Kinderverwaarlosing lei tot tragiese gevolge
Byna 70 gevalle binne 14 maande aangemeld
Die polisie sê kindermishandeling wat nie sigbare beserings tot gevolg het nie, soos kinderverwaarlosing, is moeiliker om te identifiseer en te takel.
Te midde van voorvalle van kinders wat in emmers verdrink, huise per ongeluk afbrand of hoërisiko-situasies in die gesig staar terwyl hulle alleen gelaat word sonder volwasse toesig, is kinderverwaarlosing ’n ernstige probleem in Namibië.
Tussen Januarie 2023 en Maart vanjaar is sowat 69 voorvalle van kinderverwaarlosing by die polisie aangemeld en voorvalle van kinders wat sterf of hulself in gevaarlike omstandighede bevind weens verwaarlosing duur voort.
Sommige voorvalle van kinderverwaarlosing word by die polisie aangemeld, veral wanneer iemand dood is. Die Namibiese polisie meen egter dat talle voorvalle nie aangemeld word nie omdat dit toegesmeer word of weens familielede se onwilligheid om met owerhede te praat, dikwels uit vrees.
Die polisie het onlangs gewaarsku dat voorvalle waar minderjariges alleen gelaat word in situasies wat hulle aan lewensgevaarlike risiko’s blootstel soos verdrinking of verkragting, moeilik is om te identifiseer.
KOLLEKTIEWE BENADERING
Die woordvoerder van die Namibiese polisie, adj.komm. Kauna Shikwambi, het verduidelik die polisie kla wel skuldiges aan, maar het beklemtoon om hierdie kwessies te takel, ’n kollektiewe benadering nodig is.
“Die realiteite is baie emosioneel, veral wanneer dit kom by kinders wat verwaarloos en mishandel word.
“Soms is dit moeilik om te identifiseer wanneer ’n kind verwaarloos of mishandel word, tensy dit fisiek is. Waar wonde en beserings sigbaar is,” het sy verduidelik.
Sy het ook daarop gewys dat talle kinders ontneem word van basiese behoeftes soos liefde, gesondheidsorg, onderrig en veiligheid, asook om gevoed te word en liefde te ervaar.
“Geen kind verdien enige vorm van mishandeling of verwaarlosing nie,” het sy beklemtoon.
Sy het bevestig dat talle voorvalle nie aangemeld word nie en daarom het die polisie besluit om gemeenskappe te betrek, bewusmaking te skep en hulle te leer oor hoe om sulke voorvalle aan te meld.
“Die rol van die polisie in sommige van hierdie kwessies kan net versterk word wanneer die gemeenskap betrokke is, hulle dit aanmeld, sake geopen en die verdagtes aangekla word.
“Dit verg kollektiewe optrede om ons kinders teen alle vorme van leed en gevaar te beskerm,” het sy beklemtoon.
GEVOLGE
In Januarie vanjaar het twee vyfjarige kinders in die informele nedersetting Okagongo kAakwambashu in die Omusatistreek verdrink.
Daar is beweer dat drie jong kinders gelos is om op hul eie bokke op te pas.
Vier maande gelede het ’n eenjarige seuntjie na bewering in ’n emmer water by die informele nedersetting Onziku in die Omusatistreek se Oshikuku-kiesafdeling verdrink.
Die afgelope maande het twee vyfjariges in Oshikoto per ongeluk hul gesinne se mahangu-oes aan die brand gesteek terwyl hulle alleen tuis was sonder volwasse toesig.
Die 43-jarige Magano Kambonde het verlede jaar in die Outapi-landdroshof verskyn op klagte van verwaarlosing van haar 11 maande oue baba wat in ’n 25 liter-houer met geweekte mahangu dood is. Luidens die polisieverslag het Kambonde haar drie minderjarige kinders op 10 November 2021 alleen by die huis gelos, wat tot die dood van haar jongste kind gelei het. Die ander twee kinders was onderskeidelik sewe en nege jaar oud.
In 2018 het ’n polisie-operasie gelei tot die verwydering van 56 kinders onder die ouderdom van 18 jaar uit sjebiens, kroeë en drankwinkels binne die tydperk van slegs vyf dae. Boonop het die polisie nege ma’s met hul babas by dié plekke gevind.
BEMAGTIG GEMEENSKAPPE
Plaaslike geslag- en kinderbeskermingspesialis Veronica Theron meen meer moet gedoen word om voorsteliniewerkers te bemagtig, die hofstelsels te verbeter en die gemeenskap te leer oor beskikbare hulpbronne.
“Na my mening behandel voorstelinie-diensverskaffers soos maatskaplike werkers, polisiebeamptes, mediese dokters nie verwaarlosing met die erns wat dit verdien nie,” het sy gesê en bygevoeg dat nie almal opgelei is of ondervinding het van die wetlike raamwerk met betrekking tot kinderbeskerming nie.
Sy het ook aangeraai dat hofsake waarby minderjarige kinders betrokke is, toegewyde personeel benodig.
– [email protected]
Tussen Januarie 2023 en Maart vanjaar is sowat 69 voorvalle van kinderverwaarlosing by die polisie aangemeld en voorvalle van kinders wat sterf of hulself in gevaarlike omstandighede bevind weens verwaarlosing duur voort.
Sommige voorvalle van kinderverwaarlosing word by die polisie aangemeld, veral wanneer iemand dood is. Die Namibiese polisie meen egter dat talle voorvalle nie aangemeld word nie omdat dit toegesmeer word of weens familielede se onwilligheid om met owerhede te praat, dikwels uit vrees.
Die polisie het onlangs gewaarsku dat voorvalle waar minderjariges alleen gelaat word in situasies wat hulle aan lewensgevaarlike risiko’s blootstel soos verdrinking of verkragting, moeilik is om te identifiseer.
KOLLEKTIEWE BENADERING
Die woordvoerder van die Namibiese polisie, adj.komm. Kauna Shikwambi, het verduidelik die polisie kla wel skuldiges aan, maar het beklemtoon om hierdie kwessies te takel, ’n kollektiewe benadering nodig is.
“Die realiteite is baie emosioneel, veral wanneer dit kom by kinders wat verwaarloos en mishandel word.
“Soms is dit moeilik om te identifiseer wanneer ’n kind verwaarloos of mishandel word, tensy dit fisiek is. Waar wonde en beserings sigbaar is,” het sy verduidelik.
Sy het ook daarop gewys dat talle kinders ontneem word van basiese behoeftes soos liefde, gesondheidsorg, onderrig en veiligheid, asook om gevoed te word en liefde te ervaar.
“Geen kind verdien enige vorm van mishandeling of verwaarlosing nie,” het sy beklemtoon.
Sy het bevestig dat talle voorvalle nie aangemeld word nie en daarom het die polisie besluit om gemeenskappe te betrek, bewusmaking te skep en hulle te leer oor hoe om sulke voorvalle aan te meld.
“Die rol van die polisie in sommige van hierdie kwessies kan net versterk word wanneer die gemeenskap betrokke is, hulle dit aanmeld, sake geopen en die verdagtes aangekla word.
“Dit verg kollektiewe optrede om ons kinders teen alle vorme van leed en gevaar te beskerm,” het sy beklemtoon.
GEVOLGE
In Januarie vanjaar het twee vyfjarige kinders in die informele nedersetting Okagongo kAakwambashu in die Omusatistreek verdrink.
Daar is beweer dat drie jong kinders gelos is om op hul eie bokke op te pas.
Vier maande gelede het ’n eenjarige seuntjie na bewering in ’n emmer water by die informele nedersetting Onziku in die Omusatistreek se Oshikuku-kiesafdeling verdrink.
Die afgelope maande het twee vyfjariges in Oshikoto per ongeluk hul gesinne se mahangu-oes aan die brand gesteek terwyl hulle alleen tuis was sonder volwasse toesig.
Die 43-jarige Magano Kambonde het verlede jaar in die Outapi-landdroshof verskyn op klagte van verwaarlosing van haar 11 maande oue baba wat in ’n 25 liter-houer met geweekte mahangu dood is. Luidens die polisieverslag het Kambonde haar drie minderjarige kinders op 10 November 2021 alleen by die huis gelos, wat tot die dood van haar jongste kind gelei het. Die ander twee kinders was onderskeidelik sewe en nege jaar oud.
In 2018 het ’n polisie-operasie gelei tot die verwydering van 56 kinders onder die ouderdom van 18 jaar uit sjebiens, kroeë en drankwinkels binne die tydperk van slegs vyf dae. Boonop het die polisie nege ma’s met hul babas by dié plekke gevind.
BEMAGTIG GEMEENSKAPPE
Plaaslike geslag- en kinderbeskermingspesialis Veronica Theron meen meer moet gedoen word om voorsteliniewerkers te bemagtig, die hofstelsels te verbeter en die gemeenskap te leer oor beskikbare hulpbronne.
“Na my mening behandel voorstelinie-diensverskaffers soos maatskaplike werkers, polisiebeamptes, mediese dokters nie verwaarlosing met die erns wat dit verdien nie,” het sy gesê en bygevoeg dat nie almal opgelei is of ondervinding het van die wetlike raamwerk met betrekking tot kinderbeskerming nie.
Sy het ook aangeraai dat hofsake waarby minderjarige kinders betrokke is, toegewyde personeel benodig.
– [email protected]
Kommentaar
Republikein
Geen kommentaar is op hierdie artikel gelaat nie