#PAS IN: Liggaam van man gesoek wat by Swakopmund se kaai vermoedelik verdrink het

Die polisie se woordvoerder vir Erongo, hoofinspekteur Ileni Shapumba, het 'n vermoedelike verdrinking gister by Swakopmund se kaai bevestig.

"Saterdag omstreeks 15:30 het werknemers van die Jetty Restaurant gesien dat 'n man, donker in voorkoms en met 'n rooi t-hemp, volgens hulle besig was om te verdrink en onder die water verdwyn het," het Shapumba by navraag gesê. 'n Soektog na sy liggaam het geen resultate opgelewer nie. Volgens Sean Naude sou 'n span private duikers vandag met die soektog voortgaan.

Foto's Sean Naude