Erongo-polisie ontvang ruim skenking

Die Namibiese polisie in die Erongostreek het Woensdag ’n reuseskenking van Langer Heinrich Uranium op Walvisbaai ontvang.Die skenking sluit ’n motor, 20 fietse, vyf rekenaars en ’n drukker ter waarde van N$442 828 in.Die besturende direkteur van die myn, Johan Roux, verduidelik dat die skenking hul verbintenis weerspieël om die veiligheid van hul werknemers en die breër Erongo-gemeenskap te verseker terwyl hulle hul vennootskap met die polisie in misdaadvoorkomingspogings versterk.“Ons stuur ’n sterk boodskap dat ons verenig teen misdaad staan. Elke kilometer wat gery word, elke fiets wat getrap word, is ’n stap na ’n veiliger gemeenskap,” het hy gesê.MISDAADVOORKOMINGDie goewerneur van die Erongostreek, Neville Andre, het bygevoeg die Toyota Urban Cruiser sal misdaadvoorkomingspogings in Swakopmund en Mondesa versterk. Die fietse sal gemeenskapspolisiëring, misdaadvoorkoming en inisiatiewe vergemaklik om vertroue te bou, terwyl die rekenaars en drukker kantoorbedrywighede en die transformasie van e-polisiëring in die streek sal ondersteun.“Die Toyota Urban Cruiser sal vinniger reaksietye moontlik maak, die fietse sal ons beamptes nader bring aan die mense wat hulle bedien, en die rekenaars sal ons polisiëringpogings moderniseer en verseker dat ons tred met die digitale era hou.”Andre het beklemtoon die vennootskap tussen die private sektor en die regering is deurslaggewend om die ingewikkelde uitdagings wat die samelewing in die gesig staar, te takel.“Dit is deur sulke vennootskappe dat ons veiliger, sterker en veerkragtiger gemeenskappe kan bou.”Andre het die gemeenskappe van Swakopmund, veral Mondesa, verseker dat hul veiligheid ’n topprioriteit vir die regering bly.“Hierdie skenking is ’n stap vorentoe in ons gesamentlike pogings om ’n veiliger omgewing vir almal te skep. Laat ons voortgaan om hand aan hand saam te werk om ’n streek te bou waar vrede en voorspoed floreer.”POLISIEHOOFDie hoof van die Namibiese polisie, luitenant-generaal Joseph Shikongo, het namens die polisie sy opregte dank vir die skenking uitgespreek.“Ek wil ook ’n beroep op die private sektor doen om die voorbeeld te volg wat die Erongostreek stel. Hierdie streek het baie positiewe ontwikkelings beleef, en ek bedank sy leierskap.”Shikongo het vorige skenkings uitgelig, insluitend twee Isuzu-dubbelkajuitvoertuie van die Navachab-goudmyn vir Usakos en Karibib, drie voertuie van die Swakopmund-munisipaliteit, en die nuwe moderne DRC-polisiekantoor, geborg deur Rössing-uraanmyn, wat gister ingewy is.“Dit alles verteenwoordig ’n beduidende belegging in ons gemeenskap se veiligheid.”– republikein@republikein.com.na

Erongo-polisie ontvang ruim skenking

Kommentaar

Republikein 2025-04-09

Meld asseblief aan om kommentaar te lewer

Erongo-polisie ontvang ruim skenking

Kommentaar

Republikein 2025-04-09

Meld asseblief aan om kommentaar te lewer

MELD AAN

Advertensie