Verifieer jou munisipale rekening volgende week
Talle inwoners van Windhoek het Maandag by die deure van die munisipaliteit opgedaag om hul munisipale rekeninge te laat verifieer.
Volgens die gemeenskapsaktivis Shaun Gariseb was dit in reaksie op ’n uitnodiging van die burgemeester, Queen Kamati, wat volgens hom inwoners van die hoofstad op 8 Augustus aangemoedig het om kwessies wat verband hou met hul rekeninge onder die munisipale kantoor se aandag te bring.
Hoewel Lydia Amutenya, die munisipale woordvoerder, die naweek gepleit het dat inwoners nie in massas moet opdaag nie omdat dit munisipale stelsels kan oorweldig, het baie mense antwoorde kom soek. Hulle is ongelukkig by die deur voorgekeer.
Die hoofwoordvoerder van die Windhoek-munisipaliteit, Harold Akwenye, sê die munisipaliteit sal eerder reëlings tref om van volgende week af verifikasies by takke in Khomasdal en Katutura te laat doen.
Akwenye sê hy het Maandag met verskeie bejaardes wat voor die munisipaliteit se kantoor gestaan het, gepraat en vasgestel dat die meerderheid se probleme verband hou met hul afhanklikheid van staatspensioenbetalings, wat hulle nie in staat stel om hul skuld aan die munisipaliteit te vereffen nie.
Ander sukkel weer om eiendom in hul naam oor te dra nadat familielede lankal reeds oorlede is.
“Dit is die tipe bekommernisse wat deur bejaardes uitgespreek word wat nie verband hou met foute in die betalingstelsel nie.
“Ons het onreëlmatighede in minder as 15 rekeninge geïdentifiseer, wat ons aktief met betrekking tot die betalingstelsel ondersoek,” het Akwenye gesê.
– [email protected]
Volgens die gemeenskapsaktivis Shaun Gariseb was dit in reaksie op ’n uitnodiging van die burgemeester, Queen Kamati, wat volgens hom inwoners van die hoofstad op 8 Augustus aangemoedig het om kwessies wat verband hou met hul rekeninge onder die munisipale kantoor se aandag te bring.
Hoewel Lydia Amutenya, die munisipale woordvoerder, die naweek gepleit het dat inwoners nie in massas moet opdaag nie omdat dit munisipale stelsels kan oorweldig, het baie mense antwoorde kom soek. Hulle is ongelukkig by die deur voorgekeer.
Die hoofwoordvoerder van die Windhoek-munisipaliteit, Harold Akwenye, sê die munisipaliteit sal eerder reëlings tref om van volgende week af verifikasies by takke in Khomasdal en Katutura te laat doen.
Akwenye sê hy het Maandag met verskeie bejaardes wat voor die munisipaliteit se kantoor gestaan het, gepraat en vasgestel dat die meerderheid se probleme verband hou met hul afhanklikheid van staatspensioenbetalings, wat hulle nie in staat stel om hul skuld aan die munisipaliteit te vereffen nie.
Ander sukkel weer om eiendom in hul naam oor te dra nadat familielede lankal reeds oorlede is.
“Dit is die tipe bekommernisse wat deur bejaardes uitgespreek word wat nie verband hou met foute in die betalingstelsel nie.
“Ons het onreëlmatighede in minder as 15 rekeninge geïdentifiseer, wat ons aktief met betrekking tot die betalingstelsel ondersoek,” het Akwenye gesê.
– [email protected]
Kommentaar
Republikein
Geen kommentaar is op hierdie artikel gelaat nie