Kanyetu hallusineer seker, sê Nicanor

Swapo ontken die bewerings deur die waarnemende president van die Action Democratic Movement (ADM), Vincent Kanyetu, dat sy lede vuurwapens na politieke byeenkomste dra.Swapo se woordvoerder, Hilma Nicanor, sê die bewerings is ongegrond en polities gemotiveerd, en voeg by dat Kanyetu stories verdraai om politieke guns te wen in die aanloop tot die nasionale verkiesing in November.“Kanyetu hallusineer seker. Swapo sal nooit aan sulke aktiwiteite deelneem nie. Die idee dat Swapo-lede gewere na saamtrekke sal dra, is eenvoudig ondenkbaar. “Hierdie bewerings is niks meer as opgemaakte stories deur diegene wat weet dat hulle nie Swapo kan verslaan nie,” het sy gesê.DEMOKRASIEDit volg nadat Kanyetu Maandag tydens ’n mediakonferensie hierdie bewerings teen die regerende party geopper het en gesê het dit is ’n duidelike skending van demokratiese beginsels en ’n bedreiging vir die nasie se stabiliteit.“Politieke partye het geen plek vir wapens nie. Ons kan nie daarop aanspraak maak dat ons demokrasie handhaaf terwyl ons ons lede toelaat om vergaderings by te woon asof ons in ’n oorlog is nie.“Hierdie gedrag is nie net ’n skending van ons gedragskode nie, maar ook ’n direkte bedreiging vir die veiligheid en vryheid van ons mense,” het hy gesê.Nicanor het die behoefte bevraagteken vir Swapo om sulke taktiek toe te pas.“Hoe kan enigiemand dink dat Swapo sulke dinge by byeenkomste sou doen? Om watter rede? Soos ons ontslape president altyd gesê het, daar is instansies, stelsels en prosesse in hierdie land.“Nou, as ons instansies het vir die toepassing van die wet, wat weerhou hulle daarvan om dit aan relevante owerhede te rapporteer?” het sy gevra.'ONGEGRONDE BESKULDIGING'Nicanor het ook Kanyetu se bewerings dat Swapo-lede registrasiekaarte vir die verkiesing insamel, van die hand gewys en dit nog ’n ongegronde beskuldiging genoem.“Versamel die kaarte vir wat? Waar word hierdie kaarte geneem, en deur wie? Vir my, soos ek gesê het, wanneer mense niks het om die nasie te bied nie, niks om die mense se vertroue te verdien nie, wend hulle hul tot allerhande beskuldigings. Hoekom laat hulle Swapo nie met rus nie?”“Dink hulle dat beskuldigings hulle die vertroue van die mense sal wen? Is dit hul ontwikkelingsplan om sulke bewerings te maak? Is dit wat hulle aan kiesers belowe?” het sy gevraNicanor het beklemtoon dat Swapo nooit sulke onderduimse taktiek sal aanwend nie.“Swapo is nie die party wat by hierdie aktiwiteite betrokke is nie. Ons is daartoe verbind om die waardes van demokrasie en die oppergesag van die reg te handhaaf.“Hierdie bewerings is niks anders as ’n desperate poging om ons in ’n slegte lig te stel nie, en dit sal nie werk nie,” het sy bygevoeg. – republikein@republikein.com.na

Kanyetu hallusineer seker, sê Nicanor

Kommentaar

Republikein 2025-04-09

Meld asseblief aan om kommentaar te lewer

Kanyetu hallusineer seker, sê Nicanor

Kommentaar

Republikein 2025-04-09

Meld asseblief aan om kommentaar te lewer

MELD AAN

Advertensie