UPM kies môre sy leiers

Die United People’s Movement (UPM) hou môre by sy hoofkantoor op Rehoboth ’n verkiesingskonferensie waar 155 afgevaardiges vanaf 36 takke oraloor die land verwag word.Volgens mnr. Jan van Wyk, parlementslid vir die party, het die UPM laas in 2017 ’n soortgelyke geleentheid gehou. Toe het 56 afgevaardiges, waarvan 43 stemreg gehad het, dit bygewoon. Tydens daardie geleentheid het mnr. Willem Bismarck ná 42 jaar in die politiek afgetree, en die parlementariër, mnr. Piet Junius, het by hom oorgeneem tot sy dood op 3 April 2021.Volgens van Wyk het die UPM in Augustus 2019 met die PDM ooreengekom om saam aan die nasionale verkiesing deel te neem. Dit het tot twee setels in die parlement vir die UPM gelei. In verlede jaar se streeksraads- en plaaslike owerheidsverkiesing het die UPM slegs in die Rehoboth-, Okahandja- en Hentiesbaai-verkiesings deelgeneem. Hulle het een setel op Rehoboth se dorpsraad gewen, maar hul setel vir Rehoboth se stedelike wes-kiesafdeling op die streeksraad verloor.Tans het die UPM 9 000 lede op hul databasis, sê Van Wyk, en voeg by dat die lede uit sewe streke kom, naamlik ||Kharas, Hardap, Khomas, Erongo, Otjozondjupa, Omaheke en Oshikoto. “Die UPM beoog om takke in die oorblywende streke te vestig na afloop die komende konferensie,” sê hy. Dusver het 120 lede vanaf 40 takke reeds bevestig dat hulle môre teenwoonwoordig sal wees. Volgens van Wyk is dit reeds ’n groot toename in vergelyking met 2017.Die konferensie moet ook besluit oor sekere wysigings op die party se grondwet. Dit sluit die vebod op lidmaatskap by ’n ander politieke party in. Ander wysigings handel oor streekskomitees van die party terwyl die deel van die grondwet wat handel oor die nominasie van kandidate, heeltemaal vervang mag word. In die toekoms sal nominasies vir verteenwoordigers in streeks- en plaaslike owerheidsverkiesing nie later nie as ses maande voor die nasionale verkiesing geskied.Nog ’n belangrikke item op môre se agenda is die afhandeling van die finansiële state. Vogens van Wyk het die party reeds sy boeke vir 2020-&#039;21 voltooi en is dit tans by die ouditeurs, terwyl die 2021-&#039;22 finansiële state en die begroting vir 2022-&#039;23 die naweek bespreek en hopelik goedgekeur sal word. “Die UPM het oor die laaste vyf jaar ongekwalifiseerde ouditverslae ontvang, en is van plan om hiermee vol te hou,” sê hy.Buiten vir die posisies van president en sekretaris-generaal, verwag hy sterk medediging vir die ander nege posisies, sê van Wyk. Die verkiesingsproses sal na verwagting kort na 14:00 môre begin. -augetto@republikein.com.na

UPM kies môre sy leiers

Kommentaar

Republikein 2025-04-01

Meld asseblief aan om kommentaar te lewer

UPM kies môre sy leiers

Kommentaar

Republikein 2025-04-01

Meld asseblief aan om kommentaar te lewer

MELD AAN

Advertensie