Waar is julle wapens? vra polisiehoof
Hou by protokol, standaarde
Die hoof van die polisie het verwys na herhaaldelike voorvalle waar personeel sonder noodsaaklike toerusting, soos vuurwapens en volledige uniforms, vir diens aangemeld het.
Die inspekteur-generaal van die Namibiese polisie (Nampol), Joseph Shikongo, het tydens 'n onlangse gemeenskapspolisiëringspatrollie in Swakopmund streng kritiek gelewer op polisiebeamptes se gebrek aan paraatheid en algemene kwessies uitgelig wat operasionele doeltreffendheid en openbare vertroue bedreig.
Shikongo het sy teleurstelling uitgespreek oor herhaaldelike voorvalle waar personeel sonder noodsaaklike toerusting, soos vuurwapens en volledige uniforms, vir diens aangemeld het.
"Julle kan baie wees, maar sommige van julle is net op Facebook. Sommige is betrokke by ander aktiwiteite. Julle is nie ten volle toegewyd nie," het Shikongo gesê, en die behoefte beklemtoon dat beamptes hul verantwoordelikhede teenoor die nasie prioritiseer.
Hy het nuwe rekrute uitgesonder wat onvoldoende vir diens toegerus is.
“Waar is hulle uniforms en toerusting?" het hy sigbaar gefrustreerd deur die gebrek aan basiese operasionele standaarde gevra.
“Waar is die lede van die reserwe- en spesiale veldmag, ek sien een pistool hier. Waar is die wapens? Ek vind dit totaal onaanvaarbaar,” het Shikongo gesê.
Hy het na spesifieke gevalle verwys waar beamptes sonder wapens ontplooi is en ook nie volledig in uniform geklee was nie.
“Bevelvoerders, dit is jou verantwoordelikheid om te verseker dat beamptes hul toerusting het en ten volle voorbereid is.”
Kommer is ook geopper oor verantwoordbaarheid en leierskap in die polisiemag. Shikongo het ook die belangrikheid beklemtoon om streng by protokol en standaarde te hou.
Hy het aangedring op ‘n allesomvattende verandering in die manier hoe diensopdragte bestuur word en die belangrikheid van gereelde inspeksies en die nakoming van protokol beklemtoon.
“Offisiere moet ten volle voorbereid en toegerus vir diens aanmeld, dit is nieonderhandelbaar nie.”
Shikongo het ‘n beroep op beamptes gedoen om hulle opnuut weer tot openbare diens en professionalisme te verbind.
“Ons is bereid om hulpbronne toe te ken om te verseker alle beamptes het die nodige toerusting. Dit is egter belangrik dat dit verantwoordelik gebruik word.”
– [email protected]
Shikongo het sy teleurstelling uitgespreek oor herhaaldelike voorvalle waar personeel sonder noodsaaklike toerusting, soos vuurwapens en volledige uniforms, vir diens aangemeld het.
"Julle kan baie wees, maar sommige van julle is net op Facebook. Sommige is betrokke by ander aktiwiteite. Julle is nie ten volle toegewyd nie," het Shikongo gesê, en die behoefte beklemtoon dat beamptes hul verantwoordelikhede teenoor die nasie prioritiseer.
Hy het nuwe rekrute uitgesonder wat onvoldoende vir diens toegerus is.
“Waar is hulle uniforms en toerusting?" het hy sigbaar gefrustreerd deur die gebrek aan basiese operasionele standaarde gevra.
“Waar is die lede van die reserwe- en spesiale veldmag, ek sien een pistool hier. Waar is die wapens? Ek vind dit totaal onaanvaarbaar,” het Shikongo gesê.
Hy het na spesifieke gevalle verwys waar beamptes sonder wapens ontplooi is en ook nie volledig in uniform geklee was nie.
“Bevelvoerders, dit is jou verantwoordelikheid om te verseker dat beamptes hul toerusting het en ten volle voorbereid is.”
Kommer is ook geopper oor verantwoordbaarheid en leierskap in die polisiemag. Shikongo het ook die belangrikheid beklemtoon om streng by protokol en standaarde te hou.
Hy het aangedring op ‘n allesomvattende verandering in die manier hoe diensopdragte bestuur word en die belangrikheid van gereelde inspeksies en die nakoming van protokol beklemtoon.
“Offisiere moet ten volle voorbereid en toegerus vir diens aanmeld, dit is nieonderhandelbaar nie.”
Shikongo het ‘n beroep op beamptes gedoen om hulle opnuut weer tot openbare diens en professionalisme te verbind.
“Ons is bereid om hulpbronne toe te ken om te verseker alle beamptes het die nodige toerusting. Dit is egter belangrik dat dit verantwoordelik gebruik word.”
– [email protected]
Kommentaar
Republikein
Geen kommentaar is op hierdie artikel gelaat nie