Swakop se paaie weer in goeie toestand ná reën

In die nasleep van meedoënlose reënval wat paaie onlangs laat oorstroom, stormwaterdreine geblokkeer en slaggate wat wydverspreid oor die dorp versprei het, het die Swakopmund-munisipaliteit lof verdien vir sy vinnige reaksie.Net nadat die stortreën bedaar het, is munisipale werkers ontplooi en het hulle selfs deur die nag gewerk om beskadigde paaie te herstel, rommel te verwyder en orde in geraakte gebiede te herstel.“Ons is daartoe verbind om die strate van ons pragtige dorp tot hul eertydse glorie te herstel,” het Linda Mupupa, die munisipale woordvoerder, vandeesweek gesê. “Die werke-afdeling het hul stewels en hul handskoene aan om te verseker dat rommel verwyder word, dreineringstelsels herstel word en openbare ruimtes weer veilig en skoon is.”Mupupa het ook die rol van plaaslike kontrakteurs erken: “Baie dankie aan al die kontrakteurs wat saam met ons span op die grond was en mannekrag en toerusting verskaf het om die herstelpogings te bespoedig.“Julle toewyding en ondersteuning word opreg waardeer.”Benewens om die paaie te herstel, het die munisipaliteit gesê sy spanne is besig om geblokkeerde dreine skoon te maak, strate te vee, grondpaaie te skraap, oppervlaktes te kompakteer en die rioolinfrastruktuur vir stormverwante skade te inspekteer.“Welgedaan met die neem van onmiddellike aksie,” het die plaaslike inwoner Wikus Juan Engelbrecht geskryf.Nog ’n inwoner, Celia Aggenbach Olivier, het bygevoeg: “Dankie, Swakopmund-munisipaliteit! Ek dink julle doen goeie werk. Dankie aan al die ouens wat oor die langnaweek gewerk het.”– republikein@republikein.com.na

Swakop se paaie weer in goeie toestand ná reën

Kommentaar

Republikein 2025-04-02

Meld asseblief aan om kommentaar te lewer

Swakop se paaie weer in goeie toestand ná reën

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie