Katjiua ingehuldig midde Kapuuo-protes
Muammar Gaddafi se swaard onder magsimbole by seremonie
Okahandja was die afgelope naweek 'n miernes van bedrywighede, met faksies wat koppe gestamp het oor die geldigheid van die nuwe Ovaherero-hoofleier.
Betekenisvolle magsinstrumente is die afgelope naweek aan professor Mutjinde Katjiua oorhandig om sy bewind as opperhoof van die Ovaherero te merk.
Dít te midde van intense teenstand deur ondersteuners van hoofman Vipuira Kapuuo, die voorsitter van die Ovaherero Tradisionele Owerheid (OTA) se raad van hoofmanne.
Kapuuo het Katjiua uitgedaag om in ‘n “behoorlike” verkiesing teen hom te staan as hy beweer hy het die steun van die meerderheid van die Ovaherero-mense.
Ten spyte van voortdurende geskille, insluitend ‘n regsgeding en ‘n onlangse uitspraak deur die hoërhof dat hy geen locus standi (verskyningsbevoegdheid) het om namens die Ovaherero-mense op te tree nie, is Katjiua as opperhoof tydens ‘n swierige geleentheid ingehuldig waartydens hy op ’n weelderige troon gesit het wat uit Amerika ingevoer is en ’n stewige 52 kilogram weeg.
By die geleentheid wat op Omusarakoumba – ’n private plaas 18 kilometer buite Okahandja – gehou is, waar honderde van sy ondersteuners gekamp het om te verhoed dat hulle met die klein byeenkoms van Kapuuo-ondersteuners bots, het Katjiua ‘n kierie ontvang wat ook uit Amerika ingevoer is.
Hy het ook “simbole van mag” ontvang, naamlik ‘n swaard wat die ontslape Libiese leier Muammar Gaddafi as geskenk aan wyle opperhoof Hosea Kutako gegee het en die opperhoofde se gedenkplaat, wat van een opperhoof aan die volgende oorhandig word.
In die gesig van teenkanting van die Kapuuo-faksie het Katjiua daarop aangedring dat daar geen twyfel oor sy opperhoofskap moet wees nie, en daarop gewys dat hy op die regte manier by Onderombapa in die Aminuis-kiesafdeling verkies is.
Kapuuo het egter aangevoer dat, volgens die Ovaherero-mense se gebruiklike wette en tradisie, moet die voorsitter van die raad van hoofmanne as waarnemende opperhoof intree wanneer sy voorganger sterf.
GEKAAP
Katjiua het verder die grafsteen van wyle opperhoof Vekuii Rukoro, wat verlede jaar dood is en vir wie hy as raadgewer gedien het, by die grafheiligdom vir Ovaherero-opperhoofde onthul.
Hy was toe aan die stuur van ’n oorgangskomitee om die vakuum te vul wat deur Rukoro se dood veroorsaak is.
Kapuuo het egter aangevoer dat Katjiua en sy ondersteuners die oorgangskomitee gebruik het om die belangrikste hoofposisie te kaap sonder om die behoorlike prosesse te volg.
‘NIKS PERSOONLIK NIE’
Kapuuo se raadgewer, dr. Uazuva Kaumbi, wat deel gevorm het van die raadsvoorsitter se handjievol volgelinge en wat hulde gebring het aan die gevalle Ovaherero-opperhoofde as deel van die Rooivlag-vereniging-herdenking, het Sondag benadruk dat “Dit is moeilik om Katjiua net te aanvaar, maar ons kan hom aanvaar as hy deelneem aan die proses wat gebruik word om ‘n nuwe hoof te kies. hulle Katjiua nie as die opperhoof van die OTA erken nie, en dat hy sy mag in ‘n behoorlike verkiesingsproses moet bewys.
As hy hom daaraan onderwerp en ‘n kandidaat word en as hy wen, dan sal ons hom natuurlik as die opperhoof aanvaar.
“Maar nie op die manier wat hy nou gedoen het nie. As hy bereid is om mee te ding, weet ons daar is drie kandidate en as hulle meeding en Katjiua wen, dan is daar niks wat ons kan doen nie. Dit is niks persoonlik nie,” het hy gesê.
Die Kapuuo-faksie erken ook nie die onthulling van wyle Rukoro se grafsteen nie en daarom het hulle dié nuwe monument heeltemal geïgnoreer tydens hul huldigingstoer deur die grafheiligdom vir opperhoofde (Chiefs’ Memorial Shrine).
Volgens Kaumbi is die proses nie behoorlik uitgevoer nie, maar hulle konsulteer tans oor hoe om dit te hanteer.
“Ons moet by die tradisionele priester uitvind, miskien is daar ‘n ritueel wat gedoen moet word om dit te ‘normaliseer’, so ek sal met die priester moet praat oor hoe dit gedoen moet word,” het hy gesê.
BEMIDDELING
Hy het bygevoeg ‘n bemiddelingsproses wat deur die Evangelies-Lutherse Kerk in die Republiek van Namibië (ELCRN) geïnisieer is, sal voortgaan en hulle is optimisties dat ‘n konsensus bereik sal word en kompromieë aangegaan sal word.
Hy het bygevoeg dit sal egter nie gebeur as Katjiua hom nie aan die OTA-verkiesingsprosesse onderwerp nie.
“Biskop Sageus /Keib het aangedui dat hulle graag wil voortgaan. Ons het gehoop daar sou ‘n tipe konsensus wees voor die onthulling. Daar was ook ‘n reëling deur 'n groep besorgde leraars wat ‘n vergadering gereël het. Of dit nog sal aangaan, weet ons nie.
