#PasIn SPYL veroordeel uitspraak oor selfdegeslaghuwelike

Die Swapo Jeugliga het 'n uitspraak deur die Hooggeregshof dat Namibië selfdegeslaghuwelike erken wat in ander lande geregistreer is, veroordeel en gesê die uitspraak strook nie met Namibië se wette nie. “Met volle respek en erkenning aan ons onafhanklike howe en die regstelsel om sake voor hulle onafhanklik te bereg, is ons ook bewus van die feit dat die howe slegs by magte is om ons aanvaarde wette toe te pas en te interpreteer, waarop die verhoudings tussen die mense en die Republiek van Namibië regeer word. Nadat die feite voor ons in ag geneem is, is dit duidelik en sonder twyfel dat ons wette nie die erkenning van selfdegeslaghuwelike toelaat nie,” het sekretaris Ephraim Nekongo gesê. "Ons doen 'n beroep op SWAPO as 'n regerende party, om dringend die regering deur sy verteenwoordiging in die Parlement te rig, om wetgewing te skep wat duidelik uitspraak lewer oor ons kollektiewe standpunt in die verwerping van homoseksualiteit en alles wat dit behels, in ooreenstemming met die SWAPO-partygrondwet, politieke program en die SWAPO-party Verkiesingsmanifes, ons belofte aan die mense van die Republiek van Namibië,” het hy gesê.