Namibië eerste, sê Nandi-Ndaitwah
Stamgebondenheid kan langdurige gevolge inhou
Daar is geen kwade gevoelens tussen Netumbo Nandi-Ndaitwah, eerste minister Saara Kuugongelwa-Amadhila en die minister van die omgewing, bosbou en toerisme, Pohamba Shifeta, nie.
Tuyeimo Haidula - Swapo se visepresident, Netumbo Nandi-Ndaitwah, sê stam- en streekgebondenheid is besig om in die land kop uit te steek en sou dit nie getakel word nie, kan dit langdurige gevolge inhou.
Nandi-Ndaitwah het Saterdag tydens ’n Swapo-byeenkoms by die Olufuko-sentrum op Outapi in die Omusatistreek gemaan dat Namibië ontslae moet raak van denke wat op stam en streek gefokus is om vooruitgang te toon.
“Ons teenstanders probeer hul bes om dit te gebruik. Hulle verwys voortdurend na Ohangwena, Omusati, Oshikoto. Hulle verwys na dié streke omdat dit baie inwoners het en sodat Swapo en hierdie regering tot ’n val kan kom,” het sy gesê.
Volgens Nandi-Ndaitwah moet Namibiërs egter as ’n eenheid saamwerk omdat dit die enigste manier is waarop die land gebou kan word.
“Dis Namibië eerste voor ons streke en ons stamme, anders speel ons in die hande van ons teenstanders. Ons moet dit nie toelaat nie, anders gaan die geskiedenis ons veroordeel,” het sy gesê.
Volgens Nandi-Ndaitwah sal die regering daaraan werk om ’n balans tussen die streke te vind en dit vermy om een ten koste van die ander te ontwikkel.
“Dit is soos om die arm gesond te maak, terwyl die been steeds in pyn is.”
Sy het Saterdag se platform ook gebruik om te beklemtoon daar is geen kwade gevoelens tussen haar en eerste minister Saara Kuugongelwa-Amadhila en die minister van die omgewing, bosbou en toerisme, Pohamba Shifeta, nie. Kuugongelwa-Amadhila en Shifeta het tydens die Swapo-kongres verlede jaar teen haar as presidentskandidaat verloor.
Shifeta was nie Saterdag by die byeenkoms op Outapi nie, maar volgens Nandi-Ndaitwah het hy verskoning aangeteken. Hy ondersteun haar ook as presidentskandidaat.
“Julle sê ons het nie verenig nie. Ons wil julle verseker dat ons wel verenig is. Ná afloop van die kongres het ons almal saam met ons veldtogbestuurder middagete gaan eet. Ons het selfs besluit om dieselfde bestuurders vir die hoofveldtog aanstaande jaar te gebruik,” het Nandi-Ndaitwah gesê.
Swapo se koördineerder in die Omusatistreek, Sacky Kayone, sê hulle ondersteun Nandi-Ndaitwah se kandidaatskap en sal alles in die stryd werp om te verseker sy het ’n suksesvolle veldtog.
Kayone se boodskap aan haar was om te streef vir innerlike vrede omdat hulle vir haar sal veg.
“Ons verseker jou dat ons hier in Omusati jou kandidaatskap ondersteun. Moet vir niemand bang wees nie. Ons is 100% en ten alle tye agter jou. Ons heg baie waarde aan die blou, groen en rooi,” het Kayone gesê.
– [email protected]
Nandi-Ndaitwah het Saterdag tydens ’n Swapo-byeenkoms by die Olufuko-sentrum op Outapi in die Omusatistreek gemaan dat Namibië ontslae moet raak van denke wat op stam en streek gefokus is om vooruitgang te toon.
“Ons teenstanders probeer hul bes om dit te gebruik. Hulle verwys voortdurend na Ohangwena, Omusati, Oshikoto. Hulle verwys na dié streke omdat dit baie inwoners het en sodat Swapo en hierdie regering tot ’n val kan kom,” het sy gesê.
Volgens Nandi-Ndaitwah moet Namibiërs egter as ’n eenheid saamwerk omdat dit die enigste manier is waarop die land gebou kan word.
“Dis Namibië eerste voor ons streke en ons stamme, anders speel ons in die hande van ons teenstanders. Ons moet dit nie toelaat nie, anders gaan die geskiedenis ons veroordeel,” het sy gesê.
Volgens Nandi-Ndaitwah sal die regering daaraan werk om ’n balans tussen die streke te vind en dit vermy om een ten koste van die ander te ontwikkel.
“Dit is soos om die arm gesond te maak, terwyl die been steeds in pyn is.”
Sy het Saterdag se platform ook gebruik om te beklemtoon daar is geen kwade gevoelens tussen haar en eerste minister Saara Kuugongelwa-Amadhila en die minister van die omgewing, bosbou en toerisme, Pohamba Shifeta, nie. Kuugongelwa-Amadhila en Shifeta het tydens die Swapo-kongres verlede jaar teen haar as presidentskandidaat verloor.
Shifeta was nie Saterdag by die byeenkoms op Outapi nie, maar volgens Nandi-Ndaitwah het hy verskoning aangeteken. Hy ondersteun haar ook as presidentskandidaat.
“Julle sê ons het nie verenig nie. Ons wil julle verseker dat ons wel verenig is. Ná afloop van die kongres het ons almal saam met ons veldtogbestuurder middagete gaan eet. Ons het selfs besluit om dieselfde bestuurders vir die hoofveldtog aanstaande jaar te gebruik,” het Nandi-Ndaitwah gesê.
Swapo se koördineerder in die Omusatistreek, Sacky Kayone, sê hulle ondersteun Nandi-Ndaitwah se kandidaatskap en sal alles in die stryd werp om te verseker sy het ’n suksesvolle veldtog.
Kayone se boodskap aan haar was om te streef vir innerlike vrede omdat hulle vir haar sal veg.
“Ons verseker jou dat ons hier in Omusati jou kandidaatskap ondersteun. Moet vir niemand bang wees nie. Ons is 100% en ten alle tye agter jou. Ons heg baie waarde aan die blou, groen en rooi,” het Kayone gesê.
– [email protected]
Kommentaar
Republikein
Geen kommentaar is op hierdie artikel gelaat nie