Oranjemund het ‘n plan

Die vyf-jaar strategiese plan vir die ontwikkeling van Oranjemund was Maandag, 6 Mei in die diep suide bekend gestel. Daar het die minister van stedelike en landelike ontwikkeling Erastus Uutoni gesê dat strategiese beplanning van die uitsertse belang is, en dat Grootfontein, Otjiwarongo en Okahandja almal soortgelyke planne by die ministerie sedert Oktober laas jaar ingedien het. Burgemeester Elias Kasemba sê die plan sal Oranjemund help omskep in ‘n ‘slim-dorpie,’ veral deur die toepas van ‘n nuwe prestasie-bestuur stelsel.

Oranjemund sal tot 2029 fokus op infrastruktuur ontwikkeling, ekonomiese verskeidenheid, welsynsdienste, omgewingsbestuur, finansiele bestuur, toerisme en plaaslike ontwikkeling en die bevordering van die Oranjemund handelsmerk.

Uutoni het veral klem gelê op die voorsiening van grond en behuising op die dorp. In die opsie beplan die dorpsraad om oor die volgende vyf jaar uitbreidings 4,5,10,7 en 14 te ontwikkel. Tot ‘n duisend meer erwe moet volgens die plan teen 2026 so beskikbaar gestel word. Oranjemund se sosiale behuisingskema sal uitgebrei word om teen 2027 nog 200 bekostigbare huise aan arm inwoners te kan bied. Daar bestaan glo reeds sowat 60 van hierdie eenhede. Die plan roep ook om die inwerkstelling van beter omgewingsbestuur, spesifiek in ag van die retikulasie van afvalwater wat vanaf 40% na 100% moet verbeter word.

Oranjemund beplan ‘n nuwe stortingsterrein teen volgende jaar, en om teen 2026

biodiversiteit en bewaring bestuur in plek te stel. Die munisipaliteit wil nog een hoër onderwys of VTC instansie teen 2028 na die dorp te lok, en ook nog ‘n skool teen dan. Hulle beoog ook ‘n kleinbesigheid-broeikas teen 2028.

Om finansiele bestuur en prestasies van die munisipale organisasie te verbeter sal maandelikse begroting dop gehou word en ‘n nuwe finansiele bestuur stelsel in plek gestel word, volgens die plan. Skuld invorderaars sal aangestel word terwyl die gebruik van voorafbetaalde meter aangemoedig sal word. ‘n Stelsel om die bestuur van projekte te verbeter word beoog en Oranjemund se munisipaliteit wil ook ‘n kommersiële entiteit vestig. Meer inkomste moet vanaf die kiosk op die strand ingevorder word, vanaf die munisipale bungalows, en vanaf beplande straat skoonmaak fooi en en ‘n brandweer fooi.

Daar word ‘n verbeterde oproepsentrumstelsel beplan en ook 'n munisipale toep. Oranjemund nodig ook 'n databasis van beskikbare grond en 'n opname van hoe bekostigbaar beshuising op Oranjemund is, word beplan.

In ag van die bevordering van toerisme beplan Oranjemund vennootskappe met sport nywerheid ondernemings, verbetering van geriewe op die strand en die bevordering van die Bom Jesus skepswrak projek. Meer toesig oor die dorp word beoog terwyl daar 'n stadspolisie in plek gestel sal word, om meer buurtwag eenhede te ondersteun. Die Oranjemund handelsmerk sal baat uit jaarlikse beleggerskonferensies, terwyl vennootskap met Fly Namibia en die vestiging van 'n gemeenskapskampioen strategie ook oorweeg word.