Baba sterf in ’dronk’ ma se arms
’n Twee maande oue babadogtertjie is Sondag dood nadat sy in haar vermeende dronk ma se arms geslaap het.
Die baba is as Makena Waltroud Muronga geïdentifiseer en haar liggaam in in die vroeë oggendure ontdek nadat sy glo versmoor het.
Die voorval het in die Shakambu Inland Village in die Kavango-Oosstreek plaasgevind.
Die waarnemende bevelvoerder in die streek, adjunkkommissaris Eino Nambahu, het die voorval, wat vermoedelik tussen 01:00 en 01:50 gebeur het, bevestig.
VERMOEDELIK VERSMOOR
Voorlopige ondersoeke dui daarop dat die baba se ma besig was om haar baba te borsvoed toe sy aan die slaap geraak het, volgens Nambahu.
“Daar word verder beweer dat haar kêrel in die oggendure by die huis aangekom het en sy meisie [die oorledene se ma] vas aan die slaap gevind het met ’n deel van haar arm op die baba se nek en haar bors wat die mond en neus bedek het,” het hy gesê.
Volgens Nambahu vermoed die polisie dat die ma onder die invloed van drank was toe sy gaan slaap het en haar twee maande oue baba in die voedingsproses versmoor het.
“Die kêrel het gesê hy het iets wit by die baba se mond sien uitkom wat vermoedelik borsmelk was,” het hy gesê.
Nambahu het bygevoeg dat die polisie die voorval deeglik sal ondersoek om die presiese oorsaak van die baba se dood vas te stel.
– [email protected]
Die baba is as Makena Waltroud Muronga geïdentifiseer en haar liggaam in in die vroeë oggendure ontdek nadat sy glo versmoor het.
Die voorval het in die Shakambu Inland Village in die Kavango-Oosstreek plaasgevind.
Die waarnemende bevelvoerder in die streek, adjunkkommissaris Eino Nambahu, het die voorval, wat vermoedelik tussen 01:00 en 01:50 gebeur het, bevestig.
VERMOEDELIK VERSMOOR
Voorlopige ondersoeke dui daarop dat die baba se ma besig was om haar baba te borsvoed toe sy aan die slaap geraak het, volgens Nambahu.
“Daar word verder beweer dat haar kêrel in die oggendure by die huis aangekom het en sy meisie [die oorledene se ma] vas aan die slaap gevind het met ’n deel van haar arm op die baba se nek en haar bors wat die mond en neus bedek het,” het hy gesê.
Volgens Nambahu vermoed die polisie dat die ma onder die invloed van drank was toe sy gaan slaap het en haar twee maande oue baba in die voedingsproses versmoor het.
“Die kêrel het gesê hy het iets wit by die baba se mond sien uitkom wat vermoedelik borsmelk was,” het hy gesê.
Nambahu het bygevoeg dat die polisie die voorval deeglik sal ondersoek om die presiese oorsaak van die baba se dood vas te stel.
– [email protected]
Kommentaar
Republikein
Geen kommentaar is op hierdie artikel gelaat nie