PAS IN: LPM-raadslid steek partyvlag aan die brand
Gertjie Witbooi, Keetmanshoop se raadslid vir die landelike kiesafdeling, het die leier van die Landless People's Movement (LPM), Bernadus Swartbooi, daarvan beskuldig dat hy ‘n smeerveldtog teen hom voer.
Volgens Witbooi spruit dit na bewering uit sy weiering om Swartbooi se tannie as die finansiële direkteur van die //Kharas-streekraad “in te smokkel”, terwyl iemand anders vir dié posisie aanbeveel is.
Witbooi het vanmiddag die LPM se vlag aan die brand gesteek, terwyl die gemeenskap en LPM-lede die partyleierskap uitgejou het oor die manier waarop hulle Witbooi behandel.
“Hulle het my onwettig van raadsvergaderings geskors om hierdie ding te dryf. Hulle was gister op Koës, waar hulle 47 mense vertel het dat ek in die bed met Swapo is. Vandag op Aroab het dieselfde ding gebeur. Hulle is besig om my naam deur die modder te sleep.
“Ek het die vlag en twee foto’s van Swartbooi verbrand. Ek was baie kwaad omdat hulle nie met my wil praat nie. Die laaste keer dat hy met my gepraat het, was op 18 Januarie en toe het hy my ma gevloek. Ek werk vir my mense. Dis hoekom hulle vir my opstaan,” het Witbooi gesê.
Die nasionale woordvoerder van die LPM, Lifalaza Simataa, het gesê hulle sal môre gereageer.
“Die party kan nie in dié stadium kommentaar lewer nie, want ons moet uitvind wat nou op Keetmanshoop aangaan. Ons sal teen môre reageer,” het hy gesê.
#RepNuus
Volgens Witbooi spruit dit na bewering uit sy weiering om Swartbooi se tannie as die finansiële direkteur van die //Kharas-streekraad “in te smokkel”, terwyl iemand anders vir dié posisie aanbeveel is.
Witbooi het vanmiddag die LPM se vlag aan die brand gesteek, terwyl die gemeenskap en LPM-lede die partyleierskap uitgejou het oor die manier waarop hulle Witbooi behandel.
“Hulle het my onwettig van raadsvergaderings geskors om hierdie ding te dryf. Hulle was gister op Koës, waar hulle 47 mense vertel het dat ek in die bed met Swapo is. Vandag op Aroab het dieselfde ding gebeur. Hulle is besig om my naam deur die modder te sleep.
“Ek het die vlag en twee foto’s van Swartbooi verbrand. Ek was baie kwaad omdat hulle nie met my wil praat nie. Die laaste keer dat hy met my gepraat het, was op 18 Januarie en toe het hy my ma gevloek. Ek werk vir my mense. Dis hoekom hulle vir my opstaan,” het Witbooi gesê.
Die nasionale woordvoerder van die LPM, Lifalaza Simataa, het gesê hulle sal môre gereageer.
“Die party kan nie in dié stadium kommentaar lewer nie, want ons moet uitvind wat nou op Keetmanshoop aangaan. Ons sal teen môre reageer,” het hy gesê.
#RepNuus
Kommentaar
Republikein
Geen kommentaar is op hierdie artikel gelaat nie