‘Redforce is ’n goedkoper opsie’
Te midde van inwoners se ontevredenheid het die uitvoerende beamptes by die Walvisbaai-munisipaliteit verlede week aangevoer dat Redforce Debt Management goedkoper en doeltreffender is as om prokureurs in te roep om dié hawedorp se wanbetalende inwoners voor stok te kry.
Redforce het N$85 miljoen in agt maande ingesamel, het die dorp se finansiële bestuurder tydens ’n voorlegging aan raadslede aangekondig.
Frans !Gonteb het raadslede se vrae beantwoord en vergelykings getref tussen die gebruik van prokureurs en Redforce en sê laasgenoemde vra nie fooie vir die opening van lêers nie, terwyl prokureurs N$950 daarvoor sal vereis.
Hy het bygevoeg dat prokureurs hoër opsporingsfooie vra en hul invorderingskommissie is gemiddeld hoër. Terwyl prokureurs sowat N$435 vir eisbriewe aan debiteure vra, benodig Redforce nie 'n sent vir dié diens nie, het !Gonteb aan raadslede gesê.
Laasgenoemde vra ook nie vir vorderingsverslae nie, terwyl prokureurs sowat N$400 hiervoor vra. Tussen Augustus 2023, toe Redforce aan boord gekom het, tot Maart vanjaar, het die maatskappy N$85 miljoen ingevorder – met N$13,5 miljoen verlede maand.
In Julie 2023 het die munisipaliteit ’n tekort van N$2,4 miljoen in terme van daaglikse kontantvloei getoon. Dié posisie het vandeesmaand tot N$28 miljoen verbeter, volgens !Gonteb se voorlegging.
Daar is geen aanduiding dat hierdie bedrag alles aan Redforce se invorderings te danke is nie.
Die afgelope dae het woedende inwoners twee petisies aan die munisipaliteit oorhandig, wat die verwydering van Redforce eis.
Op ’n vraag wat die regsimplikasies vir die kansellasie van die kontrak met die skuldinvorderaar is, het !Gonteb gesê: “Dit sal in ’n regstryd eindig met koste [van sowat N$45 miljoen].”
Die N$45 miljoen word bereken as 12% rente van die N$378 miljoen wat tans deur inwoners en besighede aan die munisipaliteit verskuldig is.
’n Uiteensetting van die munisipaliteit se skuld toon dat inwoners, sakeondernemings en ander entiteite in die middestad van Walvisbaai ongeveer N$120 miljoen skuld, Kuisebmond sowat N$95 miljoen, Narraville N$29 miljoen, Meersig N$14 miljoen en Langstrand N$7 miljoen.
’n Munisipale amptenaar wat anoniem met Republikein se susterkoerant Namibian Sun gepraat het, het gesê die dorp het hom in die bedenklike situasie bevind waar hy in Julie 2023 met ’n negatiewe banksaldo van N$2,4 miljoen moes begin, dieselfde maand wat die agentskap aangestel is. Die munisipaliteit het daarin geslaag om positiewe banksaldo’s te behou en het 2024 met N$3,3 miljoen begin.
Van die munisipaliteit se 33 000 rekeninge is 8 000 aan die skuldinvorderaar oorhandig.
In reaksie op ’n onlangse petisie teen Red Force in die hawedorp, het die waarnemende uitvoerende hoof van die Walvisbaai-munisipaliteit, John Esterhuizen, inwoners verseker dat pogings aangewend word om die ontevredenheid rondom die agentskap op ’n waardige manier op te klaar.
“Ons wil jou verseker dat jou stem vir ons saakmaak en dat elke punt wat in die petisie geopper word, ondersoek sal word. Ons verseker altyd dat al ons inwoners met respek en waardigheid behandel word en ons neem enige bewerings wat die teendeel bewys, baie ernstig op.”
Vyf van die 10 munisipale raadslede – sommige wie se rekeninge vir wanbetaling aan Redforce oorhandig is – het hul ontevredenheid oor die maatskappy se aanstelling uitgespreek.
Raadslede Ephraim Shozi, Albertina Nkoshi, Buddy Bramwell, Ryan Gordon en Paulus Kauhondwamwa het 'n vergadering bygewoon wat deur die Walvisbaai-inwoners belê is.
Julius Nyamazana, die uitvoerende hoof van Redforce, wou nie kommentaar lewer nie en sê sy maatskappy se kontrak met die munisipaliteit is vertroulik.
