Verskeie dwelmvondse op Swakopmund

Die polisie in die Erongostreek het oor die naweek verskeie dwelmvondse in die Mondesa-woonbuurt op Swakopmund gemaak en van dagga tot kokaïen tot CAT gekonfiskeer. Vrydag is twee mans onderskeidelik 27 en 21 in besit van dagga ter waarde van N$1 750 00 betrap. Op dieselfde dag is ’n 35-jarige man in die Tulinawa-nedersetting in besit van drie groot sakke dagga betrap met ’n waarde van N$ 35 650. ’n Kongolese vrou (28) met vlugtelingstatus is in Tamariskia in hegtenis geneem, nadat sy in besit was van dagga, kokaïen, sowel as CAT met ’n waarde van N$313 000.

Nog ’n man (31) is in Mondesa vasgetrek vir die besit van en handel in dagga en mandrax-tablette met ’n waarde van N$ 43 470. Die betrokke verdagtes verskyn almal Maandag in die landdroshof op Swakopmund.