Debatte mag oplossing wees vir apatiese kiesers

Presidensiële debatte is volgens professor Johan Coetzee van die Namibië Universiteit vir Wetenskap en Tegnologie (Nust) ’n oplossing om apatiese kiesers in Namibië te takel.Hy het dit Woensdag gesê tydens 'n paneelbespreking in die aanloop tot die einde van kiesersregistrasies vir die presidensiële en nasionale verkiesings in November.“Die onwilligheid om aan debatte deel te neem is ’n simptoom van die probleem van apatiese kiesers. “Ons moet presidensiële debatte hou en ons moet wonder waarvoor kandidate bang is as hulle nie bereid is om deel te neem nie,” het hy gesê.Coetzee het op sy beurt ook die jeug oor die vingers getik vir hul onwilligheid om aan die komende verkiesings deel te neem.“Slegs 8% van die jeug word in die parlement verteenwoordig – hoekom laat julle toe dat hulle met elke verkiesing daarmee wegkom?”Ten spyte van sy huiwering om regeringsbeleid oor die aangeleentheid te versterk, meen hy die ingryping deur die Verkiesingskommissie van Namibië (ECN) om ’n sperdatum vir die verskillende politieke partye se manifeste vas te stel, kan kiesers help om ’n ingeligte keuse by die stembus te maak.Te midde van wêreldneigings dat jongmense nie aan verkiesings deelneem nie, meen hy dat veral hierdie groep probleme in hul gemeenskappe moet identifiseer en in prioriteitsvolgorde moet lys.Daarna moet hulle volgens Coetzee die inisiatief neem om politici te nader om aan hulle te verduidelik hoe hulle van plan is om hierdie kwessies op plaaslike vlak te takel. “Julle hoef nie vir hulle te wag nie, laat hulle vir jou sê wat hulle gaan doen,” het hy gesê.’n Verteenwoordiger van die Konrad Adenauer Stiftung (KAS), Natalie Russmann, het gesê dat hulle opgemerk het dat die moraal onder kiesers goed was, maar dat daar steeds ’n gebrek aan kiesersopvoeding is.Sy verduidelik dat jong kiesers huiwerig is om te stem omdat hulle nie weet vir wie om te stem nie.Die woordvoerder van die Namibië Instituut vir Demokrasie (NID), Ginola Nauseb, het tydens die praatjie gesê talle kiesers glo niks sal verander as hulle stem nie.Hy verduidelik dat baie kiesers glo dat hul stemme brood en botter op die tafel moet sit.Kristine Shetunyenga van Social Enabled Education (SEE) Namibia het hierop gereageer en gesê dié siening word aangevuur deur kiesers se desperaatheid.“Die rede waarom so baie mense dit as ’n transaksie beskou, is omdat hulle desperaat is. Ons het meer as 80 000 mense wat ’n kritieke behoefte aan kos het,” het sy gesê.Shetunyenga het ook jong kiesers gewaarsku om realisties te wees om te verhoed dat hulle deur politici om die bos gelei word.’n Kiesersbeampte vir die ECN in die Khomasstreek, Finelda Khuruses, het gesê die ECN kan nog geen data oor kiesersregistrasies bekend maak nie, aangesien hierdie proses tot 1 Augustus voortduur.– irene-mari@nmh-hub.com.na

Debatte mag oplossing wees vir apatiese kiesers

Kommentaar

Republikein 2025-04-07

Meld asseblief aan om kommentaar te lewer

Debatte mag oplossing wees vir apatiese kiesers

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie