Unam beskuldig van politieke vooroordeel

Die Universiteit van Namibië (Unam) is van vooroordeel beskuldig nadat hy politieke aktiwiteite op sy kampusse verbied het, maar Swapo se jeugliga (SPYL) toegelaat het om Vrydag ’n reeks ononderbroke politieke aktiwiteite op sy hoofkampus te hou.In April het die universiteit amptelik ’n verbod op alle politieke aktiwiteite op die kampus uitgereik. ’n Stap wat destyds beskou is as ’n poging om ’n geleentheid van die Affirmative Repositioning Students Society (ARSC), waar Affirmative Repositioning-aktiviste en Job Amupanda sou praat, te kniehalter. Alhoewel die ARSC aanvanklik probeer het om dié besluit te verontagsaam, het ’n sterk teenwoordigheid van sekuriteitsbeamptes by die lokaal die organiseerders gedwing om die geleentheid af te stel.Die universiteit het ook na bewering ’n geleentheid wat die afgelope naweek deur die Unam Politieke Wetenskapvereniging gereël is, gekeer. Inna Hengari, ’n parlementslid van die Population Democratic Movement (PDM), sou glo onder die sprekers wees. Sy het gister bevestig dat die geleentheid waarby sy geskeduleer was om te praat “uitgestel is”.Hengari het in Junie in die parlement gevra hoe die universiteit sy verantwoordelikheid balanseer om ’n omgewing te bied wat bevorderlik is vir die uitoefening van akademiese vryheid en kritiese dialoog met die behoefte om neutraliteit in politieke aangeleenthede te handhaaf, en sonder om politieke aktiwiteite op kampus te beperk.Unam se woordvoerder, Simon Namesho, het bevestig dat die universiteit SPYL se oortreding van die verbod ondersoek.“Hierdie voorval is onder die aandag van die direktoraat van studentesake gebring en die betrokke vereniging [SPYL] is versoek om vir ondersoek in te kom,” het hy kortliks gesê.SPYL se aktiwiteite is na bewering gelei deur onder andere Fenny Tutjavi, die Unam Studenteraad (VSR) se sekretaris-generaal wat verlede week opskudding veroorsaak nadat sy deur die party se visepresident, Netumbo Nandi-Ndaitwah, tot Swapo se Nasionale Vergadering se kandidaatslys verkies is.‘RUGGRAATLOOS’Die Landless People’s Movement (LPM) Youth Command het Vrydag in ’n verklaring Unam se bestuur “ruggraatlose flipfloppers” genoem wat “politieke vooroordeel” ten gunste van Swapo uitgeoefen het.“Hierdie groep ruggraatlose flipfloppers het weer eens skaamteloos hul lojaliteit aan Swapo getoon ten koste van die einste beginsels van akademiese vryheid en politieke betrokkenheid wat hulle veronderstel is om te handhaaf.“Vanjaar, in ’n patetiese vertoon van onderdanigheid, het hulle alle politieke aktiwiteite oor Unam-kampusse gestaak, maar steeds agteroor gebuig om SPYL te akkommodeer, wat hulle toegelaat het om ’n mobiliseringsveldtog op kampus te voer, wat hul verbod op politieke aktiwiteite oortree het.”Die woordvoerder van die LPM se Youth Command, William Minnie, het Unam daarvan beskuldig dat hy “hopeloos vasgevang” is in sy desperaatheid vir politieke gunste van Swapo en dat hy totaal onbekwaam is om politiek-bewuste, kritiese denkende studente te bevorder.“Unam se versuim om ’n omgewing van intellektuele en politieke vryheid te skep, is ’n weerspieëling van die wurggreep wat Swapo op leierskap het. “’n Leierskap wat geen belangstelling in transformasie of vooruitgang het nie, maar slegs daarin om hul ambisies binne Swapo se korrupte stelsel te bevorder," het die Youth Command gesê en verder geëis dat die verbod onmiddellik opgehef word.KRITIEK OP VERBODDie verbod, wat amptelik deur die universiteit se pro-visekanselier vir finansies en administrasie, EllenNamhila, uitgereik is, is destyds deur die universiteit se akademiese personeel bevraagteken. Hulle het Namhila gewaarsku om haar daarvan te weerhou daarvan om ’n eens gesogte universiteit in ’n “Mickey Mouse”-instelling te verander wat intellektuele onderdanigheid bevorder.Diegene wat die opdrag afgekeur het, sluit in Amupanda en mede-Unam-akademici Rui Tyitende, dr. Ellison Tjirera, prof. Lesley Blaauw, regsdosent dr. John Nakuta en ’n dosent vir geesteswetenskappe, dr. Basilius Kasera. Hulle het die opdrag as “ongrondwetlik” bestempel.Unam het Vrydag aan Network Media Hub bevestig dat die verbod steeds in werking is. – republikein@republikein.com.na

Unam beskuldig van politieke vooroordeel

Kommentaar

Republikein 2024-11-22

Meld asseblief aan om kommentaar te lewer

Unam beskuldig van politieke vooroordeel

Kommentaar

Republikein 2024-11-22

Meld asseblief aan om kommentaar te lewer

MELD AAN

Advertensie