Soektog na ses ontsnapte gevangenes duur voort
Ses van die 11 gevangenes wat Saterdag uit Omuthiya se polisie-aanhoudingselle ontsnap het, is steeds op vrye voet.
Hoewel vyf gevangenes ná die ontsnapping opgespoor en in hegtenis geneem is, is die polisie in die Oshikotostreek gretig om die oorblywende gevangenes te vind.
“Ons stel ondersoek in en ons is besig. Hopelik kry ons hulle gou terug,” het die adjunkkommissaris, Wynand Hermanus Neels, van die polisie in dié streek gesê.
Alhoewel meer as 250 gevangenes sedert 2019 landswyd uit aanhouding ontsnap het, is dit die eerste keer sedert die inwyding van hierdie aanhoudingselle by die Oshikoto-polisiehoofkantoor in 2018 dat enige gevangene daarin kon slaag om te ontsnap.
Die voorlopige polisieverslag oor hoe die gevangenes ontsnap het, dui daarop dat hulle metaalvoorwerpe gebruik het om deur ’n muur te breek.
Die owerhede het kennis geneem van die ontsnapping toe die beamptes op oggendskof die gat in die muur gevind het. Dit is nog ondudelik hoe die gevangenes die metaalvoorwerpe in die hande gekry het.
Die ontsnapte gevangenes is aangehou op verskeie aanklagte wat wissel van diefstal, huisbraak, verkragting, bedrog, omkopery, aanranding, dwelmbesit, gewapende roof en poging tot moord.
Sosiale media het behoorlik gegons toe die nuus van die ontsnapping gebreek het met baie wat beweer dat “korrupte” polisiebeamptes van die aanhoudingselle se binnekringe by die ontsnapping betrokke was.
Luidens ’n verslag van die ondersoekdirektoraat oor mensehandel en vermiste persone wat vroeër vanjaar uitgereik is, het 284 gevangenes sedert 2019 uit polisie-aanhoudingselle ontsnap en is nooit weer opgespoor nie.
Dié verslag het ook aan die lig gebring dat daar sedert 2019 sowat 970 pogings tot ontsnapping deur gevangenes was.
– [email protected]
Hoewel vyf gevangenes ná die ontsnapping opgespoor en in hegtenis geneem is, is die polisie in die Oshikotostreek gretig om die oorblywende gevangenes te vind.
“Ons stel ondersoek in en ons is besig. Hopelik kry ons hulle gou terug,” het die adjunkkommissaris, Wynand Hermanus Neels, van die polisie in dié streek gesê.
Alhoewel meer as 250 gevangenes sedert 2019 landswyd uit aanhouding ontsnap het, is dit die eerste keer sedert die inwyding van hierdie aanhoudingselle by die Oshikoto-polisiehoofkantoor in 2018 dat enige gevangene daarin kon slaag om te ontsnap.
Die voorlopige polisieverslag oor hoe die gevangenes ontsnap het, dui daarop dat hulle metaalvoorwerpe gebruik het om deur ’n muur te breek.
Die owerhede het kennis geneem van die ontsnapping toe die beamptes op oggendskof die gat in die muur gevind het. Dit is nog ondudelik hoe die gevangenes die metaalvoorwerpe in die hande gekry het.
Die ontsnapte gevangenes is aangehou op verskeie aanklagte wat wissel van diefstal, huisbraak, verkragting, bedrog, omkopery, aanranding, dwelmbesit, gewapende roof en poging tot moord.
Sosiale media het behoorlik gegons toe die nuus van die ontsnapping gebreek het met baie wat beweer dat “korrupte” polisiebeamptes van die aanhoudingselle se binnekringe by die ontsnapping betrokke was.
Luidens ’n verslag van die ondersoekdirektoraat oor mensehandel en vermiste persone wat vroeër vanjaar uitgereik is, het 284 gevangenes sedert 2019 uit polisie-aanhoudingselle ontsnap en is nooit weer opgespoor nie.
Dié verslag het ook aan die lig gebring dat daar sedert 2019 sowat 970 pogings tot ontsnapping deur gevangenes was.
– [email protected]
Kommentaar
Republikein
Geen kommentaar is op hierdie artikel gelaat nie