtig toe hulle gevang is.
Die opveiling en verkoop van olifante in Namibië het sterk kritiek uitgelok met die ministerie van die omgewing, bosbou en toerisme wat daarvan beskuldig is dat hulle nie deursigtig in die saak is nie.
Nuus oor die opveiling van 170 olifante het in Desember 2020 aan die lig gekom en ’n herrie ontketen. Verlede jaar is 57 olifante vir N$5,9 miljoen verkoop, met 42 wat uitgevoer sal word.
Die omgewingsministerie wou egter geen inligting bekend maak rakende die bieërs of na watter lande die olifante uitgevoer gaan word nie. Dit is uit vrees vir vergelding van diereregtegroepe.
Op ’n vraag oor die deursigtigheid van die proses, het mnr. Romeo Muyunda, woordvoerder van die ministerie, gesê hulle was oop en deursigtig, maar hulle kan eers meer inligting verskaf sodra die hele proses afgehandel is, anders kan daar regsimplikasies wees.
Volgens die polisie het Grobler en Soni slegs waarskuwings ontvang. Hulle staan tereg op aanklagte van onregmatige betreding en die jag van “spesiaal beskermde wild” sonder ’n permit.
Luidens die polisieverslag het hulle ’n hommeltuig gebruik om oor die plaas te vlieg en beeldmateriaal (foto’s en video’s van olifante) sonder die eienaar se toestemming op te neem.
“Die verdagtes het ook na bewerng die hommeltuig gebruik om die spesiaal beskermde wild opsetlik te versteur sonder ’n permit of skriftelike magtiging van die omgewingsministerie.”
Nadat die saak by die polisie en die ministerie aangemeld is, is die joernaliste in Gobabis onderskep nadat hulle die toneel verlaat het, sê die polisie.
Die polisie het beslag gelê op ’n DJI Phanton-hommeltuig, toegerus met ’n SG-kaart wat beeldmateriaal van olifante op die plaas bevat het. Die ondersoek duur voort.
Grobler sê egter vir die aanklag van onregmatige betreding om geldig te wees, sou hulle op die plaas in hegtenis geneem moes word en nie in Gobabis nie – wat sowat 120 km van die plaas is.
Grobler sê hy het verlede Maandag formeel persoonlike toegang tot die olifante by die eienaar versoek en is meegedeel dat hy die ministerie moet vra. Die ministerie se kantoor op Gobabis het egter weer volgehou die eienaar moet toestemming gee.
Hy ontken ook dat hulle die olifante gesteur het en sê hulle was baie versigtig om nie te naby aan hulle te kom nie, maar om slegs bewyse van hulle teenwoordigheid te kry asook van die kalwers wat gebore is nadat die olifante gevang is.
Soni, wat ook die stigter en eienaar van die Namibia Travel and Tourism Forum is, het sy betrokkenheid by die saak aan ons susterkoerant Namibian Sun bevestig, maar sê hy het slegs met die hommeltuig en beeldmateriaal gehelp.
Hy sê hy is tans in gesprek met die ministerie voordat hy ’n amptelike verklaring uitreik, aangesien hy in sy private hoedanigheid daar was.
Die Elizabeth Margaret Steyn (EMS)-stigting het gesê hulle is bekommerd oor die Namibiese regering se gebrek aan deursigtigheid, en het bygevoeg hulle verstaan nie waarom die vang-, kwarantyn- en uitvoerproses nie op ’n deursigtig manier gedoen is as geen wette in die proses oortree is nie.
Die stigting het gesê hulle kan onmoontlik die hardhandige wyse waarop die Namibiese regering die betrokke joernaliste hanteer het, verskoon.
“Die vang van vrylopende wilde olifante is ’n saak van nasionale belang, algemene openbare kommer en belang. Dis ’n onderwerp wat wêreldnuus behoort te haal. Dis ’n voorbeeld van ’n individu wat ingegryp het deur in die openbare belang op te tree en gepoog het om twyfelagtige gedrag deur ander te ontbloot.”
– [email protected]
Mnr. John Grobler (58), ’n ondersoekende joernalis, en die 39-jarige mnr. Nrupesh Soni het die afgelope Saterdagmiddag ’n hommeltuig gebruik om oor die plaas te vlieg wat deur GoHunt Namibia Safaris besit word. Dit is egter onwettig as jy nie die eienaar van die eiendom se toestemming het nie.
Hulle was besig om beeldmateriaal te verfilm op die plaas waar 23 olifante met twee pasgebore kalwers na bewering aangehou word nadat hulle gevang is.
Volgens Grobler wys dít die koeie was dragtig toe hulle gevang is.
Die opveiling en verkoop van olifante in Namibië het sterk kritiek uitgelok met die ministerie van die omgewing, bosbou en toerisme wat daarvan beskuldig is dat hulle nie deursigtig in die saak is nie.
Nuus oor die opveiling van 170 olifante het in Desember 2020 aan die lig gekom en ’n herrie ontketen. Verlede jaar is 57 olifante vir N$5,9 miljoen verkoop, met 42 wat uitgevoer sal word.
Die omgewingsministerie wou egter geen inligting bekend maak rakende die bieërs of na watter lande die olifante uitgevoer gaan word nie. Dit is uit vrees vir vergelding van diereregtegroepe.
Op ’n vraag oor die deursigtigheid van die proses, het mnr. Romeo Muyunda, woordvoerder van die ministerie, gesê hulle was oop en deursigtig, maar hulle kan eers meer inligting verskaf sodra die hele proses afgehandel is, anders kan daar regsimplikasies wees.
Volgens die polisie het Grobler en Soni slegs waarskuwings ontvang. Hulle staan tereg op aanklagte van onregmatige betreding en die jag van “spesiaal beskermde wild” sonder ’n permit.
Luidens die polisieverslag het hulle ’n hommeltuig gebruik om oor die plaas te vlieg en beeldmateriaal (foto’s en video’s van olifante) sonder die eienaar se toestemming op te neem.
“Die verdagtes het ook na bewerng die hommeltuig gebruik om die spesiaal beskermde wild opsetlik te versteur sonder ’n permit of skriftelike magtiging van die omgewingsministerie.”
Nadat die saak by die polisie en die ministerie aangemeld is, is die joernaliste in Gobabis onderskep nadat hulle die toneel verlaat het, sê die polisie.
Die polisie het beslag gelê op ’n DJI Phanton-hommeltuig, toegerus met ’n SG-kaart wat beeldmateriaal van olifante op die plaas bevat het. Die ondersoek duur voort.
Grobler sê egter vir die aanklag van onregmatige betreding om geldig te wees, sou hulle op die plaas in hegtenis geneem moes word en nie in Gobabis nie – wat sowat 120 km van die plaas is.
Grobler sê hy het verlede Maandag formeel persoonlike toegang tot die olifante by die eienaar versoek en is meegedeel dat hy die ministerie moet vra. Die ministerie se kantoor op Gobabis het egter weer volgehou die eienaar moet toestemming gee.
Hy ontken ook dat hulle die olifante gesteur het en sê hulle was baie versigtig om nie te naby aan hulle te kom nie, maar om slegs bewyse van hulle teenwoordigheid te kry asook van die kalwers wat gebore is nadat die olifante gevang is.
Soni, wat ook die stigter en eienaar van die Namibia Travel and Tourism Forum is, het sy betrokkenheid by die saak aan ons susterkoerant Namibian Sun bevestig, maar sê hy het slegs met die hommeltuig en beeldmateriaal gehelp.
Hy sê hy is tans in gesprek met die ministerie voordat hy ’n amptelike verklaring uitreik, aangesien hy in sy private hoedanigheid daar was.
Die Elizabeth Margaret Steyn (EMS)-stigting het gesê hulle is bekommerd oor die Namibiese regering se gebrek aan deursigtigheid, en het bygevoeg hulle verstaan nie waarom die vang-, kwarantyn- en uitvoerproses nie op ’n deursigtig manier gedoen is as geen wette in die proses oortree is nie.
Die stigting het gesê hulle kan onmoontlik die hardhandige wyse waarop die Namibiese regering die betrokke joernaliste hanteer het, verskoon.
“Die vang van vrylopende wilde olifante is ’n saak van nasionale belang, algemene openbare kommer en belang. Dis ’n onderwerp wat wêreldnuus behoort te haal. Dis ’n voorbeeld van ’n individu wat ingegryp het deur in die openbare belang op te tree en gepoog het om twyfelagtige gedrag deur ander te ontbloot.”
– [email protected]
Kommentaar
Republikein
Geen kommentaar is op hierdie artikel gelaat nie