Polisie ondersoek vir vermiste diamante
Privaat sekuriteitsmaatskappy ook onder vergrootglas
In 'n nuwe wending het ondersoeke tot dusver bevind geen verdagtes het van die misdaadtoneel gevlug nie en wat sekuriteitsbeamptes nou in die ondersoekspan se visier laat.
Die polisie het begin om die moontlikheid te ondersoek dat sommige van sy beamptes of privaat sekuriteitswagte moontlik by die vermiste 446 diamantpakkies by Namib Desert Diamonds (Namdia) betrokke kan wees.
Dit nadat voorlopige ondersoeke vasgestel het dat geen verdagtes soos aanvanklik vermoed is van Saterdag se rooftoneel gevlug het nie.
Network Media Hub (NMH) verstaan dat 13 pakkies in die huis van Namdia se sekuriteitsbeampte Joel Angula gevind is, met 446 pakkies wat teen gistermiddag nog soek was.
Aanvanklike polisieverslae het beweer dat vier verdagtes van buite, ingesluit Angula, by die gewapende rooftog betrokke was en dat twee op die vlug geslaan het met diamante ter waarde van miljoene Namibiese dollar.
Namdia het Sondag gesê die verdagtes het met ’n onbekende aantal diamante gevlug, waarvan die waarde nog bepaal moet word.
’n Gesamentlike mediakonferensie deur Namdia en die polisie wat gister sou plaasvind, is intussen onbepaald uitgestel.
Ná die arrestasie van Sam Shololo en die dood van Max Endjala wat homself na bewering geskiet het toe die polisie op die perseel toegeslaan het, is berig dat twee van hul medepligtiges daarin kon slaag om te ontsnap.
Dié weergawe van gebeure is intussen deur voorlopige ondersoeke weerlê.
Vroeë bevindinge dui egter nou daarop dat Angula wat om 14:00 by Namdia se hoofkantoor opgedaag het vir sy skof, net in die geselskap van Shololo en Endjala was, wat ’n geruime tyd in Angula se motor gebly het.
Later het Shololo, Endjala en Angula na bewering die rooftog aan die gang gesit wat gelei het tot die dood van Angula se toesighouer by die werk, Francis Eiseb.
Endjala, wat ’n neef van Angula is, het homself na bewering geskiet toe hul planne vir die rooftog begin skeeploop en sekuriteitsagentskappe op hulle begin toesak het.
Volgens ’n ingeligte bron is die “aanvanklike vermoede dat twee verdagtes daarin kon slaag om te ontsnap heeltemal deur die voorlopige ondersoek uitgeskakel. Die rowers was net drie naamlik Shololo, Endjala en Angula”.
Met 446 pakkies wat nog gesoek word en nuwe bewyse dat geen verdagte van die toneel gevlug het nie, het die polisie begin om scenario’s te skep oor wie moontlik die vermiste pakkies gebuit het.
“Niemand het van die toneel gevlug nie, so daardie weergawe dat rowers die vermiste diamante gevat het, word nie meer ondersoek nie.
“Óf Angula het al die vermiste pakkies gevat en die meerderheid iewers anders weggesteek óf iemand anders van die polisie of die sekuriteitsmaatskappy het dit gesteel,” het die bron gesê.
“Die toneel was grootliks vir ’n lang tyd onbewaak, so dit was maklik vir diegene wat eerste opgedaag het om die pakkies te steel sonder dat iemand hulle gesien het.
“Die toneel was onbewaak – niemand het die toneel bewaak nie – en dit was donker.
“Die vraag nou is ‘het iemand van die polisiemag of die privaat sekuriteitsmaatskappy wat eerste op die toneel was die vermiste pakkies gesteel?’ Soos sake nou staan, weet ons nie wie die diamante gevat het nie.
“Een van die maniere nou om verdagtes te vind, is om te kyk na die leefstyl van diegene wat op die toneel was en dan vat ons dit van daar af,” het die bron gesê.
Die meeste van die Namdia-werknemers wat na bewering deur die verdagtes tydens die rooftog met wapens en messe aangehou is, was hoofsaaklik vroue, wat hulle van die minste waarskynlike verdagtes maak met betrekking tot die vermiste pakkies, meen die polisie.
ANGULA VERSKYN IN HOF
Intussen het Angula, 'n voormalige polisiebeampte, sy eerste verskyning gister in die Windhoekse landdroshof gemaak. Hy word aangekla van moord, twee aanklagte van poging tot moord, roof en die besit van ongeslypte en onverwerkte diamante.
’n Sigbaar ontstelde Angula het voor landdros Olga Muharukua verskyn wat borgtog geweier het. Die staatsaanklaer Rowan van Wyk het borgtog weens die ernstige aard van die klagte teen Angula teengestaan en gesê sy vrylating is nie in die belang van die publiek nie. Angula se prokureur Rejoice Sakeus het aangedui dat sy beoog om binnekort 'n formele borgtogaansoek namens haar kliënt te bring. Die saak is tot 23 Mei vir verdere ondersoek uitgestel.
Shololo is onder polisiebewaking terwyl hy mediese behandeling in die Katutura-staatshospitaal ontvang vir beserings wat hy tydens die rooftog opgedoen het. Hy staar soortgelyke aanklagte as Angula in die gesig en sal na verwagting in die hof verskyn wanneer hy genoegsaam van sy beserings herstel het.
– [email protected]
Dit nadat voorlopige ondersoeke vasgestel het dat geen verdagtes soos aanvanklik vermoed is van Saterdag se rooftoneel gevlug het nie.
Network Media Hub (NMH) verstaan dat 13 pakkies in die huis van Namdia se sekuriteitsbeampte Joel Angula gevind is, met 446 pakkies wat teen gistermiddag nog soek was.
Aanvanklike polisieverslae het beweer dat vier verdagtes van buite, ingesluit Angula, by die gewapende rooftog betrokke was en dat twee op die vlug geslaan het met diamante ter waarde van miljoene Namibiese dollar.
Namdia het Sondag gesê die verdagtes het met ’n onbekende aantal diamante gevlug, waarvan die waarde nog bepaal moet word.
’n Gesamentlike mediakonferensie deur Namdia en die polisie wat gister sou plaasvind, is intussen onbepaald uitgestel.
Ná die arrestasie van Sam Shololo en die dood van Max Endjala wat homself na bewering geskiet het toe die polisie op die perseel toegeslaan het, is berig dat twee van hul medepligtiges daarin kon slaag om te ontsnap.
Dié weergawe van gebeure is intussen deur voorlopige ondersoeke weerlê.
Vroeë bevindinge dui egter nou daarop dat Angula wat om 14:00 by Namdia se hoofkantoor opgedaag het vir sy skof, net in die geselskap van Shololo en Endjala was, wat ’n geruime tyd in Angula se motor gebly het.
Later het Shololo, Endjala en Angula na bewering die rooftog aan die gang gesit wat gelei het tot die dood van Angula se toesighouer by die werk, Francis Eiseb.
Endjala, wat ’n neef van Angula is, het homself na bewering geskiet toe hul planne vir die rooftog begin skeeploop en sekuriteitsagentskappe op hulle begin toesak het.
Volgens ’n ingeligte bron is die “aanvanklike vermoede dat twee verdagtes daarin kon slaag om te ontsnap heeltemal deur die voorlopige ondersoek uitgeskakel. Die rowers was net drie naamlik Shololo, Endjala en Angula”.
Met 446 pakkies wat nog gesoek word en nuwe bewyse dat geen verdagte van die toneel gevlug het nie, het die polisie begin om scenario’s te skep oor wie moontlik die vermiste pakkies gebuit het.
“Niemand het van die toneel gevlug nie, so daardie weergawe dat rowers die vermiste diamante gevat het, word nie meer ondersoek nie.
“Óf Angula het al die vermiste pakkies gevat en die meerderheid iewers anders weggesteek óf iemand anders van die polisie of die sekuriteitsmaatskappy het dit gesteel,” het die bron gesê.
“Die toneel was grootliks vir ’n lang tyd onbewaak, so dit was maklik vir diegene wat eerste opgedaag het om die pakkies te steel sonder dat iemand hulle gesien het.
“Die toneel was onbewaak – niemand het die toneel bewaak nie – en dit was donker.
“Die vraag nou is ‘het iemand van die polisiemag of die privaat sekuriteitsmaatskappy wat eerste op die toneel was die vermiste pakkies gesteel?’ Soos sake nou staan, weet ons nie wie die diamante gevat het nie.
“Een van die maniere nou om verdagtes te vind, is om te kyk na die leefstyl van diegene wat op die toneel was en dan vat ons dit van daar af,” het die bron gesê.
Die meeste van die Namdia-werknemers wat na bewering deur die verdagtes tydens die rooftog met wapens en messe aangehou is, was hoofsaaklik vroue, wat hulle van die minste waarskynlike verdagtes maak met betrekking tot die vermiste pakkies, meen die polisie.
ANGULA VERSKYN IN HOF
Intussen het Angula, 'n voormalige polisiebeampte, sy eerste verskyning gister in die Windhoekse landdroshof gemaak. Hy word aangekla van moord, twee aanklagte van poging tot moord, roof en die besit van ongeslypte en onverwerkte diamante.
’n Sigbaar ontstelde Angula het voor landdros Olga Muharukua verskyn wat borgtog geweier het. Die staatsaanklaer Rowan van Wyk het borgtog weens die ernstige aard van die klagte teen Angula teengestaan en gesê sy vrylating is nie in die belang van die publiek nie. Angula se prokureur Rejoice Sakeus het aangedui dat sy beoog om binnekort 'n formele borgtogaansoek namens haar kliënt te bring. Die saak is tot 23 Mei vir verdere ondersoek uitgestel.
Shololo is onder polisiebewaking terwyl hy mediese behandeling in die Katutura-staatshospitaal ontvang vir beserings wat hy tydens die rooftog opgedoen het. Hy staar soortgelyke aanklagte as Angula in die gesig en sal na verwagting in die hof verskyn wanneer hy genoegsaam van sy beserings herstel het.
– [email protected]
Kommentaar
Republikein
Geen kommentaar is op hierdie artikel gelaat nie