Ryers trap vir Legacy of Love
27 Namibiese, Suid-Afrikaanse, oorsese jaers
Deelnemers aan Le Dur, amptelik die langste wedren in Namibië sonder ondersteuningsvoertuie, moet 'n moordende afstand van 530 km in 50 ure voltooi.
Henriette Lamprecht – Eerskomende Vrydag spring 27 ryers om 07:15 weg sonder enige ondersteuningsvoertuie om in ’n kwessie van drie dae ’n totale afstand van 530 km in 50 ure te voltooi.
Die wegspringtyd van amptelik die langste wedren sonder ondersteuningsvoertuie in Namibië, Le Dur, is ook die tyd wat Lumé de Beer op 2 Julie op 11-jarige ouderdom skielik dood is aan akute respiratoriese noodsindroom.
Vyf jaar later trap fietsryers nie net vir Legacy of Love, ’n liefdadigheidsorganisasie wat deur haar ouers, Ronel en Sybrand, begin en deur hul dogter inspireer is nie, maar vir elkeen wat die verwoestende verlies van ’n geliefde moet verwerk.
Sybrand en Ronel het vroeër aan Republikein gesê “ons kan sien hoe God die projekte na ons stuur en self ook dryf. Hy maak vir ons deure oop, sit ons met die regte mense in aanraking, ens. Ons kan ook sien hoe God ons ons hele lewe lank op ‘n pad gevat het, wat ons gereed gemaak het vir die pad wat ons nou moet stap. Ons glo Hy is die argitek van Legacy of Love en ons is net instrumente in Sy hande wat probeer gehoorsaam wees aan Sy roepstem.”
Verlede jaar het Pierre Lambert die roete op sy eentjie aangepak om geld in te samel vir Legacy of Love se trauma-“retreats” vir kinders wat ’n ouer aan die dood afgestaan het.
Hulle het eintlik gehoop vir 15 inskrywings vir die eerste amptelike weergawe van die wedren, vertel Ronel, maar het 27 gekry wat ook Suid-Afrikaanse en oorsese jaers insluit.
Ronel is deel van ’n “social” span van agt vroue wat mekaar op die roete gaan aflos en wat hoofsaaklik gaan trap vir die bedryfskoste van Legacy of Love.
“Alles gaan altyd na projekte toe en ons sukkel met die admin en om die bedryfs- en sakegedeelte aan die gang te hou,” verduidelik sy.
Die wedren eindig 50 ure later op Sondag die 13 de om 11:00 by Towerbos op die Daan Viljoen-pad.
Van soloryers tot twee- of driemanspanne neem deel, met die roete wat verby Gocheganas en Auas Safari Lodge, Kapps Farm, Midgard, Okahandja, Wilhemstal en Otjimbingwe tot verby die skool by Baumgartsbrunn kronkel. Een van die ryers is Drikus Coetzee wat vanjaar die land se nasionale padkampioen is asook die wenner van die Munga Grit Tankwa. - [email protected]
Die wegspringtyd van amptelik die langste wedren sonder ondersteuningsvoertuie in Namibië, Le Dur, is ook die tyd wat Lumé de Beer op 2 Julie op 11-jarige ouderdom skielik dood is aan akute respiratoriese noodsindroom.
Vyf jaar later trap fietsryers nie net vir Legacy of Love, ’n liefdadigheidsorganisasie wat deur haar ouers, Ronel en Sybrand, begin en deur hul dogter inspireer is nie, maar vir elkeen wat die verwoestende verlies van ’n geliefde moet verwerk.
Sybrand en Ronel het vroeër aan Republikein gesê “ons kan sien hoe God die projekte na ons stuur en self ook dryf. Hy maak vir ons deure oop, sit ons met die regte mense in aanraking, ens. Ons kan ook sien hoe God ons ons hele lewe lank op ‘n pad gevat het, wat ons gereed gemaak het vir die pad wat ons nou moet stap. Ons glo Hy is die argitek van Legacy of Love en ons is net instrumente in Sy hande wat probeer gehoorsaam wees aan Sy roepstem.”
Verlede jaar het Pierre Lambert die roete op sy eentjie aangepak om geld in te samel vir Legacy of Love se trauma-“retreats” vir kinders wat ’n ouer aan die dood afgestaan het.
Hulle het eintlik gehoop vir 15 inskrywings vir die eerste amptelike weergawe van die wedren, vertel Ronel, maar het 27 gekry wat ook Suid-Afrikaanse en oorsese jaers insluit.
Ronel is deel van ’n “social” span van agt vroue wat mekaar op die roete gaan aflos en wat hoofsaaklik gaan trap vir die bedryfskoste van Legacy of Love.
“Alles gaan altyd na projekte toe en ons sukkel met die admin en om die bedryfs- en sakegedeelte aan die gang te hou,” verduidelik sy.
Die wedren eindig 50 ure later op Sondag die 13 de om 11:00 by Towerbos op die Daan Viljoen-pad.
Van soloryers tot twee- of driemanspanne neem deel, met die roete wat verby Gocheganas en Auas Safari Lodge, Kapps Farm, Midgard, Okahandja, Wilhemstal en Otjimbingwe tot verby die skool by Baumgartsbrunn kronkel. Een van die ryers is Drikus Coetzee wat vanjaar die land se nasionale padkampioen is asook die wenner van die Munga Grit Tankwa. - [email protected]
Kommentaar
Republikein
Geen kommentaar is op hierdie artikel gelaat nie