Rehoboth (bly) in die rooi
Laste oorskry bates
Die ouditeursverslag verwys herhaaldelik na 'onverklaarbare verskille' op state wat telkens etlike miljoene Namibiese dollar beloop.
Henriette Lamprecht – ’n Opgehoopte tekort van byna N$37 miljoen en laste wat bates ver oorskry.
Dit is die powere prentjie wat deur die ouditeur-generaal van die Rehoboth-dorpsraad se rekeninge geskets word wat vir die tydperk 2017 tot 2019 pal in die rooi gebly het.
Die finansiële state is ook laat ingedien en nie, soos ingevolge die wet op plaaslike owerhede, drie maande ná die finansiële jaareinde nie.
Die raad het nie ’n bateregister gehad nie, wat dit moeilik gemaak het om die akkuraatheid en volledigheid van bates te bepaal wat wel aangeteken is.
’n Ou waardasierol is ook gebruik vir die bepaling en betaling van tariewe en belasting, terwyl ’n nuwe rol reeds in 2015 afgekondig is. Dié tariewe is vir die sak van die dorpsraad. Geen voorraadopname en verwante waardasie is in enige van die drie boekjare wat in die verslag vervat is, gedoen nie. ’n Opname van water in reservoirs, sowel as gedienste en ongedienste grond wat te koop aangebied word, is ook nie aangeteken nie.
Die verslag verwys herhaaldelik na “onverklaarbare verskille” op van die dorpsraad se betaalstaat, belasting op toegevoegde waarde, kontant en huislenings tot inkomste wat telkens etlike miljoene Namibiese dollar beloop.
Geen rekonsiliasies is op die dorpsraad se bankrekeninge gedoen nie, wat tot onverklaarbare verskille tussen die bankstaatsaldo’s en die algemene grootboek van byna N$100 miljoen vir die drie jaar gelei het.
Dieselfde gebrek aan rekonsiliasie en stawende dokumente geld vir die raad se tussenrekeninge waarvan die bedrae gewissel het van N$66 miljoen in 2017, N$108 miljoen in 2018 en N$80 000 in 2019. Dieselfde deuntjie van ’n gebrek aan rekonsiliasie en ondersteunende dokumente is in die verslag aangeteken by huis- en dienslenings, deposito’s en uitgawes. Dit sluit ’n gebrek aan enige goedkeuringsdokumente in. Die inkomste van die verkoop van erwe in 2019 het op N$471 230 gestaan, maar is aangeteken op ontvangs en nie, soos vereis word, eers met die oordrag van die eiendom nie. Geen lys of register van erwe of eiendomme wat verkoop is, is ingedien om die verwante inkomste te ondersteun nie.
Met verwysing na tariewe vir water, vullisverwydering en elektrisiteit is die verkeerde tariewe in die verwante finansiële jare gehef.
Grootmaatkrag- en wateraankope sowel as sagteware-uitgawes is op ’n kontantbasis eerder as op ’n opgeloopte basis aangeteken. Oor die dorpsraad se kontantvloei verwys die verslag opnuut na “onverklaarbare rekeninginskrywings”.
Die verslag maak dit duidelik die bestuur van die dorpsraad is verantwoordelik vir die voorbereiding en regverdige aanbieding van die finansiële state in ooreenstemming met aanvaarbare standaarde en wetgewing.
Die dorpsraad se bestuur het ook die verantwoordelikheid om die entiteit se vermoë te bepaal om sake te kan doen.
“Diegene wat met bestuur belas is, is verantwoordelik om toesig te hou oor die entiteit se finansiële verslagdoeningsproses,” lui die verslag.
– [email protected]
Dit is die powere prentjie wat deur die ouditeur-generaal van die Rehoboth-dorpsraad se rekeninge geskets word wat vir die tydperk 2017 tot 2019 pal in die rooi gebly het.
Die finansiële state is ook laat ingedien en nie, soos ingevolge die wet op plaaslike owerhede, drie maande ná die finansiële jaareinde nie.
Die raad het nie ’n bateregister gehad nie, wat dit moeilik gemaak het om die akkuraatheid en volledigheid van bates te bepaal wat wel aangeteken is.
’n Ou waardasierol is ook gebruik vir die bepaling en betaling van tariewe en belasting, terwyl ’n nuwe rol reeds in 2015 afgekondig is. Dié tariewe is vir die sak van die dorpsraad. Geen voorraadopname en verwante waardasie is in enige van die drie boekjare wat in die verslag vervat is, gedoen nie. ’n Opname van water in reservoirs, sowel as gedienste en ongedienste grond wat te koop aangebied word, is ook nie aangeteken nie.
Die verslag verwys herhaaldelik na “onverklaarbare verskille” op van die dorpsraad se betaalstaat, belasting op toegevoegde waarde, kontant en huislenings tot inkomste wat telkens etlike miljoene Namibiese dollar beloop.
Geen rekonsiliasies is op die dorpsraad se bankrekeninge gedoen nie, wat tot onverklaarbare verskille tussen die bankstaatsaldo’s en die algemene grootboek van byna N$100 miljoen vir die drie jaar gelei het.
Dieselfde gebrek aan rekonsiliasie en stawende dokumente geld vir die raad se tussenrekeninge waarvan die bedrae gewissel het van N$66 miljoen in 2017, N$108 miljoen in 2018 en N$80 000 in 2019. Dieselfde deuntjie van ’n gebrek aan rekonsiliasie en ondersteunende dokumente is in die verslag aangeteken by huis- en dienslenings, deposito’s en uitgawes. Dit sluit ’n gebrek aan enige goedkeuringsdokumente in. Die inkomste van die verkoop van erwe in 2019 het op N$471 230 gestaan, maar is aangeteken op ontvangs en nie, soos vereis word, eers met die oordrag van die eiendom nie. Geen lys of register van erwe of eiendomme wat verkoop is, is ingedien om die verwante inkomste te ondersteun nie.
Met verwysing na tariewe vir water, vullisverwydering en elektrisiteit is die verkeerde tariewe in die verwante finansiële jare gehef.
Grootmaatkrag- en wateraankope sowel as sagteware-uitgawes is op ’n kontantbasis eerder as op ’n opgeloopte basis aangeteken. Oor die dorpsraad se kontantvloei verwys die verslag opnuut na “onverklaarbare rekeninginskrywings”.
Die verslag maak dit duidelik die bestuur van die dorpsraad is verantwoordelik vir die voorbereiding en regverdige aanbieding van die finansiële state in ooreenstemming met aanvaarbare standaarde en wetgewing.
Die dorpsraad se bestuur het ook die verantwoordelikheid om die entiteit se vermoë te bepaal om sake te kan doen.
“Diegene wat met bestuur belas is, is verantwoordelik om toesig te hou oor die entiteit se finansiële verslagdoeningsproses,” lui die verslag.
– [email protected]
Kommentaar
Republikein
Geen kommentaar is op hierdie artikel gelaat nie