Vermoedelike loodbesoedeling vind in Rosh Pinah plaas
‘Moontlike toesmeerdery’ deur mynmaatskappy
Blootstelling aan loodpartikels hou beduidende gevare vir kinders se gesondheid in.
Brigitte Weidlich
Volgens ’n mediese verslag word inwoners van Rosh Pinah vermoedelik blootgestel aan toenemende loodbesoedeling van die lug as gevolg van sinkmynboubedrywighede. Lood en silwer is byprodukte wat by die Rosh Pinah-myn se uitskothoop ontgin word.
Henny Seibeb, ’n parlementslid van die Landless People’s Movement (LPM), het die minister van myne en energie, Tom Alweendo, verlede week uitgevra oor die risiko dat babas en kinders aan loodpartikels blootgestel kan word. “Daar was bewerings van ‘n moontlike toesmeerdery deur die (Kanadese) mynmaatskappy Trevali Mining Corporation,” het Seibeb gesê. Trevali besit 90% van die Rosh Pinah-myn.
“Daar is ‘n mediese verslag wat die resultate openbaar van loodkonsentrasietoetse wat op 30 kinders gedoen is. Volgens die verslag het al 30 kinders hoë loodvlakke in hul bloed gehad. Hierdie toetse is uitgevoer deur ‘n dokter wat voorheen in diens van die mynmaatskappy was,” het Seibeb aan die parlement gesê.
VERSLAG GEïGNOREER
Volgens hom het die dokter spesifieke maatreëls aanbeveel en die maatskappy gevra om die regering in kennis te stel.
“Ongelukkig is die dokter se kontrak skielik beëindig en hy het daarna na Kaapstad verhuis. Dit moet genoem word dat die dokter se dienskontrak ‘n vertroulikheidsklousule bevat het wat hom verbied het om enigiemand buite sy diensomvang te kontak. Hy het nietemin ’n verslag opgestel wat al reeds drie jaar beskikbaar is,” het Seibeb gesê.
Hy wou by Alweendo weet of sy ministerie bewus was van die situasie en of die minister iets omtrent die situasie wil of gaan doen.
Blootstelling aan loodpartikels hou beduidende gevare vir kinders se gesondheid in.
Intussen het Esther Muinjangue, die adjunkminister van gesondheid en maatskaplike dienste, bevestig die verslag bestaan wel. Volgens die plaaslike dagblad The Namibian is tien gevalle van loodblootstelling onder kinders in Rosh Pinah glo vanjaar aangemeld. Amptenare van die ministerie het twee weke gelede daarheen gereis. Die ministerie sal Rosh Pinah glo weer vandag besoek.
[email protected]
Volgens ’n mediese verslag word inwoners van Rosh Pinah vermoedelik blootgestel aan toenemende loodbesoedeling van die lug as gevolg van sinkmynboubedrywighede. Lood en silwer is byprodukte wat by die Rosh Pinah-myn se uitskothoop ontgin word.
Henny Seibeb, ’n parlementslid van die Landless People’s Movement (LPM), het die minister van myne en energie, Tom Alweendo, verlede week uitgevra oor die risiko dat babas en kinders aan loodpartikels blootgestel kan word. “Daar was bewerings van ‘n moontlike toesmeerdery deur die (Kanadese) mynmaatskappy Trevali Mining Corporation,” het Seibeb gesê. Trevali besit 90% van die Rosh Pinah-myn.
“Daar is ‘n mediese verslag wat die resultate openbaar van loodkonsentrasietoetse wat op 30 kinders gedoen is. Volgens die verslag het al 30 kinders hoë loodvlakke in hul bloed gehad. Hierdie toetse is uitgevoer deur ‘n dokter wat voorheen in diens van die mynmaatskappy was,” het Seibeb aan die parlement gesê.
VERSLAG GEïGNOREER
Volgens hom het die dokter spesifieke maatreëls aanbeveel en die maatskappy gevra om die regering in kennis te stel.
“Ongelukkig is die dokter se kontrak skielik beëindig en hy het daarna na Kaapstad verhuis. Dit moet genoem word dat die dokter se dienskontrak ‘n vertroulikheidsklousule bevat het wat hom verbied het om enigiemand buite sy diensomvang te kontak. Hy het nietemin ’n verslag opgestel wat al reeds drie jaar beskikbaar is,” het Seibeb gesê.
Hy wou by Alweendo weet of sy ministerie bewus was van die situasie en of die minister iets omtrent die situasie wil of gaan doen.
Blootstelling aan loodpartikels hou beduidende gevare vir kinders se gesondheid in.
Intussen het Esther Muinjangue, die adjunkminister van gesondheid en maatskaplike dienste, bevestig die verslag bestaan wel. Volgens die plaaslike dagblad The Namibian is tien gevalle van loodblootstelling onder kinders in Rosh Pinah glo vanjaar aangemeld. Amptenare van die ministerie het twee weke gelede daarheen gereis. Die ministerie sal Rosh Pinah glo weer vandag besoek.
[email protected]
Kommentaar
Republikein
Geen kommentaar is op hierdie artikel gelaat nie