Kommer oor oorlaaide taxi's

Swakopmund se verkeersdepartement het ernstige kommer uitgespreek oor taxi&#039;s wat baie meer passasiers vervoer as waarvoor dit kapasiteit het. Die departement se bestuurder vir nood en wetstoepassing, Melvin Cloete, het verwys na &#039;n geval tydens &#039;n verkeersoperasie by die primêre skool Festus !Gonteb waar 10 leerlinge in &#039;n taxi met vyf sitplekke vervoer is. "Die veiligheid van ons kinders is ononderhandelbaar. Dit is noodsaaklik vir ouers om proaktiewe stappe te neem om te verseker hul kinders reis in veilige en gereguleerde voertuie," het hy gesê.Hy het gemaan ouers moet sorg hul kinders word veilig na en van hul onderskeie skole vervoer. Volgens hom hou taxi&#039;s wat hul kapasiteit oorskry &#039;n gevaar vir kinders in en is dit ook &#039;n verkeersoortreding. Die kusdorp het nou &#039;n inisiatief van stapel gestuur om die situasie by skole in Swakopmund te monitor. Tydens onlangse operasies is 179 verkeersoortredings volgens Cloete aangeteken. Dit het gewissel van taxi&#039;s wat oorlaai en nie geregistreer is nie, voertuiglisensies wat verval het asook voogde en ouers wat leerlinge by skole aflaai en wat nie &#039;n geldige bestuurslisensie het nie. "Ouers is agterlosig en word ernstig aangeraai om verantwoordelikheid vir die veilige en ordentlike vervoer van hul kinders te neem," sê Cloete.

Kommer oor oorlaaide taxi's

Kommentaar

Republikein 2025-04-18

Meld asseblief aan om kommentaar te lewer

Kommer oor oorlaaide taxi's

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie