Swapo ontwyk regsuitdaging, sê Metcalfe

Die regerende party is onlangs gekritiseer omdat hulle oënskynlik wettige litigasie ontduik het.

Dié kritiek het gekom van adv. Richard Metcalfe, die prokureur wat die vyf Swapo-lede verteenwoordig wat die sentrale komitee se besluit betwis om nie ’n buitengewone kongres binne 90 dae ná oudpresident Hage Geingob se dood in Februarie te hou nie.

“Dit blyk dat die regerende party weghardloop van wettige litigasie omdat hy bloot ’n hofverhoor oor sy onvermoë om aan sy eie grondwet te voldoen, wil vermy,” het hy Maandag gesê.

Dié kritiek het gevolg op ’n verslag wat deur Swapo en sy presidentskandidaat, Netumbo Nandi-Ndaitwah, by die hof ingedien is.



VERRIGTINGE

Hulle het ’n wysiging versoek van die hof se bevel wat verlede Vrydag uitgereik is, wat ’n sperdatum van 30 Augustus vir die indiening van beantwoordende beëdigde verklarings geskeduleer het, waarin die hof versoek word om ook ’n datum vir ’n saakbestuurverhoor in te sluit.

“Die saak is dus nog nie gereed vir die toekenning van ’n verhoordatum nie, nie net omdat die pleitstukke nog nie ingedien is nie, maar ’n saakbestuurvergadering tussen die partye is nog gehou nie,” lui die verslag.

Swapo-lede Reinhold (Iita Nayitsikile) Shipwikineni, Petrus Shituula, Joshua Martins, Erich Shivute en Aina Angula het die aansoek ingedien wat Swapo se sentrale komitee se besluit betwis om die buitengewone kongres tot April 2025 uit te stel.

Verder het Swapo se regsverteenwoordiger, Gilroy Kasper, kennis gegee van ’n voorgenome teenaansoek wat moontlik gebring sal word.

– [email protected]