#PasIn: ECN reik duplikaat-kieserskaarte uit

Die Verkiesingskommissie van Namibië (ECN) sal môre (13 Mei) en Sondag (14 Mei) duplikaat-kieserkaarte uitreik aan geskikte kiesers in die Keetmanshoop Landelike kiesafdeling vir die tussentydse verkiesing wat op Maandag, 15 Mei 2023, plaasvind.

Dit sal by die Keetmanshoop Voter Education Centre, Aroab-kiesafdelingskantoor en die Koës-gemeenskapsaal geskied.

Die ECN het vanmiddag ‘n verklaring uitgereik waarin dit 'n beroep op alle geskikte kiesers doen wat hul kieserkaarte verloor het om duplikate te bekom. Hulle moet ‘n polisieverklaring en identiteitsdokument toon.