Swapo wil reëls vir keurkomitee verander
Mosie uitgestel, kon nie kworum bereik
Die Swapo-agterbanker Phillipus Katamela het Dinsdag in die parlement voorgestel ’n bestaande vereiste vir lidmaatskap in die nuwe keurkomitee moet sodanig verander word dat die party met die meeste parlementslede hoofsaaklik in die komitee verteenwoordig word.
Swapo gaan 53 setels in die nuwe parlement hê, gevolg deur die Independent Patriots for Change (IPC) met 20 setels.
Dié komitee het tot dusver die Speaker van die Parlement en sy adjunk as voorsitter aangewys, asook die leier van die regerende party se parlementêre groep en die leier van die grootste opposisieparty as lede. Die parlementêre groepvoorsitters van die ander partye wat verteenwoordig is, is ook lede.
Die komitee bepaal ook watter parlementslede kan en moet op die ander parlementêre komitees dien.
Die komitee moet aan die einde van Maart uit nuwe lede bestaan – vyf dae ná die aanvang van die nuwe wetgewende tydperk.
Katamelo se voorgestelde wysiging vir die nuwe wetgewer, wat hy met die goedkeuring van sy Swapo-groep voorgelê het, maak voorsiening dat die keurkomitee slegs tien lede moet hê, van wie ses deel daarvan moet wees “op grond van proporsionele verteenwoordiging in die Huis”. Dit beteken die meeste van dié ses sal van Swapo wees.
OORTREDING VAN REëLS
Die Popular Democratic Movement (PDM) se voorsitter, McHenry Venaani, het egter gesê dit is ondemokraties aangesien die ou reël regverdige verteenwoordiging van die verskillende partye verseker het.
“Met die voorgestelde wysiging sal die regerende party die komitee in die toekoms oorheers en demokrasie sal agterweë bly,” het Venaani gewaarsku.
Die PDM-parlementslid Elma Dienda het gemaan die voorgestelde wysigings sal regulasie 54 (1) oortree.
Dit lui “aan die begin van elke wetgewende termyn sal die vergadering ’n staande komitee oor reëls van prosedures en interne regulasies aanwys. Dit sal onder voorsitterskap van die president van die Nasionale Vergadering wees. Die komitee sal uit ten minste agt lede bestaan, met die uitsondering van die president. Die voorvereiste is dat alle partye in die Nasionale Vergadering verteenwoordig word”.
Ná ’n kort tydjie het die parlementslede van die opposisie die kamer verlaat. Aangesien slegs 47 parlementslede met stemreg oorgebly het, kon die mosie nie tot stemming gebring word nie. Vir ’n kworum moet 49 parlementslede teenwoordig wees. Die mosie is gevolglik uitgestel.
– [email protected]
Swapo gaan 53 setels in die nuwe parlement hê, gevolg deur die Independent Patriots for Change (IPC) met 20 setels.
Dié komitee het tot dusver die Speaker van die Parlement en sy adjunk as voorsitter aangewys, asook die leier van die regerende party se parlementêre groep en die leier van die grootste opposisieparty as lede. Die parlementêre groepvoorsitters van die ander partye wat verteenwoordig is, is ook lede.
Die komitee bepaal ook watter parlementslede kan en moet op die ander parlementêre komitees dien.
Die komitee moet aan die einde van Maart uit nuwe lede bestaan – vyf dae ná die aanvang van die nuwe wetgewende tydperk.
Katamelo se voorgestelde wysiging vir die nuwe wetgewer, wat hy met die goedkeuring van sy Swapo-groep voorgelê het, maak voorsiening dat die keurkomitee slegs tien lede moet hê, van wie ses deel daarvan moet wees “op grond van proporsionele verteenwoordiging in die Huis”. Dit beteken die meeste van dié ses sal van Swapo wees.
OORTREDING VAN REëLS
Die Popular Democratic Movement (PDM) se voorsitter, McHenry Venaani, het egter gesê dit is ondemokraties aangesien die ou reël regverdige verteenwoordiging van die verskillende partye verseker het.
“Met die voorgestelde wysiging sal die regerende party die komitee in die toekoms oorheers en demokrasie sal agterweë bly,” het Venaani gewaarsku.
Die PDM-parlementslid Elma Dienda het gemaan die voorgestelde wysigings sal regulasie 54 (1) oortree.
Dit lui “aan die begin van elke wetgewende termyn sal die vergadering ’n staande komitee oor reëls van prosedures en interne regulasies aanwys. Dit sal onder voorsitterskap van die president van die Nasionale Vergadering wees. Die komitee sal uit ten minste agt lede bestaan, met die uitsondering van die president. Die voorvereiste is dat alle partye in die Nasionale Vergadering verteenwoordig word”.
Ná ’n kort tydjie het die parlementslede van die opposisie die kamer verlaat. Aangesien slegs 47 parlementslede met stemreg oorgebly het, kon die mosie nie tot stemming gebring word nie. Vir ’n kworum moet 49 parlementslede teenwoordig wees. Die mosie is gevolglik uitgestel.
– [email protected]
Kommentaar
Republikein
Geen kommentaar is op hierdie artikel gelaat nie