New Era: Staatsubsidie stuit nie belastingskuld
Rente hoop maandeliks op
Die regeringsmondstuk New Era Publication Corporation (NEPC) sukkel om sy skuld aan Jan Taks te vereffen, wat nou sy totale laste op N$107,8 miljoen te staan bring, grootliks toegeskryf aan belastingskuld aan die Namibië Inkomste-agentskap (NamRA).
NEPC se raadsvoorsitter, John Sifani, het erken dat die publikasie sukkel, aangesien dit worstel met ’n belastinglas wat teen ’n koers van sowat N$2 miljoen per maand groei.
Reëlings met Namra
“Ons grootste uitdaging is die skuld by NamRA. Dit groei steeds in rente teen sowat N$2 miljoen per maand. NEPC het reëlings met NamRA getref en vereffen die ou skuld met N$550 000 per maand,” het Sifani in die NEPC se jaarverslag vir 2023 gesê.
Terwyl NEPC ’n staatsubsidie van N$10 miljoen vir die 2023-’24-boekjaar ontvang het, het Sifani verduidelik dit was net voldoende om te verseker dat die entiteit ’n goedkeuringsertifikaat (good standing certificate) van NamRA kon kry.
Druppel aan die emmer
“Dis ’n druppel aan die emmer en net genoeg vir NEPC om die goedkeuringsertifikaat te kry. Die subsidie is ook heeltemal te min. Dit dek net ’n gedeelte van die koerant se druk- en verspreidingskoste,” het hy gesê.
Die bestaan van die skuld het NEPC ook in ’n bedenklike posisie geplaas, het Sifani gesê.
“Op raadsvlak gaan pogings voort om bewustheid op aandeelhouersvlak te skep oor die bedenklike situasie waarin NEPC hom bevind weens die skuld aan NamRA.
“Sulke verbintenisse sal voortgaan aangesien ons die afskrywing van skuld as die korporasie geprioritiseer het en is vol vertroue dat die situasie ten goede sal verander. Trouens, as die skuldelement verwyder word, is die korporasie ’n volhoubare bedryf,” het Sifani gesê.
Toe hy om kommentaar genader is om ’n onlangse opdatering te kry oor wat intussen gedoen is om NEPC se belastingskuld binne aanvaarbare perke te kry, was Sifani ontwykend.
“Ek kan nie daardie vrae beantwoord nie, ons het kommunikasiekanale. Ek reageer nie op jou nie.”
NEPC se laste het van N$94,2 miljoen tot N$107,8 miljoen gestyg. Die toename in die laste word toegeskryf aan skuld by NamRA, waarvan die rente toegeneem het. NEPC het ’n verlies van N$15 miljoen aangeteken.
– [email protected]
NEPC se raadsvoorsitter, John Sifani, het erken dat die publikasie sukkel, aangesien dit worstel met ’n belastinglas wat teen ’n koers van sowat N$2 miljoen per maand groei.
Reëlings met Namra
“Ons grootste uitdaging is die skuld by NamRA. Dit groei steeds in rente teen sowat N$2 miljoen per maand. NEPC het reëlings met NamRA getref en vereffen die ou skuld met N$550 000 per maand,” het Sifani in die NEPC se jaarverslag vir 2023 gesê.
Terwyl NEPC ’n staatsubsidie van N$10 miljoen vir die 2023-’24-boekjaar ontvang het, het Sifani verduidelik dit was net voldoende om te verseker dat die entiteit ’n goedkeuringsertifikaat (good standing certificate) van NamRA kon kry.
Druppel aan die emmer
“Dis ’n druppel aan die emmer en net genoeg vir NEPC om die goedkeuringsertifikaat te kry. Die subsidie is ook heeltemal te min. Dit dek net ’n gedeelte van die koerant se druk- en verspreidingskoste,” het hy gesê.
Die bestaan van die skuld het NEPC ook in ’n bedenklike posisie geplaas, het Sifani gesê.
“Op raadsvlak gaan pogings voort om bewustheid op aandeelhouersvlak te skep oor die bedenklike situasie waarin NEPC hom bevind weens die skuld aan NamRA.
“Sulke verbintenisse sal voortgaan aangesien ons die afskrywing van skuld as die korporasie geprioritiseer het en is vol vertroue dat die situasie ten goede sal verander. Trouens, as die skuldelement verwyder word, is die korporasie ’n volhoubare bedryf,” het Sifani gesê.
Toe hy om kommentaar genader is om ’n onlangse opdatering te kry oor wat intussen gedoen is om NEPC se belastingskuld binne aanvaarbare perke te kry, was Sifani ontwykend.
“Ek kan nie daardie vrae beantwoord nie, ons het kommunikasiekanale. Ek reageer nie op jou nie.”
NEPC se laste het van N$94,2 miljoen tot N$107,8 miljoen gestyg. Die toename in die laste word toegeskryf aan skuld by NamRA, waarvan die rente toegeneem het. NEPC het ’n verlies van N$15 miljoen aangeteken.
– [email protected]
Kommentaar
Republikein
Geen kommentaar is op hierdie artikel gelaat nie