“Al wat ek kan sê is dat ek baie gelukkig is met die werk wat ons in ’n kort tydjie vir die kliënt gedoen het.”
– Bykomende inliging deur Leandrea Mouers
Redforce het N$85 miljoen in agt maande ingesamel, het die dorp se finansiële bestuurder tydens ’n voorlegging aan raadslede aangekondig.
Frans !Gonteb het raadslede se vrae beantwoord en vergelykings getref tussen die gebruik van prokureurs en Redforce en sê laasgenoemde vra nie fooie vir die opening van lêers nie, terwyl prokureurs N$950 daarvoor sal vereis.
Hy het bygevoeg dat prokureurs hoër opsporingsfooie vra en hul invorderingskommissie is gemiddeld hoër. Terwyl prokureurs sowat N$435 vir eisbriewe aan debiteure vra, benodig Redforce nie 'n sent vir dié diens nie, het !Gonteb aan raadslede gesê.
Laasgenoemde vra ook nie vir vorderingsverslae nie, terwyl prokureurs sowat N$400 hiervoor vra. Tussen Augustus 2023, toe Redforce aan boord gekom het, tot Maart vanjaar, het die maatskappy N$85 miljoen ingevorder – met N$13,5 miljoen verlede maand.
In Julie 2023 het die munisipaliteit ’n tekort van N$2,4 miljoen in terme van daaglikse kontantvloei getoon. Dié posisie het vandeesmaand tot N$28 miljoen verbeter, volgens !Gonteb se voorlegging.
Daar is geen aanduiding dat hierdie bedrag alles aan Redforce se invorderings te danke is nie.
Die afgelope dae het woedende inwoners twee petisies aan die munisipaliteit oorhandig, wat die verwydering van Redforce eis.
Op ’n vraag wat die regsimplikasies vir die kansellasie van die kontrak met die skuldinvorderaar is, het !Gonteb gesê: “Dit sal in ’n regstryd eindig met koste [van sowat N$45 miljoen].”
Die N$45 miljoen word bereken as 12% rente van die N$378 miljoen wat tans deur inwoners en besighede aan die munisipaliteit verskuldig is.
’n Uiteensetting van die munisipaliteit se skuld toon dat inwoners, sakeondernemings en ander entiteite in die middestad van Walvisbaai ongeveer N$120 miljoen skuld, Kuisebmond sowat N$95 miljoen, Narraville N$29 miljoen, Meersig N$14 miljoen en Langstrand N$7 miljoen.
’n Munisipale amptenaar wat anoniem met Republikein se susterkoerant Namibian Sun gepraat het, het gesê die dorp het hom in die bedenklike situasie bevind waar hy in Julie 2023 met ’n negatiewe banksaldo van N$2,4 miljoen moes begin, dieselfde maand wat die agentskap aangestel is. Die munisipaliteit het daarin geslaag om positiewe banksaldo’s te behou en het 2024 met N$3,3 miljoen begin.
Van die munisipaliteit se 33 000 rekeninge is 8 000 aan die skuldinvorderaar oorhandig.
In reaksie op ’n onlangse petisie teen Red Force in die hawedorp, het die waarnemende uitvoerende hoof van die Walvisbaai-munisipaliteit, John Esterhuizen, inwoners verseker dat pogings aangewend word om die ontevredenheid rondom die agentskap op ’n waardige manier op te klaar.
“Ons wil jou verseker dat jou stem vir ons saakmaak en dat elke punt wat in die petisie geopper word, ondersoek sal word. Ons verseker altyd dat al ons inwoners met respek en waardigheid behandel word en ons neem enige bewerings wat die teendeel bewys, baie ernstig op.”
Vyf van die 10 munisipale raadslede – sommige wie se rekeninge vir wanbetaling aan Redforce oorhandig is – het hul ontevredenheid oor die maatskappy se aanstelling uitgespreek.
Raadslede Ephraim Shozi, Albertina Nkoshi, Buddy Bramwell, Ryan Gordon en Paulus Kauhondwamwa het 'n vergadering bygewoon wat deur die Walvisbaai-inwoners belê is.
Julius Nyamazana, die uitvoerende hoof van Redforce, wou nie kommentaar lewer nie en sê sy maatskappy se kontrak met die munisipaliteit is vertroulik.
“Al wat ek kan sê is dat ek baie gelukkig is met die werk wat ons in ’n kort tydjie vir die kliënt gedoen het.”
– Bykomende inliging deur Leandrea Mouers
Kommentaar
Republikein
Geen kommentaar is op hierdie artikel gelaat nie