Vox Pop

Die Verkiesingskommisie van Namibië (ECN) se plan om 'n maatskappy met die hand uit te soek om die stembriewe vir die komende verkiesings te druk, instede daarvan om die normale verkrygingsproses te volg, is op 'n breë front deur politieke partye verwerp. Election Nexus het Jan Publiek gaan pols oor die kwessie en wat hulle van ECN se voorstel dink.



Gonzalez Fransisco

Ek glo die ECN se besluit om direk 'n maatskappy te kies om die stembriewe te druk, wek ernstig kommer. Ek voel ook hierdie benadering kan deursigtigheid en regverdigheid in die verkiesingsproses ondermyn.

Madikizela Meroro

Wat is in die eerste plek die doel van hierdie skuif? Wat het hulle daartoe gedryf om hierdie besluit te neem? Ek voel die normale verkrygingsprosedures is in plek om kompeterende pryse en verantwoordbaarheid te verseker. Deur dit te systap, skep twyfel oor die integriteit van die proses.

Sarah Tsei-tseimou

In die eerste plek gaan die uitsoek met die hand van 'n maatskappy beslis agterdog wek. Ons wil graag weet op watter basis is hierdie maatskappy gekies? Om 'n spesifieke maatskappy met die hand te kies, is reeds in stryd met die waardes wat die ECN veronderstel om te ondersteun en wat deursigtigheid insluit.

Die tenderstelsel het gewerk omdat dit regverdig was. Ten minste drie maatskappye het die kans gekry om hul voorstelle voor te lê. Dit is onregverdig en gaan twyfel wek oor hoe vry en regverdig ons verkiesingsproses regtig is.