Bedrogverdagte uiteindelik uitgelewer
’n Sewe-en-veertigjarige bedrogverdagte wat glo in 2019 uit die land gevlug en sedertdien plaaslike owerhede ontduik het, is uiteindelik gister aan Namibië uitgelewer.
Maria Johanna Coetzee het na bewering die Windhoek International School uit sowat N$2,8 miljoen bedrieg toe sy as finansiële bestuurder by die skool gewerk het. Sy het glo die misdrywe tussen Maart en Oktober 2018 gepleeg.
Sy sou na verwagting gister omstreeks 20:25 vanaf Suid-Afrika by die Internasionale Lughawe Hosea Kutako aankom.
Coetzee staan tereg op 18 aanklagte van bedrog, alternatiewelik diefstal en een klag van geldwassery.
Haar saak was destyds hangend voor die hoërhof in Windhoek en sy is in Maart 2019 borgtog van N$10 000 toegestaan, waarna sy glo na Suid-Afrika gevlug het.
Die saak is op 20 Julie 2020 van die hofrol geskrap. ’n Lasbrief is toe reeds vir haar inhegtenisneming uitgereik omdat sy versuim het om vir voorverhoorverrigtinge te verskyn en daar in daardie stadium vermoed is dat sy in Pretoria woon.
In die hofsaak voer die staat aan dat sy aanvanklik gepoog het sowat N$3,3 miljoen van die skool se rekening in haar eie bankrekening oor te plaas, maar van die transaksies was glo onsuksesvol.
– [email protected]
Maria Johanna Coetzee het na bewering die Windhoek International School uit sowat N$2,8 miljoen bedrieg toe sy as finansiële bestuurder by die skool gewerk het. Sy het glo die misdrywe tussen Maart en Oktober 2018 gepleeg.
Sy sou na verwagting gister omstreeks 20:25 vanaf Suid-Afrika by die Internasionale Lughawe Hosea Kutako aankom.
Coetzee staan tereg op 18 aanklagte van bedrog, alternatiewelik diefstal en een klag van geldwassery.
Haar saak was destyds hangend voor die hoërhof in Windhoek en sy is in Maart 2019 borgtog van N$10 000 toegestaan, waarna sy glo na Suid-Afrika gevlug het.
Die saak is op 20 Julie 2020 van die hofrol geskrap. ’n Lasbrief is toe reeds vir haar inhegtenisneming uitgereik omdat sy versuim het om vir voorverhoorverrigtinge te verskyn en daar in daardie stadium vermoed is dat sy in Pretoria woon.
In die hofsaak voer die staat aan dat sy aanvanklik gepoog het sowat N$3,3 miljoen van die skool se rekening in haar eie bankrekening oor te plaas, maar van die transaksies was glo onsuksesvol.
– [email protected]
Kommentaar
Republikein
Geen kommentaar is op hierdie artikel gelaat nie