#PasIn: Kavangorivier eis twee broers

'n Negejarige en 'n sewentienjarige het glo die naweek by Rundu verdrink. Die twee seuns het na bewering na die Kavangorivier gegaan om sagte sand te kry toe die jongste gegly en in die water geval het. Die sewentienjarige seun het glo in die water ingeduik in 'n poging om sy broer te red, maar is deur die stroom meegesleur. Hul liggame is nog nie gevind nie, maar die polisie se soektog duur voort.