Laaste ronde vir PDM-leier
“Oor vyf jaar sal iemand anders en iemand jonger voortgaan om die PDM te lei.”
Só het die leier van die Popular Democratic Movement (PDM), McHenry Venaani, die afgelope naweek tydens ’n samekoms op Katima Mulilo aangekondig.
“By die volgende kongres sal ek kom om die mag aan die volgende voorsitter oor te gee,” het die 46-jarige partyleier gesê wat die eerste leier van dié politieke party in Namibië is en die party vir byna tien jaar gelei het.
Die PDM se top-6-politici het almal hul poste behou ná 'n konferensie die afgelope naweek op Katima Mulilo.
Venaani sal sy pos as partyleier vir die volgende vyf jaar behou, so ook sy adjunk Jennifer van den Heever, sekretaris-generaal Manuel Ngaringombe, sy adjunk Linus Thobias, en nasionale voorsitter Diederick Vries, asook die party se jarelange tesourier Nico Smit.
Daar is ook besluit om die partyleierskap met twee bykomende poste uit te brei. Sydney Ndumbah is tot visetesourier verkies en Rosa Mbinge-Tjiuende as die eerste adjunkvoorsitter van die party.
Dit het die weg gebaan vir jonger lede om by die partyleierskap aan te sluit. Die kritiek dat daar te min vroue in die party se leierskap is, is ook met ’n bykomende vrou teëgewerk.
MANIFES
Die PDM het ook sy nuwe verkiesingsmanifes die naweek bekend gemaak.
Hoewel die gedetailleerde inhoud daarvan nog nie aan die media bekend gemaak is nie, is dit duidelik uit die opsomming dat landbou ’n groot rol gaan onder die slagspreuk “Skep werk, bou huise, brei landbou uit en verseker ’n beter toekoms” gaan speel.
As die PDM aan bewind kom, wil die PDM minstens 10% van die staatsbegroting in die landbousektor belê.
In elk van die 101 kiesafdelings wil hy aansporings aan die private sektor bied om fabrieke op te rig. Die party beoog om verdere besproeiingsprojekte in streke soos die Zambezi op te rig en om die werkloosheidsyfer teen 2029 met 11% te verminder.
– [email protected]
Só het die leier van die Popular Democratic Movement (PDM), McHenry Venaani, die afgelope naweek tydens ’n samekoms op Katima Mulilo aangekondig.
“By die volgende kongres sal ek kom om die mag aan die volgende voorsitter oor te gee,” het die 46-jarige partyleier gesê wat die eerste leier van dié politieke party in Namibië is en die party vir byna tien jaar gelei het.
Die PDM se top-6-politici het almal hul poste behou ná 'n konferensie die afgelope naweek op Katima Mulilo.
Venaani sal sy pos as partyleier vir die volgende vyf jaar behou, so ook sy adjunk Jennifer van den Heever, sekretaris-generaal Manuel Ngaringombe, sy adjunk Linus Thobias, en nasionale voorsitter Diederick Vries, asook die party se jarelange tesourier Nico Smit.
Daar is ook besluit om die partyleierskap met twee bykomende poste uit te brei. Sydney Ndumbah is tot visetesourier verkies en Rosa Mbinge-Tjiuende as die eerste adjunkvoorsitter van die party.
Dit het die weg gebaan vir jonger lede om by die partyleierskap aan te sluit. Die kritiek dat daar te min vroue in die party se leierskap is, is ook met ’n bykomende vrou teëgewerk.
MANIFES
Die PDM het ook sy nuwe verkiesingsmanifes die naweek bekend gemaak.
Hoewel die gedetailleerde inhoud daarvan nog nie aan die media bekend gemaak is nie, is dit duidelik uit die opsomming dat landbou ’n groot rol gaan onder die slagspreuk “Skep werk, bou huise, brei landbou uit en verseker ’n beter toekoms” gaan speel.
As die PDM aan bewind kom, wil die PDM minstens 10% van die staatsbegroting in die landbousektor belê.
In elk van die 101 kiesafdelings wil hy aansporings aan die private sektor bied om fabrieke op te rig. Die party beoog om verdere besproeiingsprojekte in streke soos die Zambezi op te rig en om die werkloosheidsyfer teen 2029 met 11% te verminder.
– [email protected]
Kommentaar
Republikein
Geen kommentaar is op hierdie artikel gelaat nie