Nampol bevestig ondersoek na ‘hoëprofiel-verkragtingsaak’
Beweerde gedwonge aborsies
Die Namibiese polisie het die saak as ingewikkeld beskryf en sê dit strek oor 'n tydperk van vyf jaar.
Die Namibiese polisie (Nampol) het bevestig dat die mag aktief ondersoek instel na bewerings van die verkragting van ’n meisie wat 16 jaar oud was ten tyde van die beweerde voorvalle.
In ’n amptelike verklaring wat Vrydag vrygestel is, het die inspekteur-generaal van Nampol, luitenant-generaal Joseph Shikongo, gesê die saak word nog deeglik ondersoek.
“Ons kan bevestig dat sedert die tyd wat die inligting die Namibiese polisie in November 2024 bereik het, is saaknommer CR73/11/2024 dadelik geregistreer en word dit aktief ondersoek.
“Die saak is ingewikkeld en strek oor sowat vyf jaar, maar ons maak vordering,” sê Shikongo in die verklaring.
Hy het ook gesê ’n persoon van belang is geïdentifiseer en dat die vermeende slagoffer ’n beëdigde verklaring afgelê het, wat nou deel is van die amptelike dossier.
Terwyl die polisie openbare kommer oor die saak erken het, het hulle bewerings ontken dat die polisie versuim het om die slagoffer by te staan of gepoog het om die aanklagte te verander.
“In geen stadium het enige lid van die Namibiese polisie hulp aan die jong meisie geweier nie en geen beamptes het haar tot stilswye probeer dwing nie,” het Shikongo beklemtoon.
BEWERINGS
Ten spyte van die polisie se versekering van ’n voortgesette ondersoek, het die selfverklaarde maatskaplike aktivis Michael Amushelelo ernstige kommer op sosiale media oor die hantering van die saak geopper.
In ’n openbare verklaring het Amushelelo ’n senior regeringsbeampte, Mac Albert Hengari, die nuut aangestelde minister van landbou, visserye, water en grondhervorming, as die beweerde oortreder uitgewys.
Volgens Amushelelo het die slagoffer glo jare se mishandeling, gedwonge aborsies en ’n beweerde poging op haar lewe verduur.
“Die slagoffer is verkrag sedert sy 16 jaar oud was en het op 16 en 17 gedwonge aborsies gehad. Toe sy verlede jaar probeer het om haar baba te hou, is ’n ongeluk gereël (staged) om haar dood te maak.
“Gelukkig vir haar en haar baba wat nou sewe maande oud is, het hulle oorleef," beweer Amushelelo in die openbare domein.
Hy beweer ook dat Hengari finansiële transaksies aan die slagoffers gemaak het om mediese uitgawes te dek, wat Amushelelo glo as bewyse gaan onthul. In sy verklaring doen die selfverklaarde aktivis ook ’n beroep op die bedanking van beide Hengari en Shikongo, en beweer dat die polisiehoof glo korrupte politici beskerm in plaas daarvan om Namibiese burgers te beskerm.
Gegewe die erns van die bewerings, het Amushelelo ook ’n fondsinsamelingsveldtog van stapel gestuur om die slagoffer en haar kind na ’n plek van veiligheid te bring, uit vrees vir verdere bedreigings vir hul lewens.
– [email protected]
In ’n amptelike verklaring wat Vrydag vrygestel is, het die inspekteur-generaal van Nampol, luitenant-generaal Joseph Shikongo, gesê die saak word nog deeglik ondersoek.
“Ons kan bevestig dat sedert die tyd wat die inligting die Namibiese polisie in November 2024 bereik het, is saaknommer CR73/11/2024 dadelik geregistreer en word dit aktief ondersoek.
“Die saak is ingewikkeld en strek oor sowat vyf jaar, maar ons maak vordering,” sê Shikongo in die verklaring.
Hy het ook gesê ’n persoon van belang is geïdentifiseer en dat die vermeende slagoffer ’n beëdigde verklaring afgelê het, wat nou deel is van die amptelike dossier.
Terwyl die polisie openbare kommer oor die saak erken het, het hulle bewerings ontken dat die polisie versuim het om die slagoffer by te staan of gepoog het om die aanklagte te verander.
“In geen stadium het enige lid van die Namibiese polisie hulp aan die jong meisie geweier nie en geen beamptes het haar tot stilswye probeer dwing nie,” het Shikongo beklemtoon.
BEWERINGS
Ten spyte van die polisie se versekering van ’n voortgesette ondersoek, het die selfverklaarde maatskaplike aktivis Michael Amushelelo ernstige kommer op sosiale media oor die hantering van die saak geopper.
In ’n openbare verklaring het Amushelelo ’n senior regeringsbeampte, Mac Albert Hengari, die nuut aangestelde minister van landbou, visserye, water en grondhervorming, as die beweerde oortreder uitgewys.
Volgens Amushelelo het die slagoffer glo jare se mishandeling, gedwonge aborsies en ’n beweerde poging op haar lewe verduur.
“Die slagoffer is verkrag sedert sy 16 jaar oud was en het op 16 en 17 gedwonge aborsies gehad. Toe sy verlede jaar probeer het om haar baba te hou, is ’n ongeluk gereël (staged) om haar dood te maak.
“Gelukkig vir haar en haar baba wat nou sewe maande oud is, het hulle oorleef," beweer Amushelelo in die openbare domein.
Hy beweer ook dat Hengari finansiële transaksies aan die slagoffers gemaak het om mediese uitgawes te dek, wat Amushelelo glo as bewyse gaan onthul. In sy verklaring doen die selfverklaarde aktivis ook ’n beroep op die bedanking van beide Hengari en Shikongo, en beweer dat die polisiehoof glo korrupte politici beskerm in plaas daarvan om Namibiese burgers te beskerm.
Gegewe die erns van die bewerings, het Amushelelo ook ’n fondsinsamelingsveldtog van stapel gestuur om die slagoffer en haar kind na ’n plek van veiligheid te bring, uit vrees vir verdere bedreigings vir hul lewens.
– [email protected]
Kommentaar
Republikein
Geen kommentaar is op hierdie artikel gelaat nie