Sewentien strate in hoofstad word hernoem
Hulde gebring aan vryheidvegters
Van die bekendste straatname wat verander, is Johann Albrechtstraat, wat deur Windhoek-Wes en Windhoek-Noord lei.
Otis Steinbach en Augetto Graig – “Straatname wys vir ons waar ons is, waar ons was en of ons in die regte rigting beweeg.”
So het dr. Job Amupanda, die voorsitter van Stad Windhoek se raadgewende komitee vir erfenis, gesê tydens die geleentheid vir die bekendstelling van 17 straatname wat in die hoofstad herdoop is.
Die seremonie het Vrydag in die stadsaal in Windhoek plaasgevind en die Windhoekse burgemeester, Queen Kamati, Khomas se goewerneur, Laura McLeod-Katjirua en die minister van stedelike en landelike ontwikkeling, Erastus Uutoni, was onder die diegene wat die geleentheid bygewoon het.
Van die bekendste straatname wat verander, is Johann Albrechtstraat, wat vanaf die Namibië Universiteit vir Wetenskap en Tegnologie (Nust) deur Windhoek-Wes en Windhoek-Noord lei. Die straat word herdoop na Gaob Dr. Justus ||Garoëbstraat.
Jordanstraat in Pionierspark sal na Biskop Bonifatius Haushiku hernoem word. Hennie Laubscherstraat in Olympia sal voortaan as Genl. Karel Ndjobastraat bekend staan.
In die Dolam-woonbuurt in Katutura sal Sinstraat herdoop word na Ulrich Paulinostraat, terwyl Dam Beachstraat in Goreangab se uitbreiding vyf voortaan as John Kambangulastraat bekend sal staan.
Eneas Peter Nanyembastraat in Auasblick word hernoem om verwarring met Windhoek se ander Peter Nanyembastraat te voorkom en sal voortaan as Jason Mutumbuluastraat bekend staan.
Ook in Auasblick sal een van die nuwe strate as Adv. Fanuel Kozonguizistraat gedoop word.
Nog ’n nuwe straat in Academia sal na Nicodemus Kavikunua vernoem word, terwyl ’n reeks nuwe strate in Rocky Crest Uitbreiding 4 ook vernoem sal word na onderskeidelik Simon Sisingi Hiskia, Gaob Josophat Gawa-!Nab, Chief Kamatuara Kukuri, Frans Kambangula, Karl Kazondunge, Festus Kamburona, Jacob Marengo en Bryan O’linn.
HULDE GEBRING
Die burgemeester se inleidende opmerkings is opgevolg deur emosionele toesprake deur die eregaste.
Daar is ook tydens die geleentheid hulde gebring aan die vryheidsvegters wat deur die hernoeming vereer is en sommige van hulle familielede het die geleentheid bygewoon en ook spreekbeurte gekry.
Uutoni het in sy toespraak die eregas Justus Gaob ǁGaroëb, wat die tradisionele leier van die Damara-mense is, geprys vir sy rol tydens die Namibiese stryd om onafhanklikwording. Die seremonie het ook sang- en dansoptredes ingesluit.
Amupanda meen dat die straatname van die Suid-Afrikaanse apartheidsregime kom wat, volgens hom, tot vandag toe die gedagtes van jong Afrikane beperk. Volgens hom is hierdie hernoeming van straatname ’n manier om deur hierdie ou patrone te breek.
– [email protected]
So het dr. Job Amupanda, die voorsitter van Stad Windhoek se raadgewende komitee vir erfenis, gesê tydens die geleentheid vir die bekendstelling van 17 straatname wat in die hoofstad herdoop is.
Die seremonie het Vrydag in die stadsaal in Windhoek plaasgevind en die Windhoekse burgemeester, Queen Kamati, Khomas se goewerneur, Laura McLeod-Katjirua en die minister van stedelike en landelike ontwikkeling, Erastus Uutoni, was onder die diegene wat die geleentheid bygewoon het.
Van die bekendste straatname wat verander, is Johann Albrechtstraat, wat vanaf die Namibië Universiteit vir Wetenskap en Tegnologie (Nust) deur Windhoek-Wes en Windhoek-Noord lei. Die straat word herdoop na Gaob Dr. Justus ||Garoëbstraat.
Jordanstraat in Pionierspark sal na Biskop Bonifatius Haushiku hernoem word. Hennie Laubscherstraat in Olympia sal voortaan as Genl. Karel Ndjobastraat bekend staan.
In die Dolam-woonbuurt in Katutura sal Sinstraat herdoop word na Ulrich Paulinostraat, terwyl Dam Beachstraat in Goreangab se uitbreiding vyf voortaan as John Kambangulastraat bekend sal staan.
Eneas Peter Nanyembastraat in Auasblick word hernoem om verwarring met Windhoek se ander Peter Nanyembastraat te voorkom en sal voortaan as Jason Mutumbuluastraat bekend staan.
Ook in Auasblick sal een van die nuwe strate as Adv. Fanuel Kozonguizistraat gedoop word.
Nog ’n nuwe straat in Academia sal na Nicodemus Kavikunua vernoem word, terwyl ’n reeks nuwe strate in Rocky Crest Uitbreiding 4 ook vernoem sal word na onderskeidelik Simon Sisingi Hiskia, Gaob Josophat Gawa-!Nab, Chief Kamatuara Kukuri, Frans Kambangula, Karl Kazondunge, Festus Kamburona, Jacob Marengo en Bryan O’linn.
HULDE GEBRING
Die burgemeester se inleidende opmerkings is opgevolg deur emosionele toesprake deur die eregaste.
Daar is ook tydens die geleentheid hulde gebring aan die vryheidsvegters wat deur die hernoeming vereer is en sommige van hulle familielede het die geleentheid bygewoon en ook spreekbeurte gekry.
Uutoni het in sy toespraak die eregas Justus Gaob ǁGaroëb, wat die tradisionele leier van die Damara-mense is, geprys vir sy rol tydens die Namibiese stryd om onafhanklikwording. Die seremonie het ook sang- en dansoptredes ingesluit.
Amupanda meen dat die straatname van die Suid-Afrikaanse apartheidsregime kom wat, volgens hom, tot vandag toe die gedagtes van jong Afrikane beperk. Volgens hom is hierdie hernoeming van straatname ’n manier om deur hierdie ou patrone te breek.
– [email protected]
Kommentaar
Stephanus Gerber
Ek wou eers die "Myer" van Whk bel om hom in te lig dat die eerste April lankal verby . . . . . . . . . . . . . . . . . . .