Weduwee eis N$2 miljoen van Jeugraad
Die weduwee van die voormalige uitvoerende voorsitter van die Nasionale Jeugraad (NYC) en Swapo-parlementslid Mandela Kapere dagvaar die NYC vir N$2 miljoen oor 'n beweerde onbetaalde salaris.
Stela Asta Tomas-Kapere voer aan dat haar man wat laat in 2020 dood is aan Covid-19, is steeds salarisse verskuldig vir die diens aan die NYC waar hy van 2010 tot met sy uittrede in 2019 as uitvoerende voorsitter gedien het.
Volgens haar het die NYC en sy verteenwoordigers versuim om verskeie verpligtinge na te kom om agterstallige betalings te maak, nadat haar man in 2019 uit die diens van die NYC getree het.
Die bedrag van N$2 miljoen sluit in ’n betaling van N$1,2 miljoen en 20% rente per jaar vanaf November 2019. Die rente beloop N$760 979.
Tomas-Kapere vra die hof om die NYC en/of sy raad te beveel om die verskuldigde bedrag ten volle te betaal. Sy eis ook dat die adjunkbalju toegang tot die NYC se bankrekeninge gegee moet word om die fondse te kry indien die NYC nie die bedrag binne 15 dae kan betaal nie.
Luidens hofstukke is Kapere oorspronklik ’n groter vergoedingspakket aangebied toe hy as die uitvoerende voorsitter aangestel is. Weens finansiële beperkings het die NYC die implimentering hiervan uitgestel en hulself glo daartoe verbind om die verskil later terug te betaal.
"Ten spyte daarvan dat hulle onderneem het om hom so gou as moontlik terug te betaal wanneer die geld beskikbaar is, het die NYC en die voorsitter van sy raad versuim om die belofte na te kom," lui die hofstukke.
Sy beweer die NYC was, in lyn met die arbeidswet, verplig om die agterstallige bedrag te betaal toe Kapere in Oktober 2019 bedank het, maar die betaling is glo nooit gemaak nie.
Ná haar man se dood beweer Tomas-Kapere het die NYC voortdurend versoeke vir die betalings uitgestel of eenvoudig geïgnoreer. In Desember verlede jaar het die minister van sport, jeug en nasionale diens se uitvoerende direkteur Mbumba Haitengela, ’n formele opdrag gegee dat die NYC die bedrag moet betaal.
"In die lig hiervan is die NYC nie in lyn met sy verpligtinge volgens die wet op die nasionale jeugdiens nie en wat die ooreenkoms tussen die partye verbreek," lui die hofdokummente.
"In ’n poging om die kwessie vriendskaplik op te los, het Tomas-Kapere met die NYC in verbinding getree vir 'n skikking van verskuldigde bedrag. Ten spyte van verskeie opdragte deur die voorsitter van die raad, het die NYC versuim en geweier om die betalings te maak." Tomas-Kapere sê ook dat die finansiële vertraging voorkom dat haar man se boedel afgehandel kan word. - [email protected]
Stela Asta Tomas-Kapere voer aan dat haar man wat laat in 2020 dood is aan Covid-19, is steeds salarisse verskuldig vir die diens aan die NYC waar hy van 2010 tot met sy uittrede in 2019 as uitvoerende voorsitter gedien het.
Volgens haar het die NYC en sy verteenwoordigers versuim om verskeie verpligtinge na te kom om agterstallige betalings te maak, nadat haar man in 2019 uit die diens van die NYC getree het.
Die bedrag van N$2 miljoen sluit in ’n betaling van N$1,2 miljoen en 20% rente per jaar vanaf November 2019. Die rente beloop N$760 979.
Tomas-Kapere vra die hof om die NYC en/of sy raad te beveel om die verskuldigde bedrag ten volle te betaal. Sy eis ook dat die adjunkbalju toegang tot die NYC se bankrekeninge gegee moet word om die fondse te kry indien die NYC nie die bedrag binne 15 dae kan betaal nie.
Luidens hofstukke is Kapere oorspronklik ’n groter vergoedingspakket aangebied toe hy as die uitvoerende voorsitter aangestel is. Weens finansiële beperkings het die NYC die implimentering hiervan uitgestel en hulself glo daartoe verbind om die verskil later terug te betaal.
"Ten spyte daarvan dat hulle onderneem het om hom so gou as moontlik terug te betaal wanneer die geld beskikbaar is, het die NYC en die voorsitter van sy raad versuim om die belofte na te kom," lui die hofstukke.
Sy beweer die NYC was, in lyn met die arbeidswet, verplig om die agterstallige bedrag te betaal toe Kapere in Oktober 2019 bedank het, maar die betaling is glo nooit gemaak nie.
Ná haar man se dood beweer Tomas-Kapere het die NYC voortdurend versoeke vir die betalings uitgestel of eenvoudig geïgnoreer. In Desember verlede jaar het die minister van sport, jeug en nasionale diens se uitvoerende direkteur Mbumba Haitengela, ’n formele opdrag gegee dat die NYC die bedrag moet betaal.
"In die lig hiervan is die NYC nie in lyn met sy verpligtinge volgens die wet op die nasionale jeugdiens nie en wat die ooreenkoms tussen die partye verbreek," lui die hofdokummente.
"In ’n poging om die kwessie vriendskaplik op te los, het Tomas-Kapere met die NYC in verbinding getree vir 'n skikking van verskuldigde bedrag. Ten spyte van verskeie opdragte deur die voorsitter van die raad, het die NYC versuim en geweier om die betalings te maak." Tomas-Kapere sê ook dat die finansiële vertraging voorkom dat haar man se boedel afgehandel kan word. - [email protected]
Kommentaar
Republikein
Geen kommentaar is op hierdie artikel gelaat nie