Phala Phala-sage: Becker ontken enige betrokkenheid
‘Dit is belaglik, hy suig dit uit sy duim’
Paulus Ngalangi het verlede week op sosiale media aangekondig dat hy binnekort inligting sal bekend maak wat kommissaris Nelius Becker by die saak sal betrek.
Jemima Beukes – Kommissaris Nelius Becker het aantygings ontken dat hy een van die beskuldigdes in die Phala Phala-sage, Imanuwela David, gehelp het om Namibië onwettig binne te kom.
Die voormalige waarnemende uitvoerende hoof van Fishcor, Paulus Ngalangi, wat in Junie 2020 saam met David in Windhoek in hegtenis geneem is, dreig om inligting oor Becker se beweerde betrokkenheid bekend te maak.
David het na bewering N$7 miljoen na Namibië gesmokkel toe hy op 12 Junie 2020 die Oranjerivier met ’n kano oorgesteek en die land onwettig binnegekom het.
Hy is twee dae later in Onafhanklikheidsrylaan in Windhoek in hegtenis geneem op aanklagte wat verband hou met die wet op immigrasiebeheer en die verontagsaming van Covid-19-inperkingsregulasies.
’n Vertroulike verslag wat Becker in Junie 2020 opgestel het, lui dat die meesterbrein agter die rooftog by die Suid-Afrikaanse president, Cyril Ramaphosa se wildsplaas, David, aan die polisie gesê het hy het ’n sindikaat wat glo mense tussen Suid-Afrika en Namibië smokkel, N$50 000 betaal om te help om die land binne te kom.
Die verslag meld ook dat Ngalangi vasgetrek is toe hy David glo by Noordoewer aan die Namibiese kant van die grens gaan haal het.
Ngalangi het egter verlede week op sosiale media aangekondig dat hy binnekort inligting sal bekend maak wat Becker by die saak sal betrek.
“Ten spyte daarvan dat ek aan ’n beproewing van vier jaar onderwerp is, wat gereelde reise na Noordoewer vereis vir ’n geringe immigrasiekwessie waarvoor ek geen verantwoordelikheid dra nie, het ek besluit om die waarheid agter ’n beduidende wangedrag bekend te maak.
“Ek sal binnekort demonstreer hoe die polisie die onwettige grensoorgang van Imanuwela David, ’n individu wat van die Phala Phala-rooftog beskuldig word, gefasiliteer het, wat hom in staat gestel het om al die pad Windhoek toe te reis, onder bevel van polisiekommissaris Nelius Becker.
“Ek sal die leuens wat destyds aan die media versprei is blootlê, die motiverings daaragter en Becker se onsuksesvolle pogings om sy onderdane teen vervolging te beskerm. Dit terwyl hy sy vinger in my rigting wys, tesame met talle ander noemenswaardige besonderhede, insluitend taktieke wat gebruik word om die finalisering van die hofsaak te vertraag.
“Ek is meer as siek en sat vir hierdie saak. Kommissaris Nelius Becker is welkom om geregtigheid in die howe te soek indien enige van my bewerings ongegrond is,” het Ngalangi verlede week op Facebook geplaas.
KOMMENTAAR
Becker, wat gister om kommentaar genader is, het gesê Ngalangi se jongste plasing is “volslae onsin” en dat hy nooit by David se saak betrokke was totdat hy reeds in Namibië in hegtenis geneem is nie.
“Ek was nooit by daardie persoon betrokke totdat hy in die land was nie. Polisiebeamptes het hom naby die Avani in hegtenis geneem.
“Ek is ingelig en ek het daardie inligting aan die inspekteur-generaal Sebastian Ndeitunga en ander betrokkenes deurgegee.
“Ek was die hoof van CID [die eenheid vir kriminele ondersoeke], so die saak is by my aangemeld. Ek het nooit iemand vervoer nie. Ek sal hom dagvaar.
“Dit is belaglik, hy suig dit uit sy duim. Ek sal hom beslis hof toe vat. Hy moet sy feite verifieer. Ek gaan nie in die motor na die grenspos spring om hom [David] op te laai nie.
“Ek sou nie so op grondvlak betrokke geraak het nie. Die inligting wat aan my gegee is, is deur polisiebronne verskaf,” het Becker gesê.
– [email protected]
Die voormalige waarnemende uitvoerende hoof van Fishcor, Paulus Ngalangi, wat in Junie 2020 saam met David in Windhoek in hegtenis geneem is, dreig om inligting oor Becker se beweerde betrokkenheid bekend te maak.
David het na bewering N$7 miljoen na Namibië gesmokkel toe hy op 12 Junie 2020 die Oranjerivier met ’n kano oorgesteek en die land onwettig binnegekom het.
Hy is twee dae later in Onafhanklikheidsrylaan in Windhoek in hegtenis geneem op aanklagte wat verband hou met die wet op immigrasiebeheer en die verontagsaming van Covid-19-inperkingsregulasies.
’n Vertroulike verslag wat Becker in Junie 2020 opgestel het, lui dat die meesterbrein agter die rooftog by die Suid-Afrikaanse president, Cyril Ramaphosa se wildsplaas, David, aan die polisie gesê het hy het ’n sindikaat wat glo mense tussen Suid-Afrika en Namibië smokkel, N$50 000 betaal om te help om die land binne te kom.
Die verslag meld ook dat Ngalangi vasgetrek is toe hy David glo by Noordoewer aan die Namibiese kant van die grens gaan haal het.
Ngalangi het egter verlede week op sosiale media aangekondig dat hy binnekort inligting sal bekend maak wat Becker by die saak sal betrek.
“Ten spyte daarvan dat ek aan ’n beproewing van vier jaar onderwerp is, wat gereelde reise na Noordoewer vereis vir ’n geringe immigrasiekwessie waarvoor ek geen verantwoordelikheid dra nie, het ek besluit om die waarheid agter ’n beduidende wangedrag bekend te maak.
“Ek sal binnekort demonstreer hoe die polisie die onwettige grensoorgang van Imanuwela David, ’n individu wat van die Phala Phala-rooftog beskuldig word, gefasiliteer het, wat hom in staat gestel het om al die pad Windhoek toe te reis, onder bevel van polisiekommissaris Nelius Becker.
“Ek sal die leuens wat destyds aan die media versprei is blootlê, die motiverings daaragter en Becker se onsuksesvolle pogings om sy onderdane teen vervolging te beskerm. Dit terwyl hy sy vinger in my rigting wys, tesame met talle ander noemenswaardige besonderhede, insluitend taktieke wat gebruik word om die finalisering van die hofsaak te vertraag.
“Ek is meer as siek en sat vir hierdie saak. Kommissaris Nelius Becker is welkom om geregtigheid in die howe te soek indien enige van my bewerings ongegrond is,” het Ngalangi verlede week op Facebook geplaas.
KOMMENTAAR
Becker, wat gister om kommentaar genader is, het gesê Ngalangi se jongste plasing is “volslae onsin” en dat hy nooit by David se saak betrokke was totdat hy reeds in Namibië in hegtenis geneem is nie.
“Ek was nooit by daardie persoon betrokke totdat hy in die land was nie. Polisiebeamptes het hom naby die Avani in hegtenis geneem.
“Ek is ingelig en ek het daardie inligting aan die inspekteur-generaal Sebastian Ndeitunga en ander betrokkenes deurgegee.
“Ek was die hoof van CID [die eenheid vir kriminele ondersoeke], so die saak is by my aangemeld. Ek het nooit iemand vervoer nie. Ek sal hom dagvaar.
“Dit is belaglik, hy suig dit uit sy duim. Ek sal hom beslis hof toe vat. Hy moet sy feite verifieer. Ek gaan nie in die motor na die grenspos spring om hom [David] op te laai nie.
“Ek sou nie so op grondvlak betrokke geraak het nie. Die inligting wat aan my gegee is, is deur polisiebronne verskaf,” het Becker gesê.
– [email protected]
Kommentaar
Republikein
Geen kommentaar is op hierdie artikel gelaat nie