Vermeende verkragter steeds op vrye voet
Die polisie in die Omusatistreek soek steeds na die 40-jarige selfverklaarde pastoor wat na bewering sy 15-jarige stiefdogter verkrag en swanger gemaak het.
Die vermeende verkragter is sedert verlede week skoonveld en die polisiebevelvoerder in die streek, kommissaris Ismael Basson, het gister ’n beroep op die publiek gedoen om te help om hom op te spoor.
“Die verdagte is nog nie in hegtenis geneem nie. Ons soek hom nog. Ons doen ook ’n beroep op lede van die publiek om die polisie by te staan om die verdagte vas te trek,” het Basson gesê.
Daar is egter gerugte dat die selfverklaarde pastoor bande in Angola het en moontlik daarheen gevlug het.
‘VERKRAGTING’
Die verdagte het glo sy 15-jarige stiefdogter sedert Julie verlede jaar talle kere in die informele nedersetting Ombogo in die Tsandi-kiesafdeling verkrag.
Hy het die jong meisie na bewering tot seksuele dade gelok deur haar van seksuele voortplanting te leer.
Hy het haar glo daarna seksueel uitgebuit wanneer haar ma nie by die huis was nie.
In ’n stadium het die vermeende verdagte haar soggens vir meer as ’n week in ’n kamer toegesluit, wat daartoe gelei het dat sy nie skool toe kon gaan nie. Sy is tans in graad 8 by ’n plaaslike skool.
Sy het glo swanger geraak as gevolg van die verkragting en het in Mei vanjaar die lewe aan ’n babaseuntjie geskenk. Dit het daartoe gelei dat die slagoffer en haar ma, wat versuim het om die saak by die polisie aan te meld, verklarings moes aflê.
Die verdagte het op die vlug geslaan kort nadat die saak aangemeld is en hy kon tot dusver nog nie opgespoor word nie.
VRA HULP
As gevolg van die omstandighede by die kamp waar die jong meisie saam met haar ma woon, is die gesin op soek na hulp aangesien hulle tans oorleef op dit wat die regering vir hulle gee as deel van die droogtehulp-inisiatiewe en die werkloosheidstoelaes.
Hulle het ’n beroep op publiek gedoen om hulle te help met babamelk, klere en komberse.
– [email protected]
Die vermeende verkragter is sedert verlede week skoonveld en die polisiebevelvoerder in die streek, kommissaris Ismael Basson, het gister ’n beroep op die publiek gedoen om te help om hom op te spoor.
“Die verdagte is nog nie in hegtenis geneem nie. Ons soek hom nog. Ons doen ook ’n beroep op lede van die publiek om die polisie by te staan om die verdagte vas te trek,” het Basson gesê.
Daar is egter gerugte dat die selfverklaarde pastoor bande in Angola het en moontlik daarheen gevlug het.
‘VERKRAGTING’
Die verdagte het glo sy 15-jarige stiefdogter sedert Julie verlede jaar talle kere in die informele nedersetting Ombogo in die Tsandi-kiesafdeling verkrag.
Hy het die jong meisie na bewering tot seksuele dade gelok deur haar van seksuele voortplanting te leer.
Hy het haar glo daarna seksueel uitgebuit wanneer haar ma nie by die huis was nie.
In ’n stadium het die vermeende verdagte haar soggens vir meer as ’n week in ’n kamer toegesluit, wat daartoe gelei het dat sy nie skool toe kon gaan nie. Sy is tans in graad 8 by ’n plaaslike skool.
Sy het glo swanger geraak as gevolg van die verkragting en het in Mei vanjaar die lewe aan ’n babaseuntjie geskenk. Dit het daartoe gelei dat die slagoffer en haar ma, wat versuim het om die saak by die polisie aan te meld, verklarings moes aflê.
Die verdagte het op die vlug geslaan kort nadat die saak aangemeld is en hy kon tot dusver nog nie opgespoor word nie.
VRA HULP
As gevolg van die omstandighede by die kamp waar die jong meisie saam met haar ma woon, is die gesin op soek na hulp aangesien hulle tans oorleef op dit wat die regering vir hulle gee as deel van die droogtehulp-inisiatiewe en die werkloosheidstoelaes.
Hulle het ’n beroep op publiek gedoen om hulle te help met babamelk, klere en komberse.
– [email protected]
Kommentaar
Republikein
Geen kommentaar is op hierdie artikel gelaat nie