“Ons glo daar sal ‘n oplossing wees – as ons ooreenkom om ons eie paaie te volg, is dit ook ‘n opsie,” het hy gesê.
– [email protected]
Dít te midde van intense teenstand deur ondersteuners van hoofman Vipuira Kapuuo, die voorsitter van die Ovaherero Tradisionele Owerheid (OTA) se raad van hoofmanne.
Kapuuo het Katjiua uitgedaag om in ‘n “behoorlike” verkiesing teen hom te staan as hy beweer hy het die steun van die meerderheid van die Ovaherero-mense.
Ten spyte van voortdurende geskille, insluitend ‘n regsgeding en ‘n onlangse uitspraak deur die hoërhof dat hy geen locus standi (verskyningsbevoegdheid) het om namens die Ovaherero-mense op te tree nie, is Katjiua as opperhoof tydens ‘n swierige geleentheid ingehuldig waartydens hy op ’n weelderige troon gesit het wat uit Amerika ingevoer is en ’n stewige 52 kilogram weeg.
By die geleentheid wat op Omusarakoumba – ’n private plaas 18 kilometer buite Okahandja – gehou is, waar honderde van sy ondersteuners gekamp het om te verhoed dat hulle met die klein byeenkoms van Kapuuo-ondersteuners bots, het Katjiua ‘n kierie ontvang wat ook uit Amerika ingevoer is.
Hy het ook “simbole van mag” ontvang, naamlik ‘n swaard wat die ontslape Libiese leier Muammar Gaddafi as geskenk aan wyle opperhoof Hosea Kutako gegee het en die opperhoofde se gedenkplaat, wat van een opperhoof aan die volgende oorhandig word.
In die gesig van teenkanting van die Kapuuo-faksie het Katjiua daarop aangedring dat daar geen twyfel oor sy opperhoofskap moet wees nie, en daarop gewys dat hy op die regte manier by Onderombapa in die Aminuis-kiesafdeling verkies is.
Kapuuo het egter aangevoer dat, volgens die Ovaherero-mense se gebruiklike wette en tradisie, moet die voorsitter van die raad van hoofmanne as waarnemende opperhoof intree wanneer sy voorganger sterf.
GEKAAP
Katjiua het verder die grafsteen van wyle opperhoof Vekuii Rukoro, wat verlede jaar dood is en vir wie hy as raadgewer gedien het, by die grafheiligdom vir Ovaherero-opperhoofde onthul.
Hy was toe aan die stuur van ’n oorgangskomitee om die vakuum te vul wat deur Rukoro se dood veroorsaak is.
Kapuuo het egter aangevoer dat Katjiua en sy ondersteuners die oorgangskomitee gebruik het om die belangrikste hoofposisie te kaap sonder om die behoorlike prosesse te volg.
‘NIKS PERSOONLIK NIE’
Kapuuo se raadgewer, dr. Uazuva Kaumbi, wat deel gevorm het van die raadsvoorsitter se handjievol volgelinge en wat hulde gebring het aan die gevalle Ovaherero-opperhoofde as deel van die Rooivlag-vereniging-herdenking, het Sondag benadruk dat “Dit is moeilik om Katjiua net te aanvaar, maar ons kan hom aanvaar as hy deelneem aan die proses wat gebruik word om ‘n nuwe hoof te kies. hulle Katjiua nie as die opperhoof van die OTA erken nie, en dat hy sy mag in ‘n behoorlike verkiesingsproses moet bewys.
As hy hom daaraan onderwerp en ‘n kandidaat word en as hy wen, dan sal ons hom natuurlik as die opperhoof aanvaar.
“Maar nie op die manier wat hy nou gedoen het nie. As hy bereid is om mee te ding, weet ons daar is drie kandidate en as hulle meeding en Katjiua wen, dan is daar niks wat ons kan doen nie. Dit is niks persoonlik nie,” het hy gesê.
Die Kapuuo-faksie erken ook nie die onthulling van wyle Rukoro se grafsteen nie en daarom het hulle dié nuwe monument heeltemal geïgnoreer tydens hul huldigingstoer deur die grafheiligdom vir opperhoofde (Chiefs’ Memorial Shrine).
Volgens Kaumbi is die proses nie behoorlik uitgevoer nie, maar hulle konsulteer tans oor hoe om dit te hanteer.
“Ons moet by die tradisionele priester uitvind, miskien is daar ‘n ritueel wat gedoen moet word om dit te ‘normaliseer’, so ek sal met die priester moet praat oor hoe dit gedoen moet word,” het hy gesê.
BEMIDDELING
Hy het bygevoeg ‘n bemiddelingsproses wat deur die Evangelies-Lutherse Kerk in die Republiek van Namibië (ELCRN) geïnisieer is, sal voortgaan en hulle is optimisties dat ‘n konsensus bereik sal word en kompromieë aangegaan sal word.
Hy het bygevoeg dit sal egter nie gebeur as Katjiua hom nie aan die OTA-verkiesingsprosesse onderwerp nie.
“Biskop Sageus /Keib het aangedui dat hulle graag wil voortgaan. Ons het gehoop daar sou ‘n tipe konsensus wees voor die onthulling. Daar was ook ‘n reëling deur 'n groep besorgde leraars wat ‘n vergadering gereël het. Of dit nog sal aangaan, weet ons nie.
“Ons glo daar sal ‘n oplossing wees – as ons ooreenkom om ons eie paaie te volg, is dit ook ‘n opsie,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie