PDM geprys oor jongmense in komitee
Bewys van toewyding, harde werk
Die PDM se sentrale komitee bestaan uit min pensioenarisse wat outomaties deel van die liggaam word en verkies is tot die top 8 vleuels.
Nie een van die 40 mense wat verkies is tot die Popular Democratic Movement (PDM) se tweede hoogste besluitnemingsliggaam is bo die ouderdom van 60 nie. Die politieke ontleder, Rui Tyatende, meen dit is ’n prysenswaardig stap wat gerus deur ander politieke partye gevolg kan word.
Dié bestuursliggaam is Donderdag verkies by ’n kongres en meer as 70 persent van die 40 verkose partylede tot die PDM se sentrale komitee is onder die ouderdom van 40. Kazeongere Tjeundo (55) is die oudste lid onder die 40 verkose lede.
Die PDM se sentrale komitee bestaan uit min pensioenarisse wat outomaties deel van die liggaam word en verkies is tot die top 8-vleuels. Die meerderheid van die top 8-posisies is behou deur diegene wat die posisies vir die afgelope vyf jaar beklee het.
'n Goedgeplaaste PDM-lid wat op voorwaarde van anonimiteit gepraat het, het gesê nadat die uitslae van die top 8-posisies bekendgemaak is, is die jeug van die party gedeeltelik gegrief dat slegs die jong Sydney Ndumbah deel van die struktuur gevorm het. Dit nadat hy as die adjunk-tesourier-generaal verkies is.
"Met net Ndumbah wat dit gemaak het, het ons [die jeug] besluit om vir mekaar te stem en dit is hoe ons die pensioenarisse uitgestem het," het die bron onthul.
“Tweedens was die oudstes voor die kongres baie gemaklik gewees en het hulle nie soos ons veldtogte gevoer nie."
Die nuutverkose woordvoerder van die PDM-jeugliga, Inajovandu Katjepunda, het die jongmense gelukgewens wat tot die party se sentrale komitee deurgedring het.
“Jou verkiesing is 'n bewys van jou toewyding, harde werk en onwrikbare verbintenis tot die waardes en visie van ons beweging. Ons is ongelooflik trots op jou prestasies en sien uit na die daadwerklike bydraes wat jy tot die leierskap en rigting van ons party sal lewer.”
PRYSENSWAARDIG
Tyitende het intussen gesê die PDM moet geprys word omdat hy verseker het dat jongmense deel vorm van die party se tweede hoogste besluitnemingsliggaam.
Hy het aangevoer dat die jeug die een moet wees wat oor hul toekoms moet besluit, in plaas van ouer mense wat dalk nie hul belang op die hart dra nie.
"Ek voel dit is 'n goeie stap in die lig daarvan dat die verteenwoordiging in die hoogste besluitnemingsliggaam van die party die demografie van die land weerspieël,"
“Die NSA het reeds vir ons gesê dat 71 persent van die bevolking uit jongmense bestaan, so hoe kan ons 'n situasie hê waar die ouer die jongmense regeer?
“Dit kan nie meer gebeur nie, dit is nie prakties waar die samelewing uit jongmense bestaan nie, maar die ouer mense oorheers die besluitneming. Dit is baie ongesond vir veral 'n jong demokrasie soos ons s'n. Jongmense moet hul eie toekoms bepaal. Jongmense moet besluit wat die beste vir hulle is.”
– [email protected]
Dié bestuursliggaam is Donderdag verkies by ’n kongres en meer as 70 persent van die 40 verkose partylede tot die PDM se sentrale komitee is onder die ouderdom van 40. Kazeongere Tjeundo (55) is die oudste lid onder die 40 verkose lede.
Die PDM se sentrale komitee bestaan uit min pensioenarisse wat outomaties deel van die liggaam word en verkies is tot die top 8-vleuels. Die meerderheid van die top 8-posisies is behou deur diegene wat die posisies vir die afgelope vyf jaar beklee het.
'n Goedgeplaaste PDM-lid wat op voorwaarde van anonimiteit gepraat het, het gesê nadat die uitslae van die top 8-posisies bekendgemaak is, is die jeug van die party gedeeltelik gegrief dat slegs die jong Sydney Ndumbah deel van die struktuur gevorm het. Dit nadat hy as die adjunk-tesourier-generaal verkies is.
"Met net Ndumbah wat dit gemaak het, het ons [die jeug] besluit om vir mekaar te stem en dit is hoe ons die pensioenarisse uitgestem het," het die bron onthul.
“Tweedens was die oudstes voor die kongres baie gemaklik gewees en het hulle nie soos ons veldtogte gevoer nie."
Die nuutverkose woordvoerder van die PDM-jeugliga, Inajovandu Katjepunda, het die jongmense gelukgewens wat tot die party se sentrale komitee deurgedring het.
“Jou verkiesing is 'n bewys van jou toewyding, harde werk en onwrikbare verbintenis tot die waardes en visie van ons beweging. Ons is ongelooflik trots op jou prestasies en sien uit na die daadwerklike bydraes wat jy tot die leierskap en rigting van ons party sal lewer.”
PRYSENSWAARDIG
Tyitende het intussen gesê die PDM moet geprys word omdat hy verseker het dat jongmense deel vorm van die party se tweede hoogste besluitnemingsliggaam.
Hy het aangevoer dat die jeug die een moet wees wat oor hul toekoms moet besluit, in plaas van ouer mense wat dalk nie hul belang op die hart dra nie.
"Ek voel dit is 'n goeie stap in die lig daarvan dat die verteenwoordiging in die hoogste besluitnemingsliggaam van die party die demografie van die land weerspieël,"
“Die NSA het reeds vir ons gesê dat 71 persent van die bevolking uit jongmense bestaan, so hoe kan ons 'n situasie hê waar die ouer die jongmense regeer?
“Dit kan nie meer gebeur nie, dit is nie prakties waar die samelewing uit jongmense bestaan nie, maar die ouer mense oorheers die besluitneming. Dit is baie ongesond vir veral 'n jong demokrasie soos ons s'n. Jongmense moet hul eie toekoms bepaal. Jongmense moet besluit wat die beste vir hulle is.”
– [email protected]
Kommentaar
Republikein
Geen kommentaar is op hierdie artikel gelaat nie