Oshakati bring dienste na informele nedersettings
Die burgemeester van Oshakati, Leonard Hango, het gesê die dorp is bekend as een van die dorpe in Namibië met talle informele nedersettings.
Hulle werk egter 24 uur per dag om te verseker dat inwoners in dié gebiede toegang tot basiese dienste het.
Hango het Vrydag in Oshakati tydens die sooispitseremonie van die konstruksie van die MR111-Okahao-pad en die MR92-kruising asook die konstruksie van die nuwe rioolnetwerkstelsel in Evululuko gepraat.
Hy het gesê Oshakati het nege informele nedersettings. In dié informele nedersettings leef inwoners in onhigiëniese toestande met min toegang tot basiese dienste, soos water, elektrisiteit, rioolstelsel en selfs die afwesigheid van toegangspaaie na hul huise, het hy gesê.
“Ons hoof- strategiese fokuspunt is om te verseker dat ons al Oshakati se informele nedersettings formaliseer en ons is toegewyd daartoe,” het Hango gesê.
Hy het aan die adjunkminister van stedelike en landelike ontwikkeling, Evelyn !Nawases-Taeyele, wat ook teenwoordig was, gesê dat hy en ander raadslede in minder as vyf jaar daarin geslaag het om sowat agt informele nedersettings te formaliseer.
“Dit sluit Pohamba Uitbreiding 14 in, asook Evululuko Uitbreiding 1 & 2; Oshakati Uitbreiding 15 bekend as Okandjengedi; Oshakati Uitbreiding 10 bekend as Evululuko; Uupindi-Suid nou bekend as Uupindi Proper; Uupindi-Noord nou bekend as Uupindi Uitbreiding 1; Okandjengedi-Suid Uitbreiding 1 & 2; en Okandjengedi-Noord in twee uitbreidings,” het Hango gesê.
Hy het bygevoeg terwyl hulle besig is met die formaliseringsproses, bou hulle ook dienste in sommige informele nedersettings, soos rioolstelsels.
“Ek doen ’n beroep op die onderskeie inwoners van die dorp om hande met die raad te vat, veral wanneer dit nodig is om te skuif om die bou van toegangspaaie of dienste moontlik te maak.
“Die fokus is om ’n kollektiewe doelwit te bereik wat die formalisering van informele nedersettings behels. Ons mense is moeg daarvoor om in gebiede te woon waar basiese dienste ontbreek,” het Hango gesê.
Hy het verder gesê die raad is daarop gefokus om die infrastruktuur in die dorp te verbeter.
Deur dit te doen, het die raad gehoor gegee aan die pleidooie van hul inwoners, veral verkopers by informele markte en langafstandbusoperateurs om ’n toegangspad vanaf die MR111-Okahao-pad en MR92-kruising te bou.
“Die toegangspad sal na die informele mark Dr. Frans Aupa Indongo lei, wat maklike toegang tot die mark, Metro en Cashbuild sal bied en sodoende verkeersopeenhopings langs die MR120 (die Game-komplekspad) wat na Okatana lei, verminder.
“Met die konstruksie van hierdie paaie verbeter ons nie net konnektiwiteit binne ons dorp nie, maar maak ons ook paaie oop vir ekonomiese ontwikkeling, makliker toegang tot noodsaaklike dienste en veiliger vervoer vir alle inwoners,” het Hango gesê.
– [email protected]
Hulle werk egter 24 uur per dag om te verseker dat inwoners in dié gebiede toegang tot basiese dienste het.
Hango het Vrydag in Oshakati tydens die sooispitseremonie van die konstruksie van die MR111-Okahao-pad en die MR92-kruising asook die konstruksie van die nuwe rioolnetwerkstelsel in Evululuko gepraat.
Hy het gesê Oshakati het nege informele nedersettings. In dié informele nedersettings leef inwoners in onhigiëniese toestande met min toegang tot basiese dienste, soos water, elektrisiteit, rioolstelsel en selfs die afwesigheid van toegangspaaie na hul huise, het hy gesê.
“Ons hoof- strategiese fokuspunt is om te verseker dat ons al Oshakati se informele nedersettings formaliseer en ons is toegewyd daartoe,” het Hango gesê.
Hy het aan die adjunkminister van stedelike en landelike ontwikkeling, Evelyn !Nawases-Taeyele, wat ook teenwoordig was, gesê dat hy en ander raadslede in minder as vyf jaar daarin geslaag het om sowat agt informele nedersettings te formaliseer.
“Dit sluit Pohamba Uitbreiding 14 in, asook Evululuko Uitbreiding 1 & 2; Oshakati Uitbreiding 15 bekend as Okandjengedi; Oshakati Uitbreiding 10 bekend as Evululuko; Uupindi-Suid nou bekend as Uupindi Proper; Uupindi-Noord nou bekend as Uupindi Uitbreiding 1; Okandjengedi-Suid Uitbreiding 1 & 2; en Okandjengedi-Noord in twee uitbreidings,” het Hango gesê.
Hy het bygevoeg terwyl hulle besig is met die formaliseringsproses, bou hulle ook dienste in sommige informele nedersettings, soos rioolstelsels.
“Ek doen ’n beroep op die onderskeie inwoners van die dorp om hande met die raad te vat, veral wanneer dit nodig is om te skuif om die bou van toegangspaaie of dienste moontlik te maak.
“Die fokus is om ’n kollektiewe doelwit te bereik wat die formalisering van informele nedersettings behels. Ons mense is moeg daarvoor om in gebiede te woon waar basiese dienste ontbreek,” het Hango gesê.
Hy het verder gesê die raad is daarop gefokus om die infrastruktuur in die dorp te verbeter.
Deur dit te doen, het die raad gehoor gegee aan die pleidooie van hul inwoners, veral verkopers by informele markte en langafstandbusoperateurs om ’n toegangspad vanaf die MR111-Okahao-pad en MR92-kruising te bou.
“Die toegangspad sal na die informele mark Dr. Frans Aupa Indongo lei, wat maklike toegang tot die mark, Metro en Cashbuild sal bied en sodoende verkeersopeenhopings langs die MR120 (die Game-komplekspad) wat na Okatana lei, verminder.
“Met die konstruksie van hierdie paaie verbeter ons nie net konnektiwiteit binne ons dorp nie, maar maak ons ook paaie oop vir ekonomiese ontwikkeling, makliker toegang tot noodsaaklike dienste en veiliger vervoer vir alle inwoners,” het Hango gesê.
– [email protected]
Kommentaar
Republikein
Geen kommentaar is op hierdie artikel gelaat